Hormatly atlary dakmak hakynda

TÜRKMENISTANYŇ PREZIDENTINIŇ

P E R M A N Y

Hormatly atlary dakmak hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1996 ý., № 3, 3033-nji madda)

«10 ýyl abadançylyk» programmasyny durmuşa geçirmäge goşan uly şahsy goşandy, bitarap we garaşsyz Türkmenistanyň ykdysadyýetinde, oba hojalygynda, biliminde, medeniýetinde we sungatynda gazanan ýokary önümçilik üstünlikleri hem-de ýokary hünär ussatlygy üçin we Halkara aýallar gününiň baýram edilip bellenilmegi mynasybetli, şu aşakdakylara Türkmenistanyň hormatly atlaryny dakmaly:

«Türkmenistanyň at gazanan senagat işgäri»

Galina Alekseýewna Atajanowa - Türkmenistanyň dokma senagaty ministrliginiň Aşgabatdaky S. A. Nyýazow adyndaky nah mata kombinatynyň dokmaçysy,

Antonina Wasilýewna Kondraşina - «Türkmenhaly» döwlet birleşiginiň Marydaky ýüň ýuwýan fabriginiň partiýa komitetiniň sekretary,

Lola Baýramowna Ubaýewa - Türkmenistanyň dokma senagat ministrliginiň Çärjewdäki Türkmenistanyň Prezidenti S. A. Nyýazow adyndaky ýaglyk kärhanasynyň dokmaçysy;

«Türkmenistanyň at gazanan gurluşykçysy»

Ejegyz Ataýewa - Ahal welaýatynyň «Ahalobagurluşykkomplekt» birleşiginiň № 1 mehanizmleşdirilen göçme kolonnasynyň reňkleýjisi- suwagçysy;

«Türkmenistanyň at gazanan halyçysy»

Amanbibi Bakyýewa - «Türkmenhaly» döwlet birleşiginiň Aşgabatdaky haly fabriginiň halyçysy,

Annajeren Kulyýewa - «Türkmenhaly» döwlet birleşiginiň Aşgabatdaky haly fabriginiň halyçysy;

«Türkmenistanyň at gazanan oba hojalyk işgäri»

Baýramgül Atamedowa - Daşhowuz welaýatynyň Tagta etrabynyň Durdy Gylyç adyndaky daýhan birleşiginiň başlygy,

Gurbangözel Abdyrahmanowa - Lebap welaýatynyň Sakar etrabynyň «Türkmenistan» daýhan birleşiginiň kärendeçisi,

Saparsoltan Ýazgulyýewa - Daşhowuz welaýatynyň Saparmyrat Türkmenbaşy etrabynyň «Täze durmuş» daýhan birleşiginiň başlygy;

«Türkmenistanyň at gazanan halk magaryf işgäri»

Walentina Işangulyýewna Annagulyýewa - Türkmenistanyň Bilim ministrliginiň Tejendäki çagalar öýüniň direktory;

«Türkmenistanyň sungatda at gazanan işgäri»

Annabibi Yslamowa - Türkmenistanyň Medeniýet ministrliginiň Döwlet çeperçilik akademiýasynyň mugallymasy.

Türkmenistanyň Prezidenti Saparmyrat Türkmenbaşy

Aşgabat şäheri

1996-njy ýylyň 5-nji marty

№ PP-1749