Zapasdaky ofiserleri Türkmenistanyň Serhet goşunlaryna hakyky harby gulluga çagyrmak hakynda

TÜRKMENISTANYŇ PREZIDENTINIŇ

P E R M A N Y

Zapasdaky ofiserleri Türkmenistanyň Serhet goşunlaryna hakyky harby gulluga çagyrmak hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1995 ý., № 6, 2619-njy madda)

Türkmenistanyň Konstitusiýasynyň 12-nji maddasyna hem-de 57 -nji maddasynyň 3-nji punktuna laýyklykda, karar edýärin:

1. Türkmenistanyň Goranmak ministrligi bilen bilelikde Türkmenistanyň Serhet goşunlary uprawleniýesi tarapyndan kesgitlenilen mukdarda 30 ýaşa çenli bolan zapasdaky ofiserleri 2 ýyl möhlete 1995-nji ýylyň iýunda-iýulda hem-de noýabrynda-dekabrynda Türkmenistanyň Serhet goşunlaryna hakyky harby gulluga çagyrmaly.

Türkmenistanyň Goranmak ministrligi görkezilen ofiserlerine çagyrylmagyny Türkmenistanyň Serhet goşunlary uprawleniýesi bilen bilelikde gurnamalydyr.

2. Welaýatlaryň, şäherleriň we etraplaryň häkimlikleri:

Şu Permanyň 1-nji punktuna laýyklykda zapasdaky ofiserleri Türkmenistanyň Serhet goşunlaryna çagyrylmagyna ýardam etmelidir;

ofiserlere we olaryň maşgala agzalaryna gulluk ýerine gelen gününden başlap 3 aýdan gijä galman Türkmenistanyň ýaşaýyş jaý kanunlarynyň normalary boýunça ýaşaýyş jaýyny bermelidir.

3. 1993-nji ýylda çagyrylan, harby gullugyň bellenilen möhletini gulluk eden Türkmenistanyň Serhet goşunlarynyň ofiserini hakyky harby gullukdan boşatmaly.

Türkmenistanyň Prezidenti Saparmyrat Türkmenbaşy

Aşgabat şäheri

1995-nji ýylyň 13-nji iýuny

№ PP-1556