Türkmenistanyň kazyýetleriniň kazylaryny wezipä bellemek, wezipeden boşatmak we wezipe ygtyýarlyklaryndan mahrum etmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň kazyýetleriniň kazylaryny wezipä bellemek, wezipeden boşatmak we wezipe ygtyýarlyklaryndan mahrum etmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2009 ý., № 11, 12, 535-nji madda)

«Kazyýet hakyndaky» Türkmenistanyň Kanunynyň 54-nji, 56-njy we 87-nji maddalaryna laýyklykda, karar edýärin:

Gunça Baýramgulyýewna Işangulyýewany Aşgabat şäher kazyýetiniň kazysy wezipesine täze möhlete bellemeli;

Gurbanmyrat Hudaýberdiýewi Ahal welaýatynyň Abadan şäher kazyýetiniň dolandyryş we ýerine ýetiriş önümçiligi boýunça kazysy wezipesine bellemeli;

Farhat Muratowiç Jumaýewi Balkan welaýatynyň Balkanabat şäher kazyýetiniň dolandyryş we ýerine ýetiriş önümçiligi boýunça kazysy wezipesine bellemeli;

Maýa Pursuwowna Bäşimowany, ygtyýarlylyk möhletiniň tamamlanandygy sebäpli, Ahal welaýat kazyýetiniň başlygynyň orunbasary wezipesinden boşatmaly;

Bilbil Muhammedowna Nazarowany, ygtyýarlylyk möhletiniň tamamlanandygy sebäpli, Balkan welaýatynyň Balkanabat şäher kazyýetiniň dolandyryş we ýerine ýetiriş önümçiligi boýunça kazysy wezipesinden boşatmaly;

Annagözel Kakalyýewna Soltanlyýewany, Ahal welaýatynyň Gökdepe etrap kazyýetiniň dolandyryş we ýerine ýetiriş önümçiligi boýunça kazysy wezipesinden möhletinden öň ygtyýarlyklaryndan mahrum etmeli.

Türkmenistanyň Prezidenti

Gurbanguly Berdimuhamedow

Aşgabat ş.,

2009 ý.noýabr aýynyň 02-si

№ PP-5459