Daşoguz welaýatynyň Daşoguz etrabynyň adyny üýtgetmek hakynda

TÜRKMENISTANYŇ PREZIDENTINIŇ

P E R M A N Y

Daşoguz welaýatynyň Daşoguz etrabynyň adyny üýtgetmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2002 ý., № 4, 481-nji madda)

Daşoguz welaýatynyň ähli ilatynyň, Daşoguz etrabynyň ýaşulularynyň, daýhan birleşikleriniň geňeşlikleriniň köp ýyldan bäri edýän haýyşlaryny, Daşoguz etrabynyň we Daşoguz welaýatynyň häkimlikleriniň towakganamasyny nazara alyp, karar edýärin:

1. Daşoguz welaýatynyň Daşoguz etrabynyň adyny S.A.Nyýazow adyndaky etrap diýip üýtgetmeli we mundan beýläk ony Daşoguz welaýatynyň S.A.Nyýazow adyndaky etraby diýip atlandyrmaly.

2. Türkmenistanyň Prezidentiniň 1993-nji ýylyň 5-nji maýynda çykaran № 1327 karary bilen tassyklanylan, Türkmenistanda posýoloklaryň we geňeşlikleriň sanawyna üýtgetme girizmeli.

Türkmenistanyň Prezidenti Saparmyrat Türkmenbaşy

Aşgabat ş.

2002-nji ýylyň 20-nji sentýabry

№ PP-3723