Türkmenistanyň Prezidentiniň käbir Permanlaryna üýtgetmeler, goşmaçalar girizmek we olaryň käbirini güýjüni ýitiren diýip ykrar etmek hakynda
TÜRKMENISTANYŇ PREZIDENTINIŇ
P E R M A N Y
Türkmenistanyň Prezidentiniň käbir Permanlaryna üýtgetmeler, goşmaçalar girizmek we olaryň käbirini güýjüni ýitiren diýip ykrar etmek hakynda
(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2023 ý., № 5, 400-nji madda)
«Hukuk namalary hakynda» Türkmenistanyň Kanunynyň 30-31-nji maddalaryna laýyklykda, karar edýärin:
Türkmenistanyň Prezidentiniň käbir Permanlaryna şu Permana goşulýan Sanawa laýyklykda üýtgetmeleri, goşmaçalary girizmeli we olaryň käbirini güýjüni ýitiren diýip ykrar etmeli.
Türkmenistanyň
Prezidenti,
Türkmenistanyň
Ýaragly Güýçleriniň Serdar
Belent Serkerdebaşysy Berdimuhamedow
Aşgabat şäheri.
2023-nji ýylyň 12-nji maýy.
№ PP-209.
Türkmenistanyň Prezidentiniň,
Türkmenistanyň Ýaragly Güýçleriniň
Belent Serkerdebaşysynyň
2023-nji ýylyň 12-nji maýynda
çykaran РР-209-njy Permanyna
goşulýar
Türkmenistanyň Prezidentiniň üýtgetmeler,
goşmaçalar girizilýän we güýjüni ýitiren
diýip ykrar edilýän Permanlarynyň
SANAWY
I. Türkmenistanyň Prezidentiniň şu Permanlaryna üýtgetmeleri we goşmaçalary girizmeli:
1. «Köneürgenç raýon, şäher suduny döretmek hakynda» Türkmenistanyň Prezidentiniň 1992-nji ýylyň 24-nji fewralynda çykaran 311-nji Permanynyň (Türkmenistanyň Prezidentiniň aktlarynyň we Türkmenistanyň Hökümetiniň kararlarynyň 1992-nji ýyldaky 2-nji ýygyndysynyň 140-njy maddasy) üçünji bölegini şu görnüşde beýan etmeli:
«3. Daşoguz welaýatynyň Köneürgenç etrap kazyýetiniň kazylarynyň sanyny 2 birlik möçberde kesgitlemeli.».
2. «Türkmenistanyň harby we hukuk goraýjy edaralarynyň ýolbaşçylaryny we jogapkär wezipeli işgärlerini seçip almak, olaryň ätiýaçlyk toparyny döretmek hem-de olary ýerbe-ýer goýmak işini guramak hakynda» Türkmenistanyň Prezidentiniň 2010-njy ýylyň 17-nji fewralynda çykaran 5539-njy Permany bilen tassyklanan:
1) Türkmenistanyň harby we hukuk goraýjy edaralarynyň ýolbaşçylaryny we jogapkär wezipeli işgärlerini seçip almak, olaryň ätiýaçlyk toparyny döretmek hem-de olary ýerbe-ýer goýmak işini guramak hakynda Düzgünnamanyň üçünji böleginde «Türkmenistanyň Milli Geňeşiniň palatalarynyň kararlaryna» diýen sözleri «Türkmenistanyň Mejlisiniň kararlaryna» diýen sözler bilen çalşyrmaly;
2) Türkmenistanyň harby we hukuk goraýjy edaralarynyň Türkmenistanyň Prezidentiniň namalary bilen wezipä bellenýän hem-de wezipeden boşadylýan ýolbaşçylarynyň we jogapkär wezipeli işgärleriniň wezipeleriniň sanawynda:
a) ýazgysynda «Türkmenistanyň Milli Geňeşiniň Halk Maslahatynyň» diýen sözleri «Türkmenistanyň Mejlisiniň» diýen sözler bilen çalşyrmaly;
b) üçünji böleginiň soňky bendinde «welaýatlar we Aşgabat şäheri» diýen sözleri «welaýatlar, Aşgabat we Arkadag şäherleri» diýen sözler bilen çalşyrmaly;
ç) dördünji böleginde:
dördünji bendinde «welaýat, Aşgabat şäher we» diýen sözleri «welaýatlaryň, Aşgabat we Arkadag şäherleriniň,» diýen sözler bilen çalşyrmaly;
sekizinji bendinde «welaýat, Aşgabat şäher» diýen sözleri «welaýatlaryň, Aşgabat we Arkadag şäherleriniň» diýen sözler bilen çalşyrmaly;
d) bäşinji böleginiň sekizinji bendinde «Aşgabat şäher we welaýat» diýen sözleri «welaýatlaryň, Aşgabat we Arkadag şäherleriniň» diýen sözler bilen çalşyrmaly;
e) altynjy böleginde:
altynjy bendinde «kazyýetleriniň» diýen sözden soň «, Arkadag şäheriniň kazyýetiniň» diýen sözleri goşmaly;
sekizinji bendinde «welaýat, Aşgabat şäher, etrap we şäher kazylary» diýen sözleri «welaýat we Aşgabat şäher kazyýetleriniň, Arkadag şäheriniň kazyýetiniň, etrap we şäher kazyýetleriniň kazylary» diýen sözler bilen çalşyrmaly;
ä) dokuzynjy böleginiň soňky bendinde «welaýat we Aşgabat şäheri» diýen sözleri «welaýat, Aşgabat we Arkadag şäherleri» diýen sözler bilen çalşyrmaly;
3) Türkmenistanyň harby we hukuk goraýjy edaralarynyň Türkmenistanyň Prezidenti bilen ylalaşylyp wezipä bellenýän we wezipeden boşadylýan ýolbaşçylarynyň we jogapkär wezipeli işgärleriniň wezipeleriniň sanawynda:
a) üçünji böleginiň dokuzynjy bendinde «welaýatlar we Aşgabat şäheri» diýen sözleri «welaýatlar, Aşgabat we Arkadag şäherleri» diýen sözler bilen çalşyrmaly;
b) bäşinji böleginiň on altynjy bendinde «welaýat we Aşgabat şäher» diýen sözleri «welaýatlaryň, Aşgabat we Arkadag şäherleriniň» diýen sözler bilen çalşyrmaly;
ç) altynjy böleginiň bäşinji bendinde «bölümleriniň» diýen sözden soň «, Arkadag şäheriniň adalat müdirliginiň» diýen sözleri goşmaly;
d) sekizinji bölegini şu görnüşde beýan etmeli:
«8. Türkmenistanyň Döwlet migrasiýa gullugy boýunça:
Pasport bölüminiň müdiri;
Wiza we rugsatnamalary beriş bölüminiň müdiri;
Maglumatlary seljeriş bölüminiň müdiri;
Raýatlyk bölüminiň müdiri;
Daşary ýurt raýatlaryny hasaba alyş bölüminiň müdiri;
Dessin we anyklaýyş bölüminiň müdiri;
welaýat, Aşgabat we Arkadag şäherleri boýunça müdirlikleriniň müdirleriniň orunbasarlary;
Sarahs etrap bölüminiň müdiri;
Tejen etrap bölüminiň müdiri;
Etrek etrap bölüminiň müdiri;
Türkmenbaşy şäher bölüminiň müdiri;
Gyzylarbat etrap bölüminiň müdiri;
Köneürgenç etrap bölüminiň müdiri;
Darganata etrap bölüminiň müdiri;
Kerki etrap bölüminiň müdiri;
Köýtendag etrap bölüminiň müdiri;
Dänew etrap bölüminiň müdiri;
Baýramaly şäher bölüminiň müdiri;
Tagtabazar etrap bölüminiň müdiri;
Ýolöten etrap bölüminiň müdiri;
Aşgabat halkara howa menzilindäki gözegçilik-geçiriş ýeriniň migrasiýa nokadynyň müdiri.».
3. «Lebap welaýatynyň käbir etrap we şäher kazyýetleriniň meseleleri hakynda» Türkmenistanyň Prezidentiniň 2017-nji ýylyň 15-nji dekabrynda çykaran 261-nji Permanyna 1-nji goşundynyň Lebap welaýatynyň etrap kazyýetleriniň düzüminiň «Döwletli etrap kazyýeti:» diýen bölegini aýyrmaly.
II. Türkmenistanyň Prezidentiniň şu Permanlaryny güýjüni ýitiren diýip ykrar etmeli:
1. «Gumdag şäher suduny döretmek hakynda» Türkmenistanyň Prezidentiniň 1992-nji ýylyň 22-nji ýanwarynda çykaran 275-nji Permanynyň ikinji bölegini.
2. «Döwletli etrap kazyýetini döretmek hakynda» Türkmenistanyň Prezidentiniň 2007-nji ýylyň 17-nji oktýabrynda çykaran 4892-nji Permanynyň ikinji bölegini.