Gurban baýramyny bellemek hakynda

TÜRKMENISTANYŇ PREZIDENTINIŇ

P E R M A N Y

Gurban baýramyny bellemek hakynda

010.210.000

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2012 ý., № 10, 2197-nji madda)

Türkmen halkynyň ruhy gymmatlyklaryny gorap saklamak we has-da baýlaşdyrmak, ata-babalarymyzdan gelýän däp-dessurlarymyzy berjaý etmäge giň ýol açmak, milli baýramçylyklarymyzy dabaralandyrmak baradaky asylly ýörelgelerimizden ugur alyp, Berkarar döwletimiziň bagtyýarlyk döwründe merdana, ruhubelent halkymyzyň agzybirligini, jebisligini has-da berkitmek maksady bilen, karar edýärin:

1. Garaşsyz, hemişelik Bitarap Türkmenistan döwletimizde 2012-nji ýylyň 26-27-28-nji oktýabrynda Gurban baýramyny bellemeli we şol günleri iş günleri däl diýip yglan etmeli.

2. Türkmenistanyň Zähmet kodeksiniň 81-nji maddasynyň 3-nji bölegine laýyklykda 2012-nji ýylyň 28-nji oktýabryndaky dynç gününi 29-njy oktýabra geçirmeli.

3. Şu Permanyň ýerine ýetirilmegini eýeçiliginiň görnüşine garamazdan, ähli edaralar, kärhanalar we guramalar üpjün etmeli.

Türkmenistanyň Prezidenti

Gurbanguly Berdimuhamedow

Aşgabat şäheri.

2012-nji ýylyň 23-nji oktýabry.

№ PP-6200