Türkmenistanyň Medeniýet ministrligini döretmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Medeniýet ministrligini döretmek hakynda

130.030.010

010.150.010

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2011-nji ýyl, № 9-10, 1518-nji madda)

Täze galkynyş zamanasynyň talaplaryna laýyklykda medeniýet edaralarynyň işini has-da kämilleşdirmek we netijeliligini ýokarlandyrmak, Garaşsyz, hemişelik Bitarap Türkmenistanda amala aşyrylýan düýpli özgertmeleri, ýurdumyzyň medeniýetini, sungatyny, milli aýratynlyklaryny wagyz etmegi, milli sungatyň mundan beýläk hem yzygiderli ösdürilmegini üpjün etmek maksady bilen, karar edýärin:

1. Türkmenistanyň Medeniýet ministrligini döredip, Türkmenistanyň Medeniýet we teleradioýaýlymlar ministrligini ýapmaly.

2. Türkmenistanyň Medeniýet ministrligini ýapylan Türkmenistanyň Medeniýet we teleradioýaýlymlar ministrliginiň hukuk oruntutary hasaplamaly.

3. Şu Permanyň ýerine ýetirilişine Türkmenistanyň Ministrler Kabinetiniň Başlygynyň Orunbasary M.Ýazmuhammedowa gözegçilik etmeli.

Türkmenistanyň Prezidenti

Gurbanguly Berdimuhamedow

Aşgabat ş.,

2011 ý. oktýabr aýynyň 17-i

№ PP-5870