Gurban baýramyny bellemek hakynda

TÜRKMENISTANYŇ PREZIDENTINIŇ

P E R M A N Y

Gurban baýramyny bellemek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2009 ý., № 11, 12, 537-nji madda)

Türkmen halkynyň gadymdan gelýän däp-dessurlaryny, urp-adatlaryny berjaý etmegine giň ýol açmak, milli baýramçylyklarymyzy has-da dabaralandyrmak baradaky asylly ýörelgelerimizden ugur alyp, Täze galkynyş zamanamyzda Garaşsyz, baky Bitarap Türkmenistanyň merdana, ruhubelent halkynyň agzybirligini, jebisligini, ruhy we wyždan azatlygyny, ahlak- ynsap päkizeligini has-da berkitmek maksady bilen, karar edýärin:

1. Garaşsyz, baky Bitarap Türkmenistan döwletimizde 2009-njy ýylyň 28-29-30-njy noýabrynda Gurban baýramyny bellemeli we şol günleri iş günleri däl diýip yglan etmeli.

2. Türkmenistanyň Zähmet kodeksiniň 81-nji maddasynyň üçünji bölegine laýyklykda 2009-njy ýylyň 29-njy noýabryndaky dynç gününi 1-nji dekabra geçirmeli.

3. Şu Permanyň ýerine ýetirilmegini eýeçiliginiň görnüşine garamazdan ähli kärhanalar, edaralar we guramalar üpjün etmeli.

Türkmenistanyň Prezidenti

Gurbanguly Berdimuhamedow

Aşgabat şäheri

2009 ý.noýabr aýynyň 06-sy

№ PP-5461