Türkmenistanyň sudlarynyň sudýalarynyň düzgün-nyzam jogapkärçiligi, olary yzyna çagyrmak we möhletinden öň wezipeden boşatmak hakyndaky Düzgünnamany tassyklamak barada

TÜRKMENISTANYŇ PREZIDENTINIŇ

P E R M A N Y

Türkmenistanyň sudlarynyň sudýalarynyň düzgün-nyzam jogapkärçiligi, olary yzyna çagyrmak we möhletinden öň wezipeden boşatmak hakyndaky Düzgünnamany tassyklamak barada

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1998 ý., № 9, 7464-nji madda)

«Türkmenistanda sud gurluşy we sudýalaryň derejesi hakynda» Türkmenistanyň Kanunynyň 68¹ maddasyna laýyklykda, karar edýärin:

Türkmenistanyň sudlarynyň sudýalarynyň düzgün-nyzam jogapkärçiligi, olary yzyna çagyrmak we möhletinden öň wezipeden boşatmak hakyndaky Düzgünnamany tassyklamaly (goşulýar).

Türkmenistanyň Prezidenti Saparmyrat Türkmenbaşy

Aşgabat ş.

1998-nji ýylyň 8-nji sentýabry

№ PP-2607

Türkmenistanyň Prezidentiniň

1998 ýylyň 8-nji sentýabrynda

çykaran № PP- 2607 Permany bilen

tassyklanyldy

Türkmenistanyň sudlarynyň sudýalarynyň düzgün-nyzam jogapkärçiligi, olary yzyna çagyrmak we möhletinden öň wezipesinden boşatmak hakynda

DÜZGÜNNAMA

(Türkmenistanyň Prezidentiniň 14.02.2000 ý. çykaran № PP-3055 Permany esasynda girizilen üýtgetmeler we goşmaçalar bilen)

I. Sudýalaryň düzgün-nyzam jogapkärçiligi

1. «Türkmenistanda sud gurluşy we sudýalaryň derejesi hakynda» Türkmenistanyň Kanunyna laýyklykda sudýa şu aşakdaky günäli hereketleri ýa-da hereketsizligi bilen baglanyşyklylykda düzgün-nyzam jogapkärçiligine çekilip bilner:

a) sud işlerine garalan mahaly kanunylygyň bozulandygy üçin,

b) beýleki gulluk etmişini edendigi üçin,

w) abraýdan gaçyrýan etmişi edendigi üçin.

2. Türkmenistanyň Ýokary sudunyň sudýalarnyň hünär derejesini kesgitleýji geňeş:

a) Türkmenistanyň Ýokary sudunyň sudýalarynyň,

b) Türkmenistanyň Araçy sudunyň başlygynyň we sudýalarynyň;

ç) welaýat we Aşgabat şäher sudlarynyň başlyklarynyň, başlyklarynyň orunbasarlarynyň düzgün-nyzam etmişleri hakyndaky işlere garaýar.

Welaýatlarda sudlaryň, sudýalarynyň hünär derejesini kesgitleýji geňeşler welaýat sudlarynyň sudýalaryny welaýatlaryň etrap, şäher sudlarynyň sudýalarynyň düzgün-nyzam jogapkärçiligi hakyndaky meselelere garaýarlar.

Aşgabat şäherinde sudlaryň sudýalarynyň hünär derejesini kesgitleýji geňeş Aşgabat şäher sudunyň sudýalarynyň we Aşgabat şäheriniň etrap sudlarynyň sudýalarynyň düzgün-nyzam jogapkärçiligi hakyndaky meselelere garaýar.

3. Düzgün-nyzam iş önümçiligini gozgamak hukugy:

Türkmenistanyň sudlarynyň ähli sudýalary barasynda - Türkmenistanyň Ýokary sudunyň başlygyna;

Türkmenistanyň Araçy sudunyň sudýalary barasynda- şol suduň başlygyna;

welaýat, Aşgabat şäher sudlarynyň sudýalary, welaýatlarda we Aşgabat şäherinde etrap, şäher sudlarynyň sudýalary barasynda-welaýat, Aşgabat şäher sudlarynyň başlyklaryna degişlidir.

Türkmenistanyň Ýokary sudunyň başlygy, Türkmenistanyň Araçy sudunyň başlygy, welaýat Aşgabat şäher sudlarynyň başlyklary Şu Düzgünnamanyň 1 punktunda görkezilen esaslar boýunça degişli sudlaryň sudýalary barasynda düzgün-nyzam iş önümçiligini gozgap bilerler.

4. Sudýa gulluk barlaglary geçirlen wagty ýa-da sudýanyň esasly sebäp bilen işde bolmadyk wagtyny hasap etmezden, etmiş ýüze çykarylan günden başlap bir aýdan gijä galynman, ýöne şol etmiş edilen günden başlap bir ýyldan gijä galynman düzgün-nyzam temmisine sezewar edilip bilner.

5. Düzgün-nyzam iş önümçiligini gozgan adam deslapdan sudýany jogapkärçnlige çekmek üçin esasa degişli bolan maglumatlary barlap görýär we ondan ýazmaça düşündirişi talap edýär.

Düzgün-nyzam iş önümçiligini gozgamak hakyndaky karary Türkmenistanyň Ýokary sudunyň başlygy, Türkmenistanyň Araçy sudunyň başlygy, welaýat we Aşgabat şäher sudlarynyň başlyklary girizýärler. Şol kararda düzgün-nyzam iş önumçiligini gozgamak üçin deslapky barlag arkaly kesgitlenilen esas görkezilmelidir. Karar zerur materiallar bilen bilelikde garamak üçin sudýalarňn degişli hünär derejesini kesgitleýji geňeşlere iberilýär.

Düzgün-nyzam iş önümçiligniň materiallary hünär derejesini kesgitleýji geňeşe iberilýänçä özi barasynda şol iş önümçiligi gozgalan sudýa şol materiallar bilen tanyşdyrylmalydyr. Şunda sudýanyň goşmaça düşündirişleri bermäge ýa bolmasa goşmaça barlaglary geçirmek hakyndaky towakganamany yglan etmäge haky bardyr.

6. Düzgün-nyzam iş önümçiligini gozgamak hakyndaky karar ony gozgan adam tarapyndan işe hünär derejesini kesgitleýji geňeşde garalmaga başlanýança yzyna alnyp bilner.

7. Işe garalmaga başlanýança zerurlyk ýüze çykan mahaly sudýanyň düzgün-nyzam jogapkärçaligine çekmegiň esasynyň goşmaça barlagy geçirilýär, şol barlagy bolsa geňeşiň başlygy geňeşiň agzalarynyň birine tabşyrylýar. Şunda zerur halatlarda goşmaça resmi kagyzlar we materiallar, şeýle hem şolara garalan mahaly sudýanyň kanunyň bozulmagyna ýol beren sud işleri talap edilýär.

8. Hünär derejesni kesgitleýji geňeş öz düzüminde geňeşiň agzalarynyň azyndan ýarpysy bolan mahaly düzgün-nyzam işine garaýar. Hünär derejesini kesgitleýji geňeşiň başlygy bolmadyk mahaly onuň borçlaryny onuň orunbasary ýa bolmasa geňeşiň işiniň guramak bilen baglanyşykly ähli meseleleri çözýän geneşiň agzalarynyň biri ýerine ýetirýär.

9. Düzgün-nyzam işniň ol hünär derejeýeini kesgitleýji geňeşe gelip gowşan gününden başlap bir aý möhletden gijä galynman garalmalydyr.

10. Düzgün-nyzam işine hünär derejesini kesgitleýji geňeş tarapyndan düzgün-nyzam jogapkärçiligine çekilýän sudýanyň gatnaşmagynda garalýar.

Düzgün-nyzam işine garalýan gün hakynda göwnejaý ýagdaýda habardar edilen sudýanyň esassyz sebäp bilen gelmezligi oňa garalmagyna päsgel bermeýär.

Beýleki sudýalaryň, şeýle hem düzgün-nyzam iş önümçiligini gozgan wezipeli adamyň ýa bolmasa onuň wekiliniň işe garamaga gatnaşmaga haky bardyr.

11. Başlyklyk ediji mejlisi açylyşy barada yglan edýär we hünär derejesini kesgitleýji geňeşiň düzümi bilen tanyşdyrýar. Sudýa işe garamak başlanýança geňeşiň agzalaryny işe garamakdan aýyrmagy yglan edip biler. Işe garamakdan aýyrmak baradaky mesele geňeşiň düzüminiň garamagyna degişlidir.

Düzgün-nyzam işine garamak başlyklyk edijiniň ýa-da geňeşiň, agzalarynyň biriniň doklad etmegi bilen başlanýar. Düzgün-nyzam iş önümçiligini gozgan adamyň öz pikirini beýan etmäge haky bardyr, Mejlise gatnaşýan sudýanyň, düşündirişini diňlemek hökman bolup durýar.

Mejlisiň barşynda jogapkärçilige çekilýän sudýanyň islendik pursatda towakganama yglan etmäge we goşmaça düşündirişleri bermäge haky bardyr. Geňeşiň isleýşine görä sudýanyň başlangyjy bilen hem hünär derejesini kesgitleýji geňeşiň başlangyjy bilen hem çagyrylan beýleki adamlaryň habarlary diňlenilip, işde bar bolan beýleki resmi kagyzlar hem-de goşmaça berlen materiallar jar edilip we olara garalyp bilner.

Geňeşiň mejlisinde protokol ýöredilýär, oňa bolsa başlyklyk ediji we geňeşiň kätibi gol çekýär.

12. Hünär derejesini kesgitleýji geňeş:

düzgün-nyzam temmisini bermek hakyndaky;

düzgün-nyzam iş önümçiligini bes etmek hakyndaky;

düzgün-nyzam iş önümçiliginiň materiallaryny sudýany yzyna çagyrmak ýa-da ol barasynda jenaýat işini gozgamak hukugy bolan edara ibermek hakyndaky çözgüdi çykaryp biler.

13. Geňeş şu düzgün-nyzam temmilerini berip biler:

a) bellik etmek,

b) käýinç,

w) berk käýinç.

Temmi berlen mahaly düzgün bozulmasynyň häsiýeti we onuň zyýanly netijeleri edilen etmişiň agyrlygy, sudýanyň şahsyýeti, onuň günäsiniň derejesi hasaba alynýar.

14. Hünär derejesini kesgitleýji geňeş şu halatlarda düzgün-nyzam işini bes edýär:

Sudýany düzgün-nyzam jogapkärçiligine çekmek esassyz bolanda;

düzgün-nyzam jogapkärçiligine çekmegiň şu Düzgünnamanyň 4 punktunda göz öňünde tutulan möhletleri geçirilende;

haçan-da diňe düzgün-nyzam işine mejlisde garamak bilen çäklenmäge mümkinçilik tapylanda, şeýle halatlarda düzgün-nyzam temmisini bermek maksadalaýyk bolmanda.

15. Düzgüp-nyzam işi boýunça çözgüt geňeşiň işe garamaga gatnaşan agzalarnyň sesleriniň köplügi bilen kabul edilýär, ýazmaça görnüşde beýan edilýär we oňa başlyklyk ediji hem-de geňeşiň agzalýary tarapyndan gol çekilýär.

Geňeşiň azlyk bolup galan agzasy iş boýunça kabul edilen çözgüt bilen razy bolmadyk mahaly, geňeşiň çözgüdine gol çekýär wo öz pikirini ýazmaça görnüşde beýan edýär. Aýratyn pikir işiň, ýanyna goşulýar.

Düzgün-nyzam işi boýunça çözgüt hünär derejesinň kesgitleýji geňeşiň mejlisinde yglan edilýär.

16. Düzgün-nyzam işi boýunça çözgütde şular görkezilmelidir:

geneşiň ady; onuň düzümi; işe garalan ýer we wagt; düzgün-nyzam jogapkärçiligine çekilýän sudýanyň ady, atasynyň ady, familiýasy we wezipesi, düzgün-nyzam iş önümçiligini gozgan adamyň wezipesi we familiýasy, işiň ýagdaýy, sudýanyň düşündirişi we onuň şahsyýetini häsiýetlendirýän maglumatlar, subutnamany görkezmek bilen, kabul edilen çözgüdiň delili, düzgün-nyzam temmisini bermek ýa-da düzgün-nyzam işiniň bes edilmegi üçin esas, şeýle hem çözgüt barada şikaýat etmegiň tertibi.

17. Düzgün-nyzam işi boýunça çözgüdiň nusgasy cözgüt çykarylan pursatdan başlap 3 gün möhletde özi barasynda çözgüt çykarylan sudýa we düzgün-nyzam iş önümçiligini gozgan adama, Türkmenistanyň Araçy sudunyň, welaýat we Aşgabat şäher sudlarynyň sudýalary barasynda bolsa – Türkmenistanyň Araçy sudunyň, welaýat we Aşgabat şäher sudlarynyň başlyklygyna iberilýär.

Çözgüdiň, nusgasy sudýanyň şahsy işine çatylýar.

18. Eger hünär derejesini kesgitleýji geňeşiň çözgüdine laýyklykda öz öňünde sudýany yzyna çagyrmak baradaky, şol barasynda jenaýat işini gozgamak hakyndaky mesele goýlan edara munuň üçin esas tapmasa, düzgün-nyzam işi hünär derejesini kesgitleýji geňeşe gaýtarylyp berilýär we dikeldilýär. Ilkibaşdaky çözgüt çykarylan pursatyndan başlap materiallar gaýtarylyp berilýänçä geçen wagt düzgün-nyzam jogapkärçiligine çekmek üçin şu Düzgünnamanyň 4 punktunda göz öňünde tutulan möhlete hasaplanylmaýar.

19. Welaýatlarda we Aşgabat şäherinde sudlaryň sudýalarynyň hünär derejesini kesgitleýji geňeşiň düzgün-nyzam temmisini bermek hakyndaky ýa-da sudýany yzyna çagyrmak baradaky çözgüdi boýunça özi barasynda şeýle çözgüt çykarylan sudýa şeýle çözgüt Türkmenistanyň Ýokary sudunyň, sudýalarynyň hünär derejesini kespitleýji geňeş tarapyndan çykarylan günden başlap bir hepde möhletde şikaýat edip biler.

Düzgün-nyzam işini gozgan adam welaýatlarda we Aşgabat şäherinde sudlaryň sudýalarynyň hünär derejesinn kesgitleýji geňeşleriň çözgüdi bilen razylaşmadyk halatynda şol bir möhlete çözgüde gaýtadan seretmek hakyndaky hödürlemäni Türkmenistanyň Ýokary sudunyň sudýalarynyň hünär derejesini kesgitleýji geňeşe gi-rizmäge haklydyr.

Çözgüde gaýtadan garamak hakyndaky şikaýata ýa-da talapnama olar gelip gowşan gününden başlap bir aý möhletde Türkmenistanyň Ýokary sudunyň sudýalarynyň hünär derejesini kesgitleýji geňeş tarapyndan garalýar. Geňeşiň mejlisine şikaýaty beren sudýa gatnaşyp biler.

Türkmenistanyň Ýokary sudunyň sudýalarynyň hünär derejesini kesgitleýji geneşiň düzgün-nyzam temmisini bermek hakyndaky çözgüdi şeýle hem şikaýat boýunça çözgüde gaýtadan garamak hakyndaky çözgüt şikaýat edilmäge degişli däldir.

Türkmenistanyň Ýokary sudunyň başlygynyň Türkmenistanyň Ýokary sudunyň sudýalarynyň hünär derejesini kesgitleýji geňeşiň çözgüdine gaýtadan garamak hakynda Türkmenýstanyň Ýokary sudunyň, Plenumyna hödürleme girizmäge haky bardyr.

20. Türkmenistanyň Ýokary sudunyň sudýalarynyň hünär derejesini kesgitleýji geňeşiň şulara haky bardyr:

çözgüdi üýtgetmän, şikaýat ýa-da hödürlemäni bolsa kanagatlandyrman galdyrmaga;

çözgüdi ýatyrmaga we düzgün-nyzam işini täzeden garamaga ibermäge:

çözgüdi ýatyrmaga we sudýanyň düzgün-nyzam jogapkärçiligi hakyndaky meseläni garamak üçin öz önümçiligine kabul etmäge;

çözgüdi ýatyrmaga we düzgün-nyzam işi boýunça önümçiligi bes etmäge;

çözgüdi üýtgetmäge we sudýa has ýeňil düzgün-nyzam temmisini bermäge.

Şikaýat ýa-da hödürleme boýunça çykarylan çözgüdiň nusgasy şu Düzgünnamanyň 17 punktunda bellenilen tertipde iberilýär.

21. Eger düzgün-nyzam temmisi berlen günden başlap bir ýylyň dowamynda sudýa täze düzgün-nyzam temmisi berilmese, ol düzgün-nyzam temmisine sezewar edilmedik diýlip hasap edilýär.

Düzgün-nyzam iş önümçiligini gozgan adamyň ýazyp bermegi boýunça, şeýle hem düzgün-nyzam temmisini beren hünär derejesini kesgitleýji geneşiň we başlangyjy boýunça temmi çäresi bellenilen günden başlap azyndan dört aýyň geçmegi bilen sudýa özüni birkemsiz alyp baran mahaly we öz borçlaryny ýerine ýetirmäge ak ýürekli çemeleşen wagtşda ol möhletinden öň aýrylyp bilner.

II. Sudýalary we halk oturdaşlaryny yzyna çagyrmak hem-de mähletinden öň wezipesinden boşatmak

22. «Türkmenistanda sud gurluşy we sudýalaryň derejesi hakynda» Türkmenistanyň Kanunyna laýyklykda Türkmenistanyň, sudlarynyň sudýalary we halk oturdaşlary kanunylygy bozandyklary ýa-da abraýdan gaçyrýan, belent ady bilen bir ýere sygyşmaýan etmişi edendikleri üçin, şeýle hem olar barasynda suduň kanuny güýe giren günä ýöňkeýiş hökuminiň täsiri bilen öz ygtyýarlyklaryndan möhletinden öň mahrum edilip bilner.

Sudýalary Türkmenistanyň Prezidenti ygtyýarlykdan mahrum edýär.

Etrap, şäher sudlarynyň, halk oturdaşlaryny ygtyýarlyklardan mahrum etmek we olary möhletinden öň wezipeden boşatmak halk oturdaşlarynyň saýlanan ýeri boýunça graždanlaryň ýygnagy, ýokarda durýan sudlaryň halk oturdaşlaryny bolsa - olary bellän edaralar tarapyndan amala aşyrylýar.

23. Sudýalary we halk oturdaşlaryny yzyna çagyrmak baradaky meseläni gozgamak hukugy:

Türkmenistanyň Ýokary sudunyň başlygy barasynda - Türkmenistanyň Prezidentine;

şu Düzgunnamanyň 22 punktunda göz öňünde tutulan ähli esaslar boýunça Türkmenistanyň sudlarynyň sudýalary we halk oturdaşlary barasynda - Türkmenistanyň Ýokary sudunyň başlygyna;

Türkmenistanyň Araçy sudunyň sudýalary barasynda- şol suduň başlygyna;

şu Düzgunnamanyň 22 punktunda göz öňünde tutulan esaslar boýunça welaýat Aşgabat şäher sudlarynyň hem-de welaýatlarda we Aşgabat şäherinde etrap, şäher sudlarynyň sudýalary we halk oturdaşlary barasynda - welaýat we Aşgabat şäher sudlarynyň, başlyklaryna;

şu Düzgunnamanyň 22 punktunda göz öňünde tutulan esaslar boýunça etrap, şäher sudlarynyň halk oturdaşlary barasynda - şol sudlaryň başlyklaryna;

halk oturdaşynyň belent ady bilen bir ýere sygyşmaýan, abraýdan gaçyrýan etmişi edendigi üçin etrap, şäher sudlarynyň saýlanylan halk oturdaşlary barasynda - saýlawçylaryň ýygnagyna degişlidir.

24. Yzyna çagyrmak hakyndaky meseläni gozgan adam bu meseläni goýmak üçin esas bolup hyzmat eden materiallary jikme-jik barlamagy guraýar, onuň yzyna çagyrylmagy baradaky meseläniň gozgalýandygy we yzyna çagyrmagyň delilleri hakynda sudýa habar berýär, şeýle hem ýazmaça düşündirişi talap edýär.

Sudýany yzyna çagyrmak hakyndaky meseläni gozgamak üçin esas bolup hyzmat eden materiallar netijenamany bermek üçin:

Türkmenistanyň Ýokary sudunyň sudýalary, Türkmenistanyň Araçy sudunyň başlygy we sudýalary, welaýat, Aşgabat şäher sudlarynyň başlyklary we başlyklarynyň orunbasarlary barasynda - Türkmenistanyň Ýokary sudunyň sudýalarynyň hunär derejesini kesgitleýji geňeşe,

beýleki sudýalar barasynda - welaýatlarda we Aşgabat şäherinde sudlaryň sudýalarynyň hünär derejesini kesgitleýji geňeşe iberilýär.

Türkmenistanyň Ýokary sudunyň sudýalarynyň hünär derejesini kesgitleýji geňeşiň, aşakda durýan sudlaryň sudýalarynyň hünär derejesini kesgitleýji geňeşleriň netijenamalaryna şu Düzgünnamanyň 19 punktunda göz öňünde tutulan tertipde gaýtadan seredilip bilner.

25. Sudýalary yzyna çagyrmak baradaky hödürleme Türkmenistanyň Prezidentiniň garamagyna, halk oturdaşlaryny yzyna çagyrmak baradaky hödürleme olary bellän edaranyň garamagyna, etrap, şäher sudlarynyň halk oturdaşlaryny yzyna çagyrmak baradaky hödürleme halk oturdaşynyň saýlanan ýerindäki graždanlaryň, ýygnagynyň garamagyna girizilýär.

Sudýalary yzyna çagyrmak baradaky hödürleme:

Türkmenistanyň Ýokary sudunyň başlygy tarapyndan - şu Düzgünnamanyň, 22 punktunda göz öňünde tutulan ähli esaslar boýunça Türkmenistanyň sudlarynyň sudýalaryny yzyna çagyrmak barada girizilýär. Hödürleme sudýalaryň degişli hünär derejesini kesgitleýji geňeşiň netijenamasyny hasaba almak bilen girizilýär.

Sudýany yzyna çagyrmak baradaky mesele boýunça sudýalaryň, hünär derejesini kesgitleýji geňeşiň netijenamasy hödürlemäniň ýanyna goşulýar;

degişli sudlaryň başlyklary tarapyndan - halk oturdaşlryny yzyna çagyrmak barada girizilýär.

26. Etrap, şäher sudunyň halk oturdaşlaryny yzyna çagyrmak baradaky hödürleme etrabyň, şäheriň häkimligi, şeýle hem geneşlik tarapyndan çagyrylýan zähmetkeşler kollektiwiniň ýygnagy ýa-da graždanlaryň öz ýaşaýan ýerleri boýunça ýygnagy tarapyndan garalýar.

Çözgüt açyk ses bermek arkaly sesleriň köplügi bilen kabul edilýär. Ýygnak özi barasynda yzyna çagyrmak meselesi çözülýän halk oturdaşynyň gatnaşmagy bilen geçirilýär.

Halk oturdaşy esassyz sebäp bilen ýygnaga gelmedik mahaly ony yzyna çagyrmak baradaky meselä onuň bolmazlygynda garalyp bilner.

Ýygnagyň protokoly häkimlige ýa-da geneşlige berilýär, olar bolsa ýygnagyň çözgüdini etrap, şäher Sudunyň başlygyna habar berýärler.

27. Sudýa ýa-da halk oturdaşy babatda hökümiň kanuny güýje girmegi olary ygtyýarlyklardan möhletinden öň mahrum etmek üçin özbaşdak esas bolup durýar.

28. Sudýalar we halk oturdaşlary şu ýagdaýlar boýunça öz borçlaryny ýerine ýetirmekden möhletinden ön boşadylyp bilner:

işini dowam etdirmäge päsgel berýän saglyk ýagdaýy boýunça;

başga wezipä saýlanylmagy ýa-da başga işe geçirilmegi netijesinde;

öz islegi boýunça.

29. Sudýalary wezipesinden möhletinden öň, Türkmenistanyň Prezidenti boşadýar.

Welaýat we Aşgabat şäher sudlarynyň halk oturdaşlaryny möhletinden öň wezipeden boşatmagy welaýatlaryň we Aşgabat şäheriniň häkimlikleri, etrap, şäher sudlarynyň halk oturdaşlaryny bolsa - halk oturdaşynyň saýlanan ýerindäki graždanlaryň ýygnaklary amala aşyrýarlar.

Wezipesinden möhletinden öň boşatmak hakyndaky hödürleme: Türkmenistanyň sudlarynyň sudýalary we Türkmenistanyň Ýokary sudunyň halk oturdaşlary barasynda - Türkmenistanyň Ýokary sudunyň, başlygy tarapyndan;

welaýat, Aşgabat şäher sudlarynyň, etrap hem-de şäher sudlarynyň halk oturdaşlary barasynda - şol sudlaryň başlyklary tarapyndan girizilýär.