Türkmenistanyň territoriýasynda möhletli hakyky harby gullugy geçýän harby gullukçylary zapasa goýbermek hem-de Garaşsyz Döwletleriň Dostlukly birleşiginiň beýleki döwletlerinden gelýän Türkmenistanyň graždanlary bolan harby gullukçylary ýerleşdirmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň territoriýasynda möhletli hakyky harby gullugy

geçýän harby gullukçylary zapasa goýbermek hem-de Garaşsyz Döwletleriň Dostlukly birleşiginiň beýleki döwletlerinden gelýän Türkmenistanyň graždanlary bolan harby gullukçylary ýerleşdirmek hakynda

150.110.000

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy 1992 ý, № 2, 132-madda)

Garaşsyz Döwletleriň Dostlukly birleşiginiň beýleki döwletlerinden gelýär, Türkmenistanyň graždanlary bolan möhletli gullukdaky harby gullukçylary ýerleşdirmek, olara mundan beýläk-de harby gullugyny geçmek üçin zerur şertleri döretmek maksady bilen karar edýärin:

1. 1990-njy ýylyň maýynda - iýunynda harby gulluga çagyrylan, Türkmenistanyň territoriýasynda möhletli hakyky harby gullugy geçýän harby gullukçylary hakyky harby gullukdan zapasa goýbermeli, serhet we içerki goşunlaryň harby gullukçylary muňa girmeýär.

2. Garaşsyz Döwletleriň Dostlukly birleşiginiň territoriýasynda ýerleşen goşun bölumlerinden gelýän, Türkmenistanyň graždanlary bolan harby gullukçylary harby gullugynyň kada-kanunlarda bellenilen, möhleti tamamlanýança hakyky harby gullugyny mundan beýläk-de geçmegi üçin Türkmenistanyň territoriýasynda ýerleşýän goşun bölumlerinde, birikmelerinde, harby-gurluşyk otrýadlarynda ýerleşdirmegi Türkmenistanyň Goranmak işleri baradaky ministrine tabşyrmaly.

3. Şu Perman oňa gol çekilen pursatyndan başlap güýje girýär.

Türkmenistanyň Prezidenti S. Nyýazow

Aşgabat şäheri

1992-nji ýylyň 22-nji fewraly

№ UP-303