Türkmenistanyň ussat seýslerine "Türkmenistanyň at gazanan atşynasy" diýen hormatly ady dakmak hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň ussat seýslerine "Türkmenistanyň at gazanan atşynasy" diýen hormatly ady dakmak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2005 ý., № 4, 138-nji madda)

Garaşsyz baky Bitarap Türkmenistanyň atçylyk pudagyny ösdürmekde, türkmen halkynyň genji-hazynasy bolan behişdi bedewleri ösdürip ýetişdirmekde, olaryň gadymy ugurlaryny dikeltmekde, dünýä meşhurlygyny we şan-şöhratyny has-da belende götermekde, ýurdumyzda ahalteke atlarynyň baş sanyny artdyrmakda bitiren hyzmatlary, ýokary netijeli halal zähmeti we hünär ussatlygy üçin, şeýle hem Türkmen bedewiniň baýramy mynasybetli, karar edýärin:

Beýik Saparmyrat Türkmenbaşynyň ahalteke atçylyk toplumynyň baş seýsi Kakamyrat Agamyradowa;

"Türkmen atlary" döwlet birleşiginiň Aşgabatdaky merkezi aýlawynyň baş seýsi Amanguly Gazakowa;

"Türkmen atlary" döwlet birleşiginiň S. A. Nyýazow adyndaky ahalteke atçylyk athanasynyň seýsi Suwhandurdy Amandurdyýewiç Guljanowa "Türkmenistanyň at gazanan atşynasy" diýen hormatly ady dakmaly.

Türkmenistanyň Prezidenti Saparmyrat Türkmenbaşy

Aşgabat ş.

2005-nji ýylyň 20-nji apreli

№ PP-4254