Iş hakyny, pensiýalary, stipendiýalary we kömek pullaryny ýokarlandyrmak hakynda

TÜRKMENISTANYŇ PREZIDENTINIŇ

P E R M A N Y

Iş hakyny, pensiýalary, stipendiýalary we kömek pullaryny ýokarlandyrmak hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1996 ý., № 4, 4000-nji madda)

(Türkmenistanyň Prezidentiniň 30.09.1996 ý. çykaran № PP-1917 we 18.02.1998 ý. çykaran

№ PP-2472 Permanlary esasynda girizilen üýtgetmeler bilen)

1. Býujetden maliýeleşdirilýän guramalaryň we edaralaryň işgärleriniň aýlyk we wezipe iş haklarynyň we iş hakynyň möçberlerini 1996 ýylyň 1 maýyndan başlap 2 esse ýokarlandyrmaly.

Önümçilik kärhanalarynda iş hakyny ýokarlandyrmagy bar bolan serişdeleriň çäklerinde hojalyk işiniň netijelerini hem-de «Zähmete hak tölemegiň sistemasyny kämilleşdirmek hakynda» Türkmenistanyň Prezidentiniň 1995 ýylyň 27 dekabrynda çykaran № 2436 kararynyň talaplaryny nazara alyp amala aşyrmaly.

2, 4, 5 punktlary we 3 purktunyň birinji abzasyndan bagşa abzaslary Türkmenistanyň Prezidentiniň 30.09.1996 ý. çykaran № PP 1917 Permany esasynda güýjüni ýitiren.

3. Iş hakyndan we pul görnüşli tölegden hasaplanylan pensiýalaryň möçberlerini 1996 ýylyň 1 maýyndan başlap 2 esse ýokarlandyrmaly.

6 punkty Türkmenistanyň Prezidentiniň 18.02.1998 ý. çykaran № PP 2472 Permany esasynda güýjüni ýitiren.

7. «Iş hakyny, pensiýalary, stipendiýalary we beýleki sosial tölegleri ýokarlandyrmak hakynda» Türkmenistanyň Prezidentiniň 1995 ýylyň 27 dekabrynda çykaran № 1700 Permanynyň 2 punktuny, «Zähmete hak tölemegiň sistemasyny kämilleşdirmek hakynda» Türkmenistanyň Prezidentiniň 1995 ýylyň 27 dekabrynda çykaran № 2436 kararynyň 6 punktuny güýjüni ýitiren diýip hasap etmeli.

Türkmenistanyň Prezidenti Saparmyrat Türkmenbaşy

Aşgabat şäheri

1996-njy ýylyň 24-nji apreli

№ PP-1793