Türkmenistanyň Serhetçiler gününi döretmek hakynda

Türkmenistanyň Prezidentiniň 15.08.2008 ý. çykaran № PP-5148 Permany Türkmenistanyň Prezidentiniň 04.04.2019 ý. çykaran № PP-492 Permany esasynda güýjüni ýitiren diýip ykrar edilen.

TÜRKMENISTANYŇ PREZIDENTINIŇ

P E R M A N Y

Türkmenistanyň Serhetçiler gününi döretmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2008 ý., № 8, 468-nji madda)

Türkmenistanyň Döwlet serhet gullugynyň harby gullukçylarynyň döwlet serhedimiziň eldegrilmesizligini, howpsuzlygyny goramakda, goňşy ýurtlar bilen aralykdaky dostluk-doganlyk serhediniň ygtybarly bolmagyny üpjün etmekde bitirýän hyzmatlaryny göz öňünde tutup hem-de 1992-nji ýylyň 11 -nji awgustynda Türkmenistanyň Döwlet serhet gullugynyň döredilmegi mynasybetli, şeýle hem Türkmenistanyň Döwlet serhet gullugynyň towakganamasyny nazara alyp, karar edýärin:

1. Türkmenistanyň Serhetçiler gününi döretmeli we ony her ýylyň 11-nji awgustynda belläp geçmeli.

2. Türkmenistanyň Döwlet serhet gullugy Türkmenistanyň Serhetçiler gününiň ýokary derejede guramaçylykly bellenip geçilmegini üpjün etmeli.

Türkmenistanyň Prezidenti

Gurbanguly Berdimuhamedow

Aşgabat ş.,

2008 ý. awgust aýynyň 15-i.

№ PP-5148