Hakyky harby gullugyň bellenilen möhletlerini gulluk eden harby gullukçylary Türkmenistanyň territoriýasynda ýerleşen Ýaragly Güýçlerden, serhet goşunlaryndan we içerki goşunlardan zapasa boşatmak hem-de Türkmenistanyň graždanlarynyň hakyky harby we alternatiw (zähmet) gulluga nobatdaky çagyrylyşy hakynda

TÜRKMENISTANYŇ PREZIDENTINIŇ

P E R M A N Y

Hakyky harby gullugyň bellenilen möhletlerini gulluk eden harby gullukçylary Türkmenistanyň territoriýasynda ýerleşen Ýaragly Güýçlerden, serhet goşunlaryndan we içerki goşunlardan zapasa boşatmak hem-de Türkmenistanyň graždanlarynyň hakyky harby we alternatiw (zähmet)

gulluga nobatdaky çagyrylyşy hakynda

150.110.010

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy 1992 ý, № 9, 671-madda)

Türkmenistanyň Konstitusiýasyna laýyklykda karar edýärin:

1. Hakyky harby gullugyň bellenilen möhletlerini gulluk eden möhletli harby gullukçylary 1992-nji ýylyň oktýabrynda - dekabrynda Türkmenistanyň territoriýasynda ýerleşen Ýaragly Güýçlerden, serhet goşunlaryndan we içerki goşunlardan zapasa boşatmaly.

2. Türkmenistanyň çagyryş gününe çenli 18 ýaşy dolýan, çagyryşdan gaýra goýulmaga hukugy bolmadyk erkek graždanlaryny, şeýle hem çagyryşdan gaýra goýulmak hukugyny ýitiren uly ýaşly graždanlaryny 1992-nji ýylyň oktýabrynda -dekabrynda möhletli hakyky harby we alternatiw (zähmet) gulluga çagyrmaly.

3. Şu Perman çap edilen pursatyndan güýje girýär.

Türkmenistanyň Prezidenti S. Nyýazow

Aşgabat şäheri

1992-nji ýylyň 29-njy sentýabry

№ UP-599