Türkmenistan SSR-nde dolandyryşyň prezidentlik formasyny döretmek hem-de Türkmenistan SSR Konstitusiýasyna (Esasy Kanunyna) üýtgetmeler we goşmaçalar girizmek hakynda

TÜRKMENISTAN SOWET SOSIALISTIK RESPUBLIKASYNYŇ

K A N U N Y

Türkmenistan SSR-nde dolandyryşyň prezidentlik formasyny döretmek hem-de Türkmenistan SSR Konstitusiýasyna (Esasy Kanunyna) üýtgetmeler we goşmaçalar girizmek hakynda

(Türkmenistan SSR Ýokary Sowetiniň Wedomostlary 1990 ý.¸ № 19-20¸ 194 -madda)

Türkmenistan Sowet Sosialistik Respublikasynyň Ýokary Soweti karar edýär:

I. Türkmenistan Sowet Sosialistik Respublikasynyň Prezidenti wezipesini döretmeli.

II bölüm 18.05.1992 ý. № 692-XII Türkmenistanyň Kanuny bilen güýjüni ýitiren.

III. 1) Türkmenistan SSR-niň birinji Prezidentiniň saýlawlaryny 1990-njy ýylyň 27-nji oktýabryna bellemeli.

2) Türkmenistan SSR-niň birinji Prezidenti wezipesine kandidatarulary Türkmenistan SSR Ýokary Soweti görkezýär diýip bellemeli.

3) Türkmenistan SSR-niň birinji Prezidentiniň saýlawlaryny Türkmenistan SSR Konstitusiýasynyň¸ «Türkmenistan SSR-niň halk deputatlarynyň saýlawlary hakyndaky» Türkmenistan SSR Kanunynyň talaplaryna laýyklykda we saýlawlaryň şu kanunda kesgitlenilen möhletlerine we şertlerine laýyk geçirmegi Türkmenistan SSR-niň halk deputatlarynyň saýlawlary baradaky respublikan hem-de uçastok saýlaw komissiýalaryna tabşyrmaly.

Türkmenistan SSR-niň Prezidentiniň saýlawlary boýunça ses bermegi guramagy halk deputatlarynyň oblast¸ şäher¸ raýon Sowetleriniň prezidiumlarynyň üstüne ýüklemeli.

IV. Şu Kanuny kabul edilen pursatyndan güýje girizmeli.

Türkmenistan SSR Ýokary

Sowetiniň Başlygy S. NYÝAZOW

Aşgabat şäheri

1990-njy ýyl, 11-nji oktýabr

№ 300 - XII