Oraza baýramy hakynda

TÜRKMENISTANYŇ PREZIDENTINIŇ

P E R M A N Y

Oraza baýramy hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2006 ý., № 10, 1072-nji madda)

Türkmen halkynyň köp asyrlyk taryhyna aýawly çemeleşmek, onuň gymmatly ruhy baýlygyny gorap saklamak, ajaýyp däp-dessurlaryny, urp-adatlaryny berjaý etmek hem-de baýlaşdyrmak mähriban halkymyzyň bitewiligini,agzybirligini hem-de jebisligini has-da berkitmek we «Oraza baýramy hakynda» Türkmenistanyň Prezidentiniň 1998-nji ýylyň 14-nji ýanwarynda çykaran № 2432 Permanyny ýerine ýetirmek üçin, karar edýärin:

Milli baýram bolan Oraza baýramy mynasybetli, 2006-njy ýylyň 14-nji oktýabryny iş güni däl diýip yglan etmeli.

Türkmenistanyň Prezidenti Saparmyrat Türkmenbaşy

Aşgabat ş.

2006-njy ýylyň 14-nji oktýabry

№ PP-4547