Galkynyş we agzybirlik gününiň baýram edilip bellenilmegi mynasybetli amnistiýa hakynda

TÜRKMЕNISTANYŇ PRЕZIDЕNTINIŇ

P E R M A N Y

Galkynyş we agzybirlik gününiň baýram edilip bellenilmegi mynasybetli amnistiýa hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy 1993 ý. № 5, 1289-nji madda)

Galkynyş we agzybirlik gününiň baýram edilip bellenilmegi mynasybetli we adamkärçilik ýörelgelerini goldanyp, karar edýärin:

1. Türkmenistanyň Jenaýat kodeksiniň

93-nji (eýelemek, rastrata etmek ýa-da gulluk ýagdaýyny hyýanatly peýdalanmak arkaly döwlet ýa-da jemgyýetçilik emläginiň iýilmegi),

95-nji (döwlet ýa-da jemgyýetçilik emläginiň aýratyn köp möçberlerde iýilmegi), eýelemek, rastrata etmek ýa-da gulluk ýagdaýyny hyýanatly peýdalanmak arkaly edilen jenaýatlar;

96-njy (döwlet ýa-da jemgyýetçilik emläginiň az möçberde iýilmegi), eýelemek, rastrata etmek ýa-da gulluk ýagdaýyny hyýanatly peýdalanmak arkaly edilen jenaýatlar;

97-nji (aldaw arkaly ýa-da ynamy hyýanatly peýdalanmak arkaly emläk taýdan haýyr görmek);

971-nji (translort serişdelerini, maşynlary ýa-da mehanizmleri özbaşdaklaýyn peýdalanmak);

103-nji (oba hojalyk tehnikasyny jenaýatçylykly-biperwaý ulanmak ýa-da saklamak);

104-nji (döwlet ýa-da jemgyýetçilik emlägini gorap saklamaga jenaýatçylykly biperwaý garamak);

151-nji (howpsuzlyk tehnikasy kadalarynyň bozulmagy);

166-njy (ýaramaz hilli, komplektli däl ýa-da standart däl önüm çykarmak);

167-nji (artdyryp ýazmak we planlaryň ýerine ýetirilişi hakyndaky hasabatlaryň beýleki ýoýluşlary)

168-nji (ýaramaz hilli gurluşyk)

171-nji (spekulýasiýa);

1711-nji (mala we guşa bermek üçin döwlet ýa-da kooperatiw dükanlaryndan çöregi we beýleki azyk önümlerini satyn almak);

172-nji (haryt nyşanlaryndan bikanun peýdalanmak);

173-nji (alyjylary we zakazçylary aldamak);

1731-nji (ilata hyzmat etmek bilen baglanyşykly işleriň ýerine ýetirilmegi üçin graždanlardan bikanun hak alynmagy);

1732-nji (benziniň ýa-da beýleki ýangyç-çalgy materiallarynyň bikanun goýberilmegi);

174-nji (ýaramaz hilli, standart däl we komplektli däl harytlary satuwa çykarmak);

175-nji (öýde öndürilýän güýçli spirtli içgileriň ýasalmagy, satylmagy we saklanylmagy);

176-njy (arak we beýleki spirtli içgiler bilen söwda kadalarynyň bozulmagy);

1761-nji (söwda kadalarynyň bozulmagy);

1762-nji (halkyň sarp edýän harytlary üçin nyrhlaryň emeli usulda galdyrylmagy we ýokary nyrhlaryň saklanylmagy);

1763-njn (bikanun söwda işi);

177-nji (poçta markalarynyň we beýleki poçta dokumentleriniň galp ýasalmagy, peýdalanylmagy ýa-da saklanylmagy);

178-nji (gatnaw dokumentleriniň galplaşdyrylmagy);

179-njy (weterinariýa kadalarynyň bozulmagy);

180-nji (ösümlikleriň kesellerine garşy we olara zyýan ýetirýän mör-möjeklere garşy göreşiň bellenilen kadalaryny bozmak);

1811-nji (salgyt salynmagyndan boýun gaçyrmak);

183-nji (partladyş işleri geçirilende balyk zapaslaryny goramak kadalarynyň bozulmagy);

184-nji (balyk we beýleki suw haýwanlaryny tutmak käri bilen bikanun meşgullanmak);

185-nji (bikanun aw awlamak);

1851-nji (sütükli haýwanlaryň derisini satmak, satyn almak, çalyşmak);

186-njy (tokaý agaçlaryny bikanun çapmak);

187-nji (ekinleri bilgeşleýin mala iýdirmek we gorag agaçlaryna hem-de beýleki agaçlara zyýan ýetirmek);

188-nji (ýeri birugsat eýelemek);

1881-nji (suwarymly ýerleri jenaýatçylykly-eýeçiliksiz peýdalanmak ýa-da döwlet zapasynyň ýerlerini birugsat peýdalanmak);

189-njy (suwy birugsat eýelemek);

190-njy (irrigasion desgalary zaýalamak);

191-nji (erki ýa-da gulluk ýagdaýyny hyýanatly peýdalanmak) maddalarynda;

192-nji maddasynyň 1-nji böleginde (erkiň ýa-da gulluk ygtyýarynyň çäginden çykmak);

193-nji (sowuk-salalyk);

197-nji (wezipä daýanyp galplyk etmek);

222-nji (dokumentleri, ştamplary, möhürleri, blanklary ogurlamak ýa-da olary zaýalamak);

224-nji (mallary döwlet uçýotyndan bilgeşleýin ýaşyrmak);

2402-nji (tehniki taýdan näsaz transport serişdelerini ulanmaga çykarmak);

2403-nji (serhoş ýagdaýdaky sürüjileri transport serişdelerini dolandyrmaga goýbermek);

245-nji (magdan işleri baradaky howsuzlyk kadalarynyň bozulmagy);

246-njy (gurluşyk işleri geçirilen mahaly kadalaryň bozulmagy);

2461-nji (ýangyn howpsuzlygy kadalarynyň bozulmagy);

247-nji (partlaýyş howply kärhanalarda ýa-da partlaýyş howply sehlerde howpsuzlyk kadalarynyň bozulmagy);

248-nji (partlaýjy maddalary ýa-da pirotehniki öňümleri saklamak, peýdalanmak, uçýota almak, daşamak kadalarynyň bozulmagy)

280-nji (harby emlägi sowurmak ýa-da ýitirmek);

281-nji (harby emlägi bilgeşleýin ýok etmek ýa-da zaýalamak) maddalarynda göz öňünde tutlan jenaýatlar üçin azatlykdan mahrum etmek bilen baglanyşykly bolmadyk jeza çärelerine ýa-da bäş ýyla çenli we bäş ýyl möhlet bilen azatlykdan mahrum etmäge iş kesilen we tutulyp alynmaga degişli möçberleriň azyndan ýarpysyny tölän:

a) kämillik ýaşyna ýetmedikleri;

b) aýallary;

w) I we II topardaky inwalidleri;

g) ýaşy 60-dan geçen erkek adamlary;

d) Beýik Watançylyk urşuna gatnaşanlary, şeýle hem Watanyň bähbitlerini goramak baradaky söweş hereketlerine gatnaşan adamlary jeza çekmekden boşatmaly.

2. Şu Permanyň 1-nji maddasynda sanalyp geçilen, şu Permanyň 1-nji maddasynda görkezilen jenaýatlar üçin bäş ýyldan köp möhlete iş kesilen, şeýle hem şu Permanyň 1-nji maddasynda görkezilen jenaýatlar üçin azatlykdan mahrum etmek bilen baglanyşykda bolmadyk temmi çärelerine ýa-da bäş ýyla çenli we bäş ýyl möhlet azatlykdan mahrum etmäge iş kesilen hem-de tutulyp alynmaga degişli möçberleri doly tölän adamlary jeza çekmekden boşatmaly.

3. Şu Permanyň 1-nji maddasynda görkezilen, sanksiýasynda azatlykdan mahrum etmek bilen bagly bolmadyk ýa-da bäş ýyla çenli we bäş ýyl azatlykdan mahrum etmek jeza çäresi göz öňünde tutulan, şeýle hem Permanyň 1-nji maddasynda sanalyp geçilen, ýetirilen zyýanyň azyndan ýarpy möçberini tölän adamlar, şeýle hem ýetirilen zyýany doly tölän adamlar tarapyndan edilen jenaýatlar boýunça derňewdäki we sudlar tarapyndan seredilmedik ähli işleri öňümçilikden aýyrmaly.

4. Şu aşakdakylary çekmedik jeza möhletiniň ýarpysyny kemeltmeli:

a) şu Permanyň 1-nji maddasynda görkezilen jenaýatlar üçin azatlykdan mahrum etmek bilen bagly bolmadyk ýa-da bäş ýyla çenli we bäş ýyl azatlykdan mahrum etmek jeza çäresine iş kesilen hem-de tutulyp alynmaga degişli möçberiň azyndan ýarpysyny tölän adamlaryň;

b) şu Permanyň 1-nji maddasynda görkezilen jenaýatlar üçin bäş ýyldan köp möhlete azatlykdan mahrum etmek temmi çäresine iş kesilen we tutulyp alynmaga degişli möçberiň azyndan ýarpysyny tölän adamlaryň.

6. Şu Perman goşmaça jezalara degişli däldir.

6. Amnistiýa şu Permanyň 1, 2, 3-nji we 4-nji maddalarynda görkezilen:

a) bilkastlaýyn jenaýatlary edenligi üçin ozal sud edilen adamlaryň Türkmenistanyň Jenaýat kodeksinnň 108, 109, 115, 116-njy maddalarynda göz öňünde tutulan jenaýatlar üçin iş kesilenlerinden we jezasyny çekenlerinden başgasy;

b) jezasyny çekýän wagtynda saklamak düzgünini zandyýamanlyk bilen bozýan adamlar.

7. Şu Permanyň 1-nji we 2-nji maddalarynda görkezilen, iş kesilen hem-de azatlykdan mahrum ediliş ýerlerinde jezasyny çekýän we wenerik kesellerden, alkogolizmden hem-de neşekeşlikden bejermegiň doly kursuny geçmedik adamlar barada amnistiýa olar bejerşiň doly kursuny geçenden soň ulanylýar.

8. Şu Perman kabul edilen gününden güýje girýär we dört aýyň dowamynda ýerine ýetirmäge degişlidir.

Türkmenistanyň Prezidenti S. Nyýazow

Aşgabat şäheri

1993-nji ýylyň 25-nji maýy

№ PP-892