Lebap welaýatynda täze ilatly punktlary döretmek hakynda

TÜRKMENISTANYŇ PREZIDENTINIŇ

P E R M A N Y

Lebap welaýatynda täze ilatly punktlary döretmek hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1998 ý., № 2, I-bölek, 7060-njy madda)

Zähmetkeşleriň ýüztutmalaryny we Lebap welaýatynyň häkimliginiň towakganamasyny nazara alyp, karar edýärin:

1. Seýdi şäheriniň Isbaz geňeşliginiň peýdalanýan ýerleriniň çäklerinde oba statusy bolan täze ilatly punkty döredip, oňa Täzeýurt adyny dakmaly;

Saparmyrat Nyýazow adyndaky etrabyň Täzedurmuş geňeşliginiň peýdalanýan ýerleriniň çäklerinde oba statusy bolan täze ilatly punktlary döredip, olara Lebap we Täzedurmuş atlaryny dakmaly;

Sakar etrabyndaky Gowurdak massiwinde Ýürekdepe geňeşliginiň peýdalanýan ýerleriniň çäklerinde oba statusy bolan täze ilatly punkty döredip, oňa Ýürekdepe adyny dakmaly.

2. Türkmenistanyň Oba hojalyk ministriligi Lebap welaýatynyň häkimligi bilen bilelikde täze döredilen obalaryň peýdalanýan ýerleriniň çäklerini ýerinde bellemelidir.

3. Türkmenistanda şäherçeleriň we geňeşlikleriň Türkmenistanyň Prezidentiniň 1993 ýylyň 5 maýynda çykaran № 1327 karary bilen tassyklanylan Sanawyna degişli goşmaçalary girizmeli.

Türkmenistanyň Prezidenti Saparmyrat Türkmenbaşy

Aşgabat ş.

1998-nji ýylyň 5-nji fewraly

№ PP-2461