Oraza baýramyny bellemek hakynda

TÜRKMENISTANYŇ PREZIDENTINIŇ

P E R M A N Y

Oraza baýramyny bellemek hakynda

010.210.000

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2014-nji ýyl, № 7, 3247-nji madda)

Berkarar döwletimiziň bagtyýarlyk döwründe mähriban halkymyzyň bitewüligini, agzybirligini we jebisligini has-da berkitmek, türkmen halkynyň köp asyrlyk däp-dessurlaryna aýawly çemeleşmek, gymmatly ruhy baýlyklarymyzy gorap saklamak, ýurdumyzyň ilatynyň oňat dynç almagy üçin oňaýly şertleri döretmek, şeýle hem «Oraza baýramyny bellemek hakynda» Türkmenistanyň Prezidentiniň 1998-nji ýylyň 14-nji ýanwarynda çykaran 2432-nji Permanyny ýerine ýetirmek maksady bilen, karar edýärin:

1. Türkmen halkynyň Milli baýramy bolan Oraza baýramyny 2014-nji ýylyň 29-njy iýulynda bellemeli we şol güni iş güni däl diýip yglan etmeli.

2. 2014-nji ýylyň 28-nji iýulyndaky - duşenbedäki iş gününi 26-njy iýula - şenbe gününe geçirmeli hem-de 28-nji iýuly iş güni däl diýip yglan etmeli.

3. Şu Permanyň ýerine ýetirilmegini eýeçiliginiň görnüşine garamazdan, ähli edaralar, kärhanalar we guramalar üpjün etmeli.

Türkmenistanyň Prezidenti

Gurbanguly Berdimuhamedow

Aşgabat şäheri

2014-nji ýylyň 25-nji iýuly

№ PP-6608