«Türkmenistanyň at gazanan atşynasy» diýen hormatly ady dakmak hakynda

TÜRKMENISTANYŇ PREZIDENTINIŇ

P E R M A N Y

«Türkmenistanyň at gazanan atşynasy» diýen hormatly

ady dakmak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2013 ý., № 4, 2508-nji madda)

Berkarar döwletimiziň bagtyýarlyk döwründe Garaşsyz, baky Bitarap Watanymyzda atçylygy ösdürmekde, adamzat gymmatlyklarynyň genji-hazynasyna öwrülen behişdi bedewlerimizi ösdürip ýetişdirmekde, tohum atlaryň önümçilik sypatlaryny saklamakda we ýokarlandyrmakda, olaryň baş sanyny artdyrmakda, dünýä meşhur ahalteke bedewleriniň şan-şöhratyny, at-owazasyny has-da belende götermekde bitiren uly hyzmatlaryny hem-de köp ýyllaryň dowamynda çeken halal we tutanýerli zähmetini, hünär ussatlygyny nazara alyp, şeýle hem Türkmen bedewiniň baýramy mynasybetli, karar edýärin:

Ýurdumyzyň şu raýatlaryna «Türkmenistanyň at gazanan atşynasy» diýen hormatly ady dakmaly:

«Türkmen atlary» döwlet birleşiginiň Milli atly sport merkeziniň seýisi Bäşim Ballyýewiç Ballyýewe;

«Türkmen atlary» döwlet birleşiginiň Türkmenistanyň Prezidentiniň ahalteke atçylyk toplumynyň önümçilik bölüminiň atbakary Döwletmyrat Berdimuhammedowiç Atahanowa;

«Türkmen atlary» döwlet birleşiginiň Türkmenistanyň Prezidentiniň ahalteke atçylyk toplumynyň önümçilik bölüminiň uly atbakary Şiraly Rahymowa;

«Türkmen atlary» döwlet birleşiginiň Türkmenistanyň Prezidentiniň ahalteke atçylyk toplumynyň Seýisçilik bölüminiň seýisi Rejepmyrat Agamyradowa;

Aşgabat şäheriniň Prezident Nyýazow adyndaky etrabynyň ýaşaýjysy, hususy atşynas Mälikguly Taýlyýewe.

Türkmenistanyň Prezidenti

Gurbanguly Berdimuhamedow

Aşgabat şäheri

2013 ý. aprel aýynyň 28-i

№ PP-6319