Türkmenistanyň Prezidentiniň käbir Permanlaryna üýtgetmeler we goşmaçalar girizmek hakynda

TÜRKMENISTANYŇ PREZIDENTINIŇ

P E R M A N Y

010.180.020

Türkmenistanyň Prezidentiniň käbir Permanlaryna

üýtgetmeler we goşmaçalar girizmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2020 ý., № 5, 1524-nji madda)

«Hukuk namalary hakyndaky» Türkmenistanyň Kanunynyň 30-njy maddasyna laýyklykda, karar edýärin:

1. «Türkmenistanyň içeri işler edaralarynda ýörite atlar hakynda» Türkmenistanyň Prezidentiniň 1998-nji ýylyň 28-nji iýulynda çykaran 2571-nji Permanynda (Türkmenistanyň Prezidentiniň aktlarynyň we Türkmenistanyň Hökümetiniň kararlarynyň 1998-nji ýyldaky 7-nji ýygyndysynyň 7349-njy maddasy):

1) üçünji bölegine şu mazmunly tesimleri goşmaly:

«Uly derejeli ofiserler düzüminiň polisiýanyň podpolkownigi, içerki gullugyň podpolkownigi ýörite atlary işgär kyrk ýaşyny dolduranyndan soň Türkmenistanyň kanunçylygyna laýyklykda dakylyp bilner.

Uly derejeli ofiserler düzüminiň polisiýanyň polkownigi, içerki gullugyň polkownigi ýörite atlary işgär kyrk bäş ýaşyny dolduranyndan soň Türkmenistanyň kanunçylygyna laýyklykda dakylyp bilner.

Türkmenistanyň içeri işler edaralarynyň işgärlerine olaryň bitiren aýratyn hyzmatlary üçin we beýleki aýratyn ýagdaýlarda polisiýanyň podpolkownigi, içerki gullugyň podpolkownigi, polisiýanyň polkownigi, içerki gullugyň polkownigi ýörite atlar üçin kesgitlenen ýaşlar dolmazyndan öň hem Türkmenistanyň kanunçylygyna laýyklykda dakylyp bilner.»;

2) altynjy böleginiň birinji tesiminde «welaýatlaryň, Aşgabat şäheriniň polisiýa departamentleriniň başlyklary, Türkmenistanyň Prezidenti, goşun generaly S.A.Nyýazow adyndaky Türkmenistanyň Polisiýa akademiýasynyň rektory, Türkmenistanyň Içeri işler ministriniň kadrlar boýunça orunbasary» diýen sözleri «welaýatlaryň, Aşgabat şäheriniň Polisiýa müdirlikleriniň müdirleri, Türkmenistanyň Içeri işler ministrliginiň institutynyň rektory, Türkmenistanyň Içeri işler ministriniň orunbasary» diýen sözler bilen çalşyrmaly;

3) sekizinji böleginiň ikinji tesiminde «Türkmenistanyň Içeri işler ministrliginiň Ýangyn howpsuzlygy we awariýa-halas ediş işleri departamentiniň hem-de Jeza çärelerini ýerine ýetirmek baradaky departamentiniň we olaryň bölümleriniň, Türkmenistanyň Aragatnaşyk ministrliginiň ýanyndaky Döwlet Feldegerlik gullugynyň» diýen sözleri «Türkmenistanyň Içeri işler ministrliginiň Ýangyn howpsuzlygy müdirliginiň hem-de Jezalary ýerine ýetirmek müdirliginiň we olaryň bölümleriniň, «Türkmenaragatnaşyk» agentliginiň ýanyndaky Döwlet feldýeger gullugynyň» diýen sözler bilen çalşyrmaly.

2. «Raýatlary harby gulluga çagyrmak hakyndaky Düzgünnamany tassyklamak barada» Türkmenistanyň Prezidentiniň 2012-nji ýylyň 1-nji noýabrynda çykaran 6204-nji Permany bilen tassyklanan Raýatlary harby gulluga çagyrmak hakyndaky Düzgünnamada:

1) bäşinji böleginde, sekizinji böleginiň birinji, soňky bentlerinde, onunjy böleginiň dördünji bendinde, on üçünji böleginiň ikinji tesiminde, on dördünji böleginiň birinji tesiminde, on bäşinji böleginde, on altynjy böleginiň birinji tesiminde, ýigriminji böleginiň ikinji, üçünji bentlerinde, ýigrimi birinji böleginde, ýigrimi ýedinji böleginiň üçünji tesiminde, ýigrimi sekizinji böleginde, altmyş üçünji böleginde, ýetmiş altynjy böleginiň birinji, dördünji bentlerinde, segseninji, segsen ikinji böleklerinde, segsen üçünji böleginiň soňky bendinde, togsan dördünji böleginde başlyga, başlyklara salgylanmalary degişlilikde serkerdä, serkerdelere salgylanmalar bilen çalşyrmaly;

2) kyrk dokuzynjy böleginiň ikinji tesiminiň üçünji bendinde «2-nji bölüminiň (bölümçesiniň) başlygynyň» diýen sözleri «2-nji bölüminiň (bölümçesiniň) serkerdesiniň» diýen sözler bilen çalşyrmaly;

3) bir ýüz ýigrimi dördünji böleginiň ikinji tesminde «(başlygyň)», bir ýüz kyrkynjy böleginiň ikinji tesminde «(başlyklara)» diýen sözleri aýyrmaly.

Şol Düzgünnamada:

1) 1-nji, 2-nji, 3-nji, 6-njy, 10-njy goşundylarda başlyga salgylanmany serkerdä salgylanma bilen çalşyrmaly;

2) 8-nji goşundynyň üçünji böleginde «başlygy» diýen sözi «serkerdesi» diýen söz bilen çalşyrmaly.

Türkmenistanyň

Prezidenti,

Türkmenistanyň

Ýaragly Güýçleriniň Gurbanguly

Belent Serkerdebaşysy Berdimuhamedow

Aşgabat şäheri.

2020-nji ýylyň 05-nji maýy

№ PP-681