Ölüm jezasyny jenaýat jeza çäresi hökmünde ulanmaga moratoriý girizmek hakynda

TÜRKMENISTANYŇ PREZIDENTINIŇ

P E R M A N Y

Ölüm jezasyny jenaýat jeza çäresi hökmünde ulanmaga moratoriý

girizmek hakynda

(Türkmenistanyň Prezidentiniň namalarynyň we Türkmenistanyň Hökümetiniň kararlarynyň ýygyndysy, 1999 ý., № 1, 2-nji madda)

Türkmenistany demokratik, hukuk we dünýewi döwlet hökmünde döretmegiň, we ösdürmegiň esasy ýörelgelerini mundan beýläk-de durmuşa geçirmek maksady bilen hem-de Türkmenistanyň içeri we daşary syýasatda halkara hukugynyň, umumylykda ykrar edilen kadalaryna, Birleşen Milletler Guramasynyň hem-de Ýewropada Howpsuzlyk we Hyzmatdaşlyk baradaky Guramanyň ýörelgelerine we maksatlaryna yzygiderli eýerýändiginden we olary durmuşa geçirýändiginden ugur alyp, adamkärçilik, hoşniýetlilik, adalatlylyk taglymlaryny goldanyp we BMG-niň Baş Assambleýasynyň Adam hukuklary baradaky ählumumy jarnamasyny kabul etmeginiň 50 ýyllygy mynasybetli, karar edýärin:

1. 1999 ýylyň 1 ýanwaryndan başlap Türkmenistanyň ähli ýerinde ölüm jezasyny jenaýat jeza çäresi hökmünde ulanmaga moratoriý girizmeli.

2. Türkmenistanyň Konstitusiýasynyň 66 maddasynyň ikinji böleginiň 2 punktuna laýyklykda Türkmenistanyň Mejlisi şu Permany ulanmak bilen baglanyşykly meselelere kanunda göz öňünde tutulan tertipde garamaly.

Türkmenistanyň Prezidenti Saparmyrat Türkmenbaşy

Aşgabat ş.

1999-njy ýylyň 6-njy ýanwary

№ PP-2736