Býujet ugrunyň guramalarynyň we edaralarynyň işgärleriniň iş hakynyň hem-de stipendiýalaryň möçberleri hakynda

TÜRKMENISTANYŇ PREZIDENTINIŇ

P E R M A N Y

Býujet ugrunyň guramalarynyň we edaralarynyň işgärleriniň iş hakynyň hem-de stipendiýalaryň möçberleri hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1998 ý., № 2, I-bölek, 7069-njy madda)

(Türkmenistanyň Prezidentiniň 04.05.2000 ý. çykaran № PP-3108 Permany esasynda

girizilen üýtgetmeler bilen)

Býujet ugrunyň guramalarynyň we edaralarynyň işgärleriniň, zähmetini höweslendirmek we talyplary sosial taýdan goramak maksady bilen, karar edýärin:

1, 2, 4 we 5-nji bölümleri Türkmenistanyň Prezidentiniň 04.05.2000 ý. çykaran № PP-3108 Permany esasynda güýjüni ýitiren.

3. Önümçilik pudaklarynyň işgärleriniň iş hakyny Türkmenistanyň Ministrler Kabineti bilen ylalaşyp zähmet öndürijiligini ýokarlandyrylan we önümleriň hem-de hyzmatlaryň düşýän gymmaty artmadyk şertlerinde bar bolan serişdeleriň, çäklerinde ýokarlandyrmaly.

6. Türkmenistanyň Ykdysadyýet we maliýe ministrligi şu Permandan gelip çykýan üýtgetmeleri 1998 ýyl üçin Türkmenistanyň Döwlet býujetine girizmelidir.

7. Şulary güýjüni ýitiren diýip hasap etmeli:

«Inwalidleriň jemgyýetçilik guramalaryna we olaryň agzalaryna goşmaça ýeňillikler hakynda» Türkmenistanyň Prezidentiniň 1993 ýylyň 11 martynda çykaran № 775 Permanynyň 6 punktunyň uçünji abzasynyň gatnamagy tölemek boýunça ýenillikleri bellemek üçin serişdeleri bermek baradaky bölegini;

«Iş hakyny, pensiýalary, stipendiýalary we kömek pullaryny ýokarlandyrmak hakynda» Türkmenistanyň Prezidentiniň 1996 ýylyň 24 aprelinde çykaran № 1793 Permanynyň 6 punktuny;

«Iş hakyny, pensiýalary we stipendiýalary ýokarlandyrmak hakynda» Türkmenistanyň Prezidentiniň 1996 ýylyň 30 sentýabrynda çykaran № 1917 Permanynyň 2 we 5 punktlaryny;

«Býujet sferasynyň işgärleriniň iş hakyny ýokarlandyrmak hakynda» Türkmenistanyň Prezidentiniň 1997 ýylyň 7 fewralynda çykaran № 2117 Permanynyň 2 punktuny;

«Iş hakyny düzgünleşdirmek hakynda» Türkmenistanyň Prezidentiniň 1997 ýylyň 7 fewralynda çykaran № 3017 kararyny, 3 punkty muňa girmeýär.

Türkmenistanyň Prezidenti Saparmyrat Türkmenbaşy

Aşgabat ş.

1998-nji ýylyň 18-nji fewraly

№ PP-2472