Türkmenistanda baýramçylyklar we däp-dessurlar hakynda» Türkmenistanyň Prezidentiniň 1992-nji ýylyň 19-njy fewralynda çykaran 302-nji Permanyna üýtgetmeler we goşmaçalar girizmek hakynda

Türkmenistanyň Prezidentiniň 10.07.1995 ý. çykaran № PP-1578 Permany Türkmenistanyň Prezidentiniň 29.01.2008 ý. çykaran № PP-4992 Permany esasynda güýjüni ýitiren diýip hasap edilen.

TÜRKMENISTANYŇ PREZIDENTINIŇ

P E R M A N Y

Türkmenistanda baýramçylyklar we däp-dessurlar hakynda» Türkmenistanyň Prezidentiniň 1992-nji ýylyň 19-njy fewralynda çykaran 302-nji Permanyna üýtgetmeler we goşmaçalar girizmek hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1995 ý., № 7, 2655-nji madda)

Türkmenistanyň kanunlaryny tertipleşdirmek we sistemalaşdyrmak maksady bilen, karar edýärin:

«Türkmenistanda baýramçylyklar we däp-dessurlar hakynda» Türkmenistanyň Prezidentiniň 1992-nji ýylyň 19-njy fewralynda çykaran 302-nji Permanyny aşakdaky redaksiýada beýan etmeli:

«1. Türkmenistanda dynç alyş gününi bermek bilen, şu aşakdaky seneleri baýramçylyk hökmünde bellemeli we Hatyra gününi belläp geçmeli:

Täze ýyl – 1 ýanwar

Hatyra güni – 12 ýanwar

Türkmenistanyň Döwlet baýdagynyň baýramy -19 fewral

Halkara aýallar güni – 8 mart

Nowruz baýramy - 21 mart

Ýeňiş Güni – 9 maý

Galkynyş we agzybirlik güni – 18 maý

Gurban baýramy - Gurban baýramy baýramçylygynyň anyk senesi her ýyl Türkmenistanyň Hökümeti tarapyndan bellenilýär

Ýatlama güni - 6 oktýabr

Türkmenistanyň Garaşsyzlyk güni – 27 - 28 oktýabr

2. Türkmenistanyň Zähmet hakyndaky kanunlar kodeksiniň 66 maddasyna şu Permanyň 1 maddasyndan gelip çykýan üýtgetmeleri girizmeli.

3. Türkmenistanyň bütin territoriýasynda şu aşakdaky seneleri belläp geçmeli:

«Suw damjasy - altyn dänesi» baýramçylygyny - apreliň birinji ýekşenbesi

Türkmen bedewiniň baýramçylygyny - apreliň soňky ýekşenbesi

Magtymgulynyň poeziýasynyň baýramçylygyny – 19-njy maý (dynç alyş güni berilmezden)

Türkmen halysynyň baýramçylygyny – maýyň soňky ýekşenbesi

Türkmen gawunynyň baýramçylygyny - awgustyň ikinji ýekşenbesi

Türkmen bagşysynyň baýramçylygyny - sentýabryň ikinji ýekşenbesi

Talyp ýaşlaryň gününi – 17 noýabr (talyplar üçin dynç alyş gününi bermek bilen)

Hasyl baýramçylygyny - noýabryň soňky ýekşenbesi

Goňşyokara gününi - dekabryň birinji ýekşenbesi».

Türkmenistanyň Prezidenti Saparmyrat Türkmenbaşy

Aşgabat şäheri.

1995-nji ýylyň 10-njy iýuly.

№ PP-1578.