Türkmenistanyň territoriýasynda ýerleşen goşunlarda harby düzgün-nyzamy we hukuk tertibini pugtalandyrmak hakynda
TÜRKMENISTANYŇ PREZIDENTINIŇ
P E R M A N Y
Türkmenistanyň territoriýasynda ýerleşen goşunlarda harby düzgün-nyzamy we hukuk tertibini pugtalandyrmak hakynda
150.010.010
(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy 1992 ý, № 7, 432-madda)
Türkmenistanyň territoriýasynda ýerleşen harby bölümlerde harby düzgün-nyzamy we hukuk tertibini pugtalandyrmak maksady bilen karar edýärin:
1. Şu Perman çap edilen pursatyndan başlap bir aýyň dowamynda gulluk borçlaryny ýerine ýetirmek üçin gulluk edýän ýerlerine ýa-da harby dolandyryşyň golaýdaky organlaryna (harby komissarlyklara, komendaturalara) gelmegi Türkmenistanyň territoriýasynynda gulluga çagyrylan we gulluk edýän, gulluk edilýän ýerden birugsat giden harby gullukçylaryň hemmesine tabşyrmaly.
2. Şu Permanyň 1-nji punktunda görkezilen adamlar barasynda Türkmenistanyň Jenaýat kodeksiniň 276-njy (goşun böleginden ýa-da gulluk edilýän ýerden birugsat gitmek) we 277-nji (dezertirlik etmek) maddalary boýunça gozgalyp, şu Perman güýje girýänçä sudlar tarapyndan garalmadyk jenaýat işleri bes edilmäge degişlidir.
3. Türkmenistanyň territoriýasynda gulluga çagyrylan we gulluk edýän, şu Permanyň hereket edýän döwründe özune ýüz tutan harby gullukçylary haýal etmän öňki gulluk edýän ýerlerine ibermegi harby dolandyryş organlarynyň ýolbaşçylaryna tabşyrmaly.
Türkmenistanyň territoriýasynda gulluga çagyrylan we Garaşsyz Döwletleriň Dostlukly birleşiginiň beýleki döwletleriniň territoriýasynda ýerleşen harby bölümlerden gelen harby gullukçylar hökmany tertipde harby komissarlyklara, komendaturalara ýüz tutýarlar hem-de garnizonyň naçalnigi bilen ylalaşyp Türkmenistanyň harby bölümlerinde ýerleşdirilýär.
4. Şu Permanyň 1-nji punktunda görkezilen möhlet tamamlanandan soň gulluk edýän ýerlerine ýa-da golaýdaky harby dolandyryş organlaryna gelmekden boýun towlamagyny dowam etdirýän harby gullukçylary, şeýle hem şu Perman güýje girenden soň gulluk edilýän ýerden birugsat giden harby gullukçylary Türkmenistanyň ulanylyp gelinýän kanunlaryna laýyklykda jogapkärçilige çekmeli.
5. Harby bölümden daşarda birugsat bolnan döwür gulluk möhletine goşulmaýar diýip bellemeli.
6. Harby gullukçylaryň aralaryndaky tabynlyk gatnaşyklaryna garamazdan, olaryň özara gatnaşyklarynyň ustawlaýyn kadalarynyň bozulmagynyň ejir çekeniň jany ýa-da saglygy üçin howply bolmadyk zorluk görnüşinde ýüze çykmagy harby bölümiň komandiriniň karary boýunça gauptwahtada 10 gije-gündize çenli saklamak bilen nyzam tussaglygyna getirýär.
Şol hereketleri, gaýtadan ýa-da has agyr netijelere getiren ýagdaýda adamlary Türkmenistanyň ulanylyp gelinýän kanunlaryna laýklykda jenaýat jogapkärçiligine çekmeli.
Möhletli gullukdaky harby gullukçynyň harby bölümden ýa-da gulluk edilýän ýerden birugsat gitmegi, şeýle hem onuň harby bölümden gysga rugsada goýberilen mahaly, harby bölume bellenen, geçirilen mahaly, komandirowkadan, rugsatdan ýa-da bejeriş edarasyndan möhletinde essasýz sebäp bilen gelmezligi 3 gije-gündizden az wagt dowam etse, gauptwahtada 10 gije-gündize çenli möhdetde saklamak bilen, harby bölümiň komandiri tarapyndan berilýän düzgün-nyzam temmi çäresine- tussaglyga eltýär.
Düzgün-nyzam jogapkärçilik çäresi ulanylandan soň ýa-da 3 gije-gündüzden köp wagtlap şol hereketleri eden adamlary Türkmenistanyň ulanylyp gelinýän kanunlaryna laýyklykda jenaýat jogapkärçiligine çekmeli.
Harby gullukçylaryň gauptwahtada bolan wagty hakykyharby gullugyň möhletine goşulmaýar.
8. Şu Permandan gelip çykýan meseleler boýunça üýtgetmeleri we goşmaçalary Türkmenistanyň ulanylyp gelinýän kanunlaryna girizmek hakyndaky teklipleri bir aý möhletde taýýarlamagy Türkmenistanyň Ýustisiýa ministrligine tabşyrmaly.
9. Türkmenistanyň territoriýasynda düzgün-nyzam batolýonyny 3 aý möhletde guramagy Türkmenistanyň Goranmak ministrligine tabşyrmaly.
Gornizon we goşun gauptwahtalaryny bildirilýän taraplara laýyk getirmegi garnizonlaryň naçalniklerine we harby bölümleriň komandirlerine tabşyrmaly.
10. Şu Perman çap edilen pursatynda başlap güýje girýär.
Türkmenistanyň Prezidenti S. Nyýazow
Aşgabat şäheri
1992-nji ýylyň 17-nji iýuly
№ UP-500