Türkmenistanyň «Zenan kalby» ordeni bilen sylaglamak hakynda

TÜRKMENISTANYŇ PREZIDENTINIŇ

P E R M A N Y

010.200.040

Türkmenistanyň «Zenan kalby» ordeni bilen sylaglamak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2015 ý. № 9, 3771-nji madda)

Berkarar döwletimiziň bagtyýarlyk döwründe Garaşsyz, Bitarap Watanymyzyň ykdysadyýetiniň ähli pudaklarynda ýokary üstünlikler gazanylýar. Bitarap Watanymyzyň her güni uly ýeňişlere, şanly wakalara beslenýär. Ýurdumyzda giň gerimli durmuş-ykdysady maksatnamalary amala aşyrmaga mähriban zenanlarymyz hem işjeň gatnaşýarlar. Olar halk hojalygynyň dürli pudaklarynda zähmet çekmek bilen, eziz Watanymyzyň gülläp ösmegine, jemgyýetiň agzybirligini we jebisligini pugtalandyrmaga mynasyp goşant goşýarlar. Jemgyýetçilik durmuşyna işjeň gatnaşyp, ösüp gelýän ýaş nesle döwrebap edep-terbiýe bermekde, ylymly-bilimli, giň dünýägaraýyşly, kämil şahsyýeti kemala getirmekde, sagdyn durmuş ýörelgelerini wagyz etmekde mähriban enelerimiz uly işleri amala aşyrýarlar. Bitarap döwletimiziň içeri we daşary syýasatyny wagyz etmekde we durmuşa geçirmekde hem mähriban zenanlarymyzyň bitirýän hyzmatlary uludyr.

Türkmenistanyň Garaşsyzlygyny, özygtyýarlylygyny we hemişelik bitaraplyk hukuk ýagdaýyny berkitmäge, türkmen jemgyýetiniň hem-de her bir maşgalanyň agzybirligini, bitewüligini we ahlak sütünlerini pugtalandyrmaga, mähriban halkymyzyň ruhy başlangyçlaryny we däp-dessurlaryny aýawly saklamaga we kämilleşdirmäge goşan uly şahsy goşantlary, ýaş nesillerimize döwrebap bilim bermekde, ýaşlary türkmen halkynyň milli gymmatlyklaryna, taryhy mirasyna, gadymy däp-dessurlaryna we adatlaryna hormat goýmak ruhunda, watançylyk, zähmetsöýerlik, edermenlik we mertlik häsiýetlerinde terbiýelemekde bitiren hyzmatlary üçin, gazanan ýokary önümçilik-ykdysady görkezijilerini we aýratyn önjeýli jemgyýetçilik işlerini nazara alyp, şeýle hem hemişelik Bitarap Türkmenistanyň mukaddes Garaşsyzlygynyň 24 ýyllyk baýramy mynasybetli, karar edýärin:

Ýurdumyzyň şu raýatlaryny Türkmenistanyň «Zenan kalby» ordeni bilen sylaglamaly:

Türkmenistanyň Bilim ministrliginiň Aşgabat şäherindäki Ruhnama adyndaky 28-nji ýöriteleşdirilen orta mekdebiniň zähmet mugallymy Oguljeren Suhanowany,

Ahal welaýatynyň Gökdepe etrabynyň Gökdepe şäheriniň ýaşaýjysy, pensioner Sülgün Myradowany,

Türkmenistanyň Bilim ministrliginiň Balkan welaýatynyň Gumdag şäherindäki 3-nji orta mekdebiniň kitaphanaçysy Dursyn Begçerowany,

Daşoguz welaýatynyň Daşoguz şäheriniň ýaşaýjysy, pensioner Mamyş Orazgeldiýewany,

Türkmenistanyň Bilim ministrliginiň Lebap welaýatynyň Seýdi şäherindäki ýöriteleşdirilen 2-nji orta mekdebiniň geografiýa mugallymy Täjigül Nurgeldiýewany,

Türkmenistanyň Tebigaty goramak ministrliginiň Tokaý hojalygy müdirliginiň Mary welaýat tokaý hojalygynyň esasy hünärmeni Oguljennet Öwezgeldiýewany.

Türkmenistanyň Prezidenti

Gurbanguly Berdimuhamedow

Aşgabat ş.,

2015 ý. sentýabr aýynyň 10-y

№ PP-6812