Bir ülňüli harby geýim we harby atlar boýunça tapawutlandyryş belgileri hakynda

TÜRKMENISTANYŇ PREZIDENTINIŇ

P E R M A N Y

Bir ülňüli harby geýim we harby atlar boýunça

tapawutlandyryş belgileri hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2004 ý.¸ № 4¸ 141-nji madda)

«Harby borçlulyk we harby gulluk hakyndaky» Türkmenistanyň Kanunynyň 34-nji maddasyna laýyklykda, karar edýärin:

1. Türkmenistanyň Ýaragly Güýçleriniň harby gullukçylarynyň bir ülňüli harby geýiminiň teswirini;

Türkmenistanyň Ýaragly Güýçleriniň harby gullukçylarynyň harby atlar boýunça tapawutlandyryş belgileriniň teswirini;

Harby gullugy Türkmenistanyň Ýaragly Güýçlerinde geçmeýän harby gullukçylaryň bir ülňüli harby geýiminiň we harby atlar boýunça tapawutlandyryş belgileriniň teswirini tassyklamaly (goşulýar).

2. Türkmenistanyň Ýaragly Güýçlerinde harby gullugy geçmeýän harby gullukçylar öz goşun kysymlarynyň tapawutlandyryş aýratynlyklary bilen Türkmenistanyň Ýaragly Güýçleriniň harby gullukçylary üçin bellenilen bir ülňüli harby geýimi geýmeli hem-de harby atlar boýunça tapawutlandyryş belgilerini dakynmaly.

Harby gullukçylaryň beýleki tapawutlandyryş belgilerini, şeýle hem harby gullukçylaryň bir ülňüli harby geýimi geýmeginiň we tapawutlandyryş belgilerini dakynmagynyň kadalaryny Türkmenistanyň Goranmak ministri belleýär.

3. Işgärleri üçin bir ülňüli harby geýimi geýmek göz öňünde tutulan ministrlikler we pudaklaýyn dolandyryş edaralary bir ülňüli geýim we tapawutlandyryş belgileri üýtgedilen ýa-da olaryň täze görnüşi girizilen mahaly Türkmenistanyň Goranmak ministrligi bilen ylalaşyp, Türkmenistanyň Ministrler Kabinetine degişli teklipleri berýär.

4. «Bir ülňüli harby geýim we harby atlar boýunça tapawutlandyryş belgileri hakynda» Türkmenistanyň Prezidentiniň 1996-njy ýylyň 2-nji fewralynda çykaran № 1735 Permanyny güýjüni ýitiren diýip hasap etmeli.

Türkmenistanyň Prezidenti Saparmyrat Türkmenbaşy

Aşgabat ş.

2004-nji ýylyň 19-njy apreli

№ PP-4046

Türkmenistanyň Prezidentiniň

2004-nji ýylyň 19-njy aprelinde

çykaran № PP-4046 Permany bilen

tassyklanyldy

Türkmenistanyň Ýaragly Güýçleriniň harby gullukçylarynyň

bir ülňüli harby geýiminiň

TESWIRI

Harby gullukçylar harby atlar, goşunlaryň kysymlary we gulluklar boýunça tapawutlandyryş belgileri (gerdenlikler, gerdenlijekler, nyşanlar, ýeňe dakylýan belgiler) we tapawutlanyş belgileri (ordenler, ordenleriň lentalary, medallar, medallaryň lentalary we döşe dakylýan belgiler) bilen bilelikde Türkmenistanyň Ýaragly Güýçleriniň görnüşlerine degişliligi (matasynyň reňki) boýunça bir ülňüli harby geýimi geýýär.

I. Serkerdeleriň bir ülňüli harby geýiminiň teswiri (Döwlet ýol gözegçiligi gullugyndan* (*Döwlet ýol gözegçiligi gullugy mundan beýläk DÝGG diýlip atlandyrylýar) we Harby-deňiz Güýçlerinden** (**Harby-deňiz Güýçleri mundan beýläk HDG diýlip atlandyrylýar) beýlekiler)

Ýokary derejeli serkerdeleriň açyk ýaşyl (Harby-howa Güýçlerinde*** (***Harby-howa Güýçleri mundan beýläk HHG diýlip atlandyrylýar) - açyk gök) reňkli jähekli we etekli, alynlykly we altynsow reňkli gaýmaly, altynsow reňkli bir ülňüli iki ilijege ildirilýän sary reňkli örülen ýüpli, gara reňkli gaşly, açyk çal (HHG-de - goýy gök) reňkli, dabara üçin ýüň papagy. Ýokary derejeli serkerdeleriň papagynyň ýokarky gurşawynda bäş kelleli bürgüdiň altynsow reňkli şekili ýerleşdirilýär (tikilýär). Bäş kelleli bürgüdiň şekiliniň ýokarky gyrasyndan papagyň ýokarky jähegine çenli aralyk - 5 mm. Papagyň ýokarky gurşawynda bäş kelleli bürgüdiň şekiliniň beýikligi - 50 mm, ini- 45 mm.

Ýokary derejeli serkerdeleriň papagynyň gara reňkli gaşynda altynsow reňkli zeýtun şahalary görnüşinde nagyş ýerleşýär (tikilýär).

Ýokary derejeli serkerdeleriň açyk ýaşyl (HHG-de - açyk gök) reňkli jähekli we etekli, alynlykly we altynsow reňkli gaýmaly, altynsow reňkli bir ülňüli iki ilijege ildirilýän sary reňkli örülen ýüpli, gara reňkli gaşly, zeýtun (HHG-de - goýy gök) reňkli, gündelik ýüň papagy. Ýokary derejeli serkerdeleriň papagynyň ýokarky gurşawynda bäş kelleli bürgüdiň altynsow reňkli şekili ýerleşdirilýär (tikilýär). Bäş kelleli bürgüdiň şekiliniň ýokarky gyrasyndan papagyň ýokarky jähegine çenli aralyk - 5 mm. Papagyň ýokarky gurşawynda bäş kelleli bürgüdiň şekiliniň beýikligi -50 mm, ini- 45 mm.

Ýokary derejeli serkerdeleriň papagynyň gara reňkli gaşynda altynsow reňkli zeýtun şahalary görnüşde nagyş ýerleşýär (tikilýär).

Uly we kiçi serkerdeleriň açyk ýaşyl (HHG-de we howa-desant harby bölümlerinde* (*Howa-desant harby bölümler mundan beýläk HDH diýlip atlandyrylýar) - açyk gök) reňkli jähekli we etekli, altynsow reňkli nyşan bilen gurşalan alynlykly, altynsow reňkli bir ülňüli iki ilijege ildirilýän sary reňkli örülen ýüpli, gara reňkli gaşly zeýtun (HHG-de -goýy gök) reňkli dabara üçin ýüň papagy. HHG-niň we HDG-niň serkerdeleriniň papagynyň ýokarky gurşawynda altynsow reňkli uçuş nyşany ýerleşýär. Nyşanyň ýokarky gyrasyndan papagyň ýokarky jähegine çenli aralyk - 5 mm.

Uly we kiçi serkerdeleriň açyk ýaşyl (HHG-de we HDG-de - açyk gök) reňkli jähekli we etekli, altynsow reňkli alynlykly, altynsow reňkli bir ülňüli iki ilijege ildirilýän sary reňkli örülen ýüpli, gara reňkli gaşly, zeýtun (HHG-de - goýy gök) reňkli, gündelik ýüň papagy. HHG-niň we HDG-niň serkerdeleriniň papagynyň ýokarky gurşawynda altynsow reňkli uçuş nyşany ýerleşýär. Nyşanyň ýokarky gyrasyndan papagyň ýokarky jähegine çenli aralyk - 5 mm.

Açyk ýaşyl (HHG-de - açyk gök) reňkli jähekli, altynsow reňkli alynlykly, zeýtun (HHG-de - goýy gök) reňkli günlelik ýüň pilotka.

Altynsow reňkli alynlykly, açyk ýaşyl (HHG-de - goýy gök, HDG- de - açyk gök) reňkli gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow reňkli alynlykly, altynsow reňkli bir ülňüli iki sany ilijege ildirilýän, sary reňkli örülen ýüpli, ýeňil ýüň matadan açyk zeýtun (HHG-de - açyk gök) reňkli tomusky ýasy papak.

Altynsow reňkli alynlykly (ýokary derejeli serkerdelerde - nyşan bilen gurşalan) sütükli goýun derisinden (ýokary derejeli serkerdeleriňki-garaköli baganadan) çal reňkli gulakjyn.

Ýokary derejeli serkerdeleriň iki hatar ilikli, altynsow reňkli bir ülňüli 3 sany ilige ildirilýän, zeýtun şahalarynyň sekilinde keşdeli we altynsow reňkli jähekli (petlisanyň aşaky gyrasyndan başga) açyk ýaşyl (HHG-de - açyk gök) reňkli petlisaly zeýtun (HHG-de - goýy gök) reňkli, gyşky ýüň paltosy. Petlisalar olaryň gapdal gyrasy ýakanyň serpmesiniň tikinine ugurdaş, petlisanyň aşaky gyrasy bolsa - ýakanyň aşaky gyrasy boýunça ýerleşer ýaly edilip tikilýär. Çal reňkli garaköli baganadan aýrylýan ýakany dakynmaga rugsat edilýär.

Uly we kiçi serkerdeleriň zeýtun (HHG-de - goýy gök) reňkli, iki hatar ilikli, altynsow reňkli bir ülňüli 3 ilige ildirilýän gyşky ýüň paltosy.

Ýokary derejeli serkerdeleriň gara reňkli, möwsümleýin gön kurtkasy.

Ýokary derejeli serkerdeleriň görünmeýän iliklere ildirilýän, açyk ýaşyl (HHG-de - açyk gök) reňkli petlisaly, altynsow reňkli zeýtun şahasy we jähek görnüşinde (petlisanyň aşaky gyrasyndan başga) keşdeli zeýtun (HHG-de - goýy gök) reňkli möwsümleýin ýüň kurtkasy. Petlisalar gapdal gyrasy ýakanyň serpmesinden 10 mm aralykda, petlisanyň aşaky gyrasy bolsa - ýakanyň aşaky gyrasy boýunça ýerleşer ýaly edilip tikilýär. Çal reňkli garaköli baganadan aýrylýan ýakany dakynmaga rugsat edilýär. Kurtkanyň guşagy daşyndan matanyň reňkindäki toka ildirilýär.

Uly we kiçi serkerdeleriň görünmeýän iliklere ildirilýän, zeýtun (HHG-da-goýy gök) reňkli möwsümleýin ýüň kurtkasy. Kurtkanyň guşagy daşyndan matanyň reňkindäki toka ildirilýär.

Bir hatar ilikli, zeýtun (HHG-de - goýy gök) reňkli bir ülňüli 4 ilige ildirilýän zeýtun (HHG-de - goýy gök) reňkli möwsümleýin ýüň plaş. Plaşyň guşagy üstünden matanyň reňkindäki toka ildirilýär.

Ýokary derejeli serkerdeleriň ýakasynda altynsow reňkli zeýtun şahalarynyň şekilinde keşdeli, ýakasynda we ýeňiniň ýeňsapylarynda açyk ýaşyl (HHG-de - açyk gök) reňkli jähekli, iki hatar ilikli, bir ülňüli 3 ilige ildirilýän, döşüň çep tarapynda bir sany içki jübüli, gapaklar bilen ýapylýan iki sany gapdal jübüli, açyk çal (HHG-de - goýy gök) reňkli ýüň tužurkasy.

Ýokary derejeli serkerdeleriň ýakasynda zeýtun şahalarynyň şekilinde keşdeli, ýakasynda we ýeňiniň ýeňsapylarynda açyk ýaşyl (HHG-de - açyk gök) reňkli jähekli, bir hatar ilikli, bir ülňüli 4 ilige ildirilýän, gapaklar bilen ýapylýan, döşünde bir ülňüli ilijekler bilen ildirilýän oturtma jübüli, gapaklar bilen ýapylýan iki sany gapdal jübüli, zeýtun (HHG-de - goýy gök) reňkli gündelik ýüň kiteli.

Uly we kiçi serkerdeleriň bir hatar ilikli, bir ülňüli 4 ilige ildirilýän, gapaklar bilen ýapylýan, bir ülňüli ilijeklere ildirilýän, döşünde iki sany oturtma jübüli, gapaklar bilen ýapylýan iki sany gapdal jübüli zeýtun (HHG-de - goýy gök) reňkli dabara üçin we gündelik ýüň kiteli.

Gapaklar bilen ýapylýan, bir ülňüli ilijekler bilen ildirilýän döşünde oturtma jübüli, syrmaly iki sany gapdal jübüli zeýtun (HHG-de - goýy gök) reňkli, syrmaly gündelik ýüň kurtka.

Açyk ýaşyl (HHG-de we HDH-de - açyk gök) reňkli jähekli (ýokary derejeli serkerdelerde - jähekli we inli zolakly) açyk çal, zeýtun (HHG-de -goýy gök) reňkli, köwüş bilen geýilýän, dabara üçin ýüň jalbar. 25 mm inli zolaklar jalbaryň tutuş uzynlygy boýunça daşky tikininiň ugruna jähekden 5 mm aralykda tikilýär.

Açyk ýaşyl (HHG-de we HDH-de - açyk gök) reňkli jähekli (ýokary derejeli serkerdelerde - jähekli we inli zolakly) zeýtun (HHG-de - goýy gök) reňkli, köwüş bilen geýilýän gündelik ýüň jalbar.

Açyk ýaşyl (HHG-de we HDH-de - açyk gök) reňkli jähekli (ýokary derejeli serkerdelerde - jähekli we inli zolakly) zeýtun (HHG-de - goýy gök) reňkli, göni biçüwli (gonçly köwüş we ädik bilen geýmäge utgaşdyrylan) gündelik ýüň jalbar.

Açyk ýaşyl (HHG-de we HDH-de - açyk gök) reňkli jähekli (ýokary derejeli serkerdelerde - jähekli we inli zolakly) zeýtun (HHG-de - açyk gök) reňkli, ýeňil ýüň matadan tikilen, köwüş bilen geýilýän tomusky ýüň jalbar.

Serpme (ýazdyrylýan) ýakaly, gysga ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli açyk zeýtun (HHG-de - açyk gök) reňkli köýneklik matadan tomusky köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, ak reňkli köýneklik matadan dabara üçin köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk zeýtun (HHG-de - açyk gök) reňkli köýneklik matadan gündelik köýnek.

Ýokary derejeli serkerdeler dabara üçin tomusky geýim geýen mahaly uzyn ýeňli köýnege gara reňkli galstuk.

Uzyn ýeňli köýnege zeýtun (HHG-de - gara) reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli bir ülňüli sysgyç bilen berkidilýär.

Ak we zeýtun (HHG-de - goýy gök) reňkli kaşne.

Gara (nyzam bilen dabara için geýim geýlen mahaly - ak) reňkli ellik.

Altynsow (uruş döwründe we serkerdeleriň görkezmesi boýunça parahatçylykly döwürde meýdan geýimi geýlen mahaly - ýaşyl) reňkli alynlykly kamuflýaž öwüşginli ýa-da çäge reňkli nah ýasy papak ýa-da panama. Ýokary derejeli serkerdeler nah ýasy papagy ýa-da panamany daşky eşigiň matasyndan örülen ýüp bilen geýýär.

Kamuflýaž öwüşginli ýa-da çäge reňkli, göni biçüwli nah kurtka we jalbar.

Kamuflýaž öwüşginli ýa-da çäge reňkli, çal reňkli sütükli ýakaly kurtka we göni biçüwli ýyly nah jalbar.

Atynmak üçin gön kemerli, kamuflýaž öwüşginli ýa-da zeýtun reňkli,öl geçirmeýän matadan plaş-ýapynja.

Içki eginbaşyň toplumynyň düzüminde kamuflýaž öwüşginli ýa-da zeýtun reňkli (HDH-de zolak-zolak) içki köýnek ýa-da maýka, futbolka.

Esbabyň toplumynyň düzüminde gara ýa-da ýaşyl reňkli bil kemeri.

Gara reňkli aýakgap geýlende - gara ýa-da zeýtun (HHG-de - goýy gök) reňkli; açyk çal reňkli aýakgap geýlende - açyk çal reňkli jorap.

Gara (HHG-den başga ýokary derejeli serkerdeler dabara üçin tomusky geýim geýen mahaly- açyk çal) reňkli, hromly kelte gonçly köwüş.

Gara reňkli hromly (ýyly) gonçly köwüş.

Gara reňkli gonçly teletin köwüş.

Gara reňkli teletin ädik.

II. Harby okuw mekdepleriniň talyplarynyň, borçnama boýunça harby gullugy geçýän starşinalaryň, seržantlaryň we esgerleriň bir ülňüli harby geýiminiň teswiri (DÝGG-dan we HDG-den beýlekiler)

Açyk ýaşyl (HHG-de we HDH-da - açyk gök) reňkli jähekli we etekli, altynsow reňkli nyşan bilen gurşalan alynlykly, iki sany altynsow reňkli bir ülňüli ilijege ildirilýän gara reňkli laklanan kemerjikli, gara reňkli gaşly zeýtun (HHG-de - goýy gök) reňkli, dabara üçin ýüň papak. HHG-niň harby gullukçylarynyň papagynyň ýokarky gurşawynda altynsow reňkli uçuş nyşany bar.

Açyk ýaşyl (HHG-de we HDH-da - açyk gök) reňkli jähekli we etekli, altynsow reňkli alynlykly, iki sany altynsow reňkli bir ülňüli ilijege ildirilýän gara reňkli laklanan kemerjikli, gara reňkli gaşly zeýtun (HHG-de goýy gök) reňkli, gündelik ýüň papak. HHG-niň we HDH-niň harby gullukçylarynyň papagynyň ýokarky gurşawynda altynsow reňkli uçuş nyşany bar.

Açyk ýaşyl (HHG-de - açyk gök) reňkli jähekli, altynsow reňkli alynlykly, zeýtun (HHG-de -goýy gök) reňkli, günlelik ýüň pilotka.

Altynsow reňkli alynlykly (dabara üçin - nyşan bilen gurşalan) açyk ýaşyl (HHG-de - goýy gök, HDH-de - açyk gök) reňkli, dabara üçin we gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow (uruş döwründe we parahatçylykly döwürde serkerdeleriň görkezmesi boýunça meýdan geýimi geýlen mahaly goýy ýaşyl) reňkli alynlykly, kamuflýaž öwüşginli ýa-da çäge reňkli nah ýasy papak ýa-da panama.

Altynsow reňkli alynlykly, sütükli goýun derisinden çal reňkli gulakjyn.

Iki hatar ilikli, altynsow reňkli bir ülňüli 3 sany ilige ildirilýän, zeýtun (HHG-de -goýy gök) reňkli gyşky ýüň palto.

Bir hatar ilikli, altynsow reňkli bir ülňüli 4 ilige ildirilýän, gapaklar bilen ýapylýan, döşünde bir ülňüli ilijekler bilen ildirilýän oturtma jübüli, gapaklar bilen ýapylýan iki sany gapdal jübüli, zeýtun (HHG-de - goýy gök) reňkli, dabara üçin ýüň kiteli.

Gapaklar bilen ýapylýan, döşünde altynsow reňkli bir ülňüli ilijekler bilen ildirilýän oturtma jübüli, syrmaly iki sany gapdal jübüli zeýtun (HHG-da -goýy gök) reňkli syrmaly, gündelik ýüň kurtka.

Açyk ýaşyl (HHG-de we HDH-de - açyk gök) reňkli jähekli zeýtun (HHG-de - goýy gök) reňkli, köwüş bilen geýilýän, dabara üçin ýüň jalbar.

Açyk ýaşyl (HHG-de we HDH-de - açyk gök) reňkli jähekli, zeýtun (HHG-de - goýy gök) reňkli, göni biçüwli (gonçly köwüş we ädik bilen geýmek üçin utgaşdyrylan) gündelik ýüň jalbar.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk zeýtun (HHG-de - açyk gök) ýa-da ak reňkli köýneklik matadan dabara üçin köýnek.

Uzyn ýeňli köýnege zeýtun (HHG-de - gara) reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli, bir ülňüli sysgyç bilen berkidilýär.

Kamuflýaž öwüşginli ýa-da çäge reňkli, göni biçüwli nah kurtka we jalbar.

Kamuflýaž öwüşginli ýa-da çäge reňkli, çal reňkli sütükli ýakaly kurtka we göni biçüwli ýyly nah jalbar.

Atynmak üçin gön kemerli kamuflýaž öwüşginli ýa-da zeýtun reňkli, öl geçirmeýän matadan tikilen plaş-ýapynja (nah plaş-çadyr).

Zeýtun (HHG-de - goýy gök) reňkli kaşne.

Gara ýa-da goňur (kamuflýaž öwüşginli) reňkli ellik.

Içki eginbaşyň toplumynyň düzüminde kamuflýaž öwüşginli ýa-da zeýtun reňkli (HDH-de zolak-zolak) içki köýnek ýa-da maýka, futbolka.

Esbabyň toplumynyň düzüminde gara ýa-da ýaşyl reňkli bil kemeri.

Gara ýa-da zeýtun (HHG-de - goýy gök) reňkli jorap.

Gara reňkli hromly kelte gonçly köwüş.

Gara reňkli hromly gonçly köwüş.

Gara reňkli gonçly teletin köwüş.

Gara reňkli teletin ädik.

III. Zenan harby gullukçylaryň bir ülňüli harby geýiminiň teswiri

(DÝGG-dan we HDG-den beýlekiler)

Açyk ýaşyl (HHG-de - açyk gök) reňkli jähekli, altynsow reňkli alynlykly (dabara üçin - nyşan bilen gurşalan) zeýtun (HHG-de - goýy gök) reňkli dabara üçin we günlelik ýüň pilotka.

Altynsow reňkli alynlykly (dabara üçin - nyşan bilen gurşalan) açyk ýaşyl (HHG-de - goýy gök, HDH-de - açyk gök) reňkli, dabara üçin we gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow reňkli alynlykly, sütükli goýun dersinden çal reňkli gulakjyn.

Iki hatar ilikli, çep tarapyna altynsow reňkli bir ülňüli 3 sany ilige ildirilýän, zeýtun (HHG-de - goýy gök) reňkli, gyşky ýüň palto.

Bir hatar ilikli, zeýtun (HHG-de - goýy gök) reňkli bir ülňüli 4 ilige ildirilýän, zeýtun (HHG-de - goýy gök) reňkli möwsümleýin ýüň plaş. Plaşyň guşagy üstünden matanyň reňkindäki toka ildirilýär.

Iki hatar ilikli, her birinde üç ilikden bir ülňüli ilikleriň iki hatary bolan, çep tarapyna üç ilige ildirilýän, gapdal jübüleri aňladýan gapakly, zeýtun (HHG-de - goýy gök) reňkli, dabara üçin we gündelik ýüň žaket.

Zeýtun (HHG-de - goýy gök) reňkli ýüň köýnek.

Syrmaly iki sany gapdal jübüli, zeýtun (HHG-de - goýy gök) reňkli, syrmaly, gündelik ýüň kurtka.

Zeýtun (HHG-de - goýy gök) reňkli, dabara üçin we gündelik ýüň ýubka.

Açyk ýaşyl (HHG-de we HDH-de - açyk gök) reňkli jähekli, zeýtun (HHG-de - goýy gök) reňkli, göni biçüwli (gonçly köwüş we ädik bilen geýmek üçin utgaşdyrylan) gündelik ýüň jalbar.

Ak ýa-da açyk zeýtun (HHG-de - açyk gök) reňkli köýneklik matadan dabara için we gündelik bluzka.

Uzyn ýeňli bluzka zeýtun (HHG-de - gara) reňkli galstuk. Galstuk bluzka ýokardan üçünji we dördünji ilijekleriň arasynda altynsow reňkli bir ülňüli sysgyç bilen berkidilýär.

Ak ýa-da zeýtun (HHG-de - goýy gök) reňkli kaşne.

Gara ýa-da goňur (kamuflýaž öwüşginli) reňkli ellik.

Altynsow (uruş döwründe we parahatçylykly döwürde serkerdeleriň görkezmesi boýunça bir ülňüli meýdan geýimi geýlen mahaly - goýy ýaşyl) reňkli alynlykly, kamuflýaž öwüşginli ýa-da çäge reňkli nah ýasy papak ýa-da panama.

Kamuflýaž öwüşginli ýa-da çäge reňkli, göni biçüwli nah kurtka we jalbar (ýubka).

Kamuflýaž öwüşginli ýa-da çäge reňkli, çal reňkli sütükli ýakaly kurtka we göni biçüwli ýyly nah jalbar.

Atynmak üçin gön kemerli, kamuflýaž öwüşginli ýa-da zeýtun reňkli, öl geçirmeýän matadan plaş-ýapynja (nah plaş-çadyr).

Içki eginbaşyň toplumynyň düzüminde kamuflýaž öwüşginli ýa-da zeýtun reňkli (HDH-de zolak-zolak) içki köýnek ýa-da futbolka.

Esbabyň toplumynyň düzüminde gara ýa-da ýaşyl reňkli bil kemeri.

Sarymtyl reňkli, uzyn gonçly jorap ýa-da jorap.

Gara reňkli hromly köwüş.

Gara reňkli hromly ädikçe.

Gara reňkli gonçly teletin köwüş.

IV. Çagyryş boýunça harby gullugy geçýän starşinalaryň, seržantlaryň we esgerleriň bir ülňüli harby geýiminiň teswiri

(DÝGG-dan we HDG-den beýlekiler)

Açyk ýaşyl (HHG-de - açyk gök) reňkli jähekli we etekli, altynsow reňkli nyşan bilen gurşalan alynlykly, iki sany altynsow reňkli bir ülňüli ilijege ildirilýän, gara reňkli laklanan kemerjikli, gara reňkli gaşly, zeýtun reňkli, dabara üçin ýüň papak.

Altynsow reňkli alynlykly (dabara üçin - nyşan bilen gurşalan) açyk ýaşyl (HHG-de - goýy gök, HDH-de - açyk gök) reňkli, dabara üçin-gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow (uruş döwründe we parahatçylykly döwürde serkerdeleriň görkezmesi boýunça meýdan geýimi geýlen mahaly - ýaşyl) reňkli alynlykly, kamuflýaž öwüşginli ýa-da çäge reňkli nah ýasy papak ýa-da panama.

Altynsow reňkli alynlykly, emeli sütükden çal reňkli gulakjyn.

Iki hatar ilikli, altynsow reňkli bir ülňüli 3 sany ilige ildirilýän, zeýtun reňkli, gyşky ýüň palto (şinel).

Bir hatar ilikli, bir ülňüli 4 ilige ildirilýän, bir ülňüli ilijekler bilen ildirilýän gapaklar bilen ýapylýan, döşünde iki sany oturtma jübüli, gapaklar bilen ýapylýan iki sany gapdal jübüli, zeýtun reňkli, dabara üçin ýüň kitel.

Jäheksiz, zeýtun reňkli göni biçüwli (gonçly köwüş we ädik bilen geýmek üçin utgaşdyrylan) dabara üçin ýüň jalbar.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli açyk zeýtun ýa-da ak reňkli köýneklik matadan, dabara üçin köýnek.

Uzyn ýeňli köýnege zeýtun reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli bir ülňüli sysgyç bilen berkidilýär.

Kamuflýaž öwüşginli ýa-da çäge reňkli nah kurtka we göni biçüwli jalbar.

Kamuflýaž öwüşginli ýa-da çäge reňkli iş üçin nah kurtka we göni biçüwli jalbar.

Kamuflýaž öwüşginli ýa-da çäge reňkli, çal reňkli sütükli ýakaly ýyly nah kurtka.

Kamuflýaž öwüşginli ýa-da çäge reňkli, ýyly nah jalbar.

Gara ýa-da goňur reňkli (kamuflýaž öwüşginli) ellik.

Içki eginbaşyň toplumynyň düzüminde kamuflýaž öwüşginli ýa-da zeýtun reňkli (HDH-de zolak-zolak) içki köýnek ýa-da maýka, futbolka.

Esbabyň toplumynyň düzüminde gara, ýaşyl ýa-da goňur reňkli bil kemeri, Türkmenistanyň Döwlet baýdagynyň parçalary - zeýtun şahalary görnüşdäki nyşan bilen gurşalan ýarymaý we bäş ýyldyz şekillendirilen toka ildirilýär.

Gara ýa-da zeýtun reňkli jorap.

Gara reňkli gonçly hromly köwüş.

Gara reňkli gonçly teletin köwüş ýa-da kirze ädik.

V. DÝGG-nyň harby gullukçylarynyň (serkerdeleriniň, starşinalarynyň, seržantlarynyň we esgerleriniň) bir ülňüli harby geýiminiň teswiri

Tomusky bir ülňüli geýim

Altynsow reňkli nyşan bilen gurşalan alynlykly, bir ülňüli altynsow reňkli iki sany ilijege ildirilýän sary reňkli örülen ýüpli, açyk çal reňkli ýeňil ýüň matadan ýasy papak.

Serpme ýakaly, gysga ýeňli, altynsow reňkli, döşünde bir ülňüli ilijeklere ildirilýän gapaklar bilen ýapylýan iki sany oturtma jübüli, jalbara (ýubka) salnyp geýilýän, açyk çal reňkli köýneklik matadan gündelik, tomusky köýnek (zenanlar üçin - bluzka).

Uzyn ýeňli, altynsow reňkli, döşünde bir ülňüli ilijeklere ildirilýän gapaklar bilen ýapylýan iki sany oturtma jübüli, jalbara (ýubka) salnyp geýilýän ak reňkli köýneklik matadan dabara üçin köýnek (bluzka).

Uzyn ýeňli, dabara üçin köýnege (bluzka) goýy ýaşyl reňkli galstuk. Galstuk köýnege (bluzka) ýokardan üçünji we dördünji ilijekleriň arasynda bir ülňüli altynsow reňkli gysgyç bilen berkidilýär.

Düzgünleşdiriji harby gullukçynyň gön goldaňysy çepki gerdenligiň aşagyna berkidilýär.

DÝGG-nyň harby gullukçysynyň şahsy nomerli belgisi-žetony, daşky geýimiň çep tarapyna berkidilýär.

Dabara üçin bir ülňüli geýim geýlen mahaly ak reňkli ellik.

Esbabyň toplumynyň düzüminde ak reňkli gön bil kemeri (düzgünleşdirijiniň ala taýagy, jürlewük, radiotelefon, düzgünleşdiriji üçin yşyk gaýtaryjy guşak).

Gara ýa-da ýaşyl reňkli bil kemeri.

Kemerde egne asylýan resmi namalar üçin gön torba.

Açyk ýaşyl reňkli jähekli, açyk çal reňkli ýeňil ýüň matadan jalbar (ýubka).

Gara reňkli jorap (sarymtyl reňkli uzyn gonçly jorap).

Gara reňkli ýarym gonçly hromly köwüş (zenan köwşi).

Ýazky-güýzki bir ülňüli geýim

Altynsow reňkli nyşan bilen gurşalan alynlykly, bir ülňüli altynsow reňkli iki sany ilijege ildirilýän sary reňkli örülen ýüpli, goýy ýaşyl reňkli ýüň ýasy papak.

Syrmaly, döşünde altynsow reňkli, bir ülňüli ilijeklere ildirilýän, gapaklar bilen ýapylýan iki sany oturtma jübüli goýy ýaşyl reňkli ýüň kurtka.

Uzyn ýeňli, goýy ýaşyl reňkli köýneklik matadan köýnek (bluzka).

Uzyn ýeňli, açyk goňur (dabara üçin geýim geýlende - ak) reňkli köýneklik matadan köýnek (bluzka).

Uzyn ýeňli, dabara üçin köýnege (bluzka) goýy ýaşyl reňkli galstuk. Galstuk köýnege (bluzka) ýokardan üçünji we dördünji ilijekleriň arasynda bir ülňüli altynsow reňkli gysgyç bilen berkidilýär.

Serkerdeler üçin goýy ýaşyl reňkli öl geçirmeýän matadan plaş.

Starşinalar, seržantlar we esgerler üçin goýy ýaşyl reňkli öl geçirmeýän matadan plaş-ýapynja.

Plaş-ýapynjany atynmak üçin gön kemer.

Düzgünleşdiriji harby gullukçynyň gön goldaňysy çepki gerdenligiň aşagyna berkidilýär.

DÝGG-nyň harby gullukçysynyň şahsy nomerli belgisi - žetony, daşky geýimiň çep tarapyna berkidilýär.

Dabara üçin bir ülňüli geýim geýlen mahaly ak reňkli ellik.

Esbabyň toplumynyň düzüminde ak reňkli gön bil kemeri (düzgünleşdirijiniň ala taýagy, jürlewük, radiotelefon, düzgünleşdiriji üçin yşyk gaýtaryjy guşak).

Gara ýa-da ýaşyl reňkli bil kemeri.

Kemerde egne asylýan resmi namalar üçin gön torba.

Açyk ýaşyl reňkli jähekli, goýy ýaşyl reňkli ýüň jalbar (ýubka).

Gara reňkli ýarym gonçly hromly köwüş (zenan köwşi).

Gyşky bir ülňüli geýim

Altynsow reňkli nyşan bilen gurşalan alynlykly, bir ülňüli altynsow reňkli iki sany ilijege ildirilýän sary reňkli örülen ýüpli, goýy ýaşyl reňkli ýasy papak ýa-da çal reňkli gulakjyn.

Çal reňkli sütükli ýakaly, goýy ýaşyl reňkli ýyly ýüň kurtka.

Gerdenlikli, goýun derisinden kelte içmek.

Syrmaly, döşünde altynsow reňkli bir ülňüli ilijeklere ildirilýän gapaklar bilen ýapylýan iki sany oturtma jübüli, goýy ýaşyl reňkli ýüň kurtka.

Uzyn ýeňli, açyk çal (dabara üçin bir ülňüli geýim geýlende - ak) reňkli köýneklik matadan köýnek (bluzka).

Uzyn ýeňli köýnege (bluzka) goýy ýaşyl reňkli galstuk.

Goýy ýaşyl (dabara üçin geýim geýlen mahaly -ak) reňkli kaşne.

Düzgünleşdiriji harby gullukçynyň gön goldaňysy çepki gerdenligiň aşagyna berkidilýär.

DÝGG-nyň gullukçysynyň şahsy nomerli belgisi - žetony, daşky geýimiň çep tarapyna berkidilýär.

Gara (dabara üçin geýim geýlen mahaly -ak) reňkli ellik.

Esbabyň toplumynyň düzüminde ak reňkli gön bil kemeri (düzgünleşdirijiniň ala taýagy, jürlewük, radiotelefon, düzgünleşdiriji üçin yşyk gaýtaryjy guşak).

Gara ýa-da ýaşyl reňkli bil kemeri.

Kemerde egne asylýan resmi namalar üçin gön torba.

Açyk ýaşyl reňkli jähekli goýy ýaşyl reňkli ýüň jalbar (ýubka).

Gara reňkli hromly ýa-da gonçly teletin köwüş (zenan ädijegi).

Rezin galoşly goşun keçe ädigi.

VI. HDG-niň serkerdeleriniň bir ülňüli harby geýiminiň teswiri

Ýokary derejeli serkerdeleriň gara reňkli etekli, altynsow reňkli alynlykly we keşdeli, altynsow reňkli ýakoryň şekili bolan bir ülňüli iki sany ilijege ildirilýän altynsow reňkli örme ýüpli, gara reňkli gaşly ak reňkli, tomusky, dabara üçin-gündelik papagy. Papagyň ýokarky gurşawynda altynsow reňkli bäş kelleli bürgüdiň şekili ýerleşýär (tikilýär). Bäş kelleli bürgüdiň ýokarky gyrasyndan papagyň ýokarky jähegine çenli aralyk -5 mm. Papagyň ýokarky gurşawynda bäş kelleli bürgüdiň şekiliniň beýikligi -50 mm, ini - 45 mm. Papagyň gaşynda altynsow reňkli zeýtun şahalary görnüşinde nagyş ýerleşýär.

Ýokary derejeli serkerdeleriň ak reňkli jähekli, gara reňkli etekli, altynsow reňkli alynlykly we keşdeli, altynsow reňkli ýakoryň şekili bolan bir ülňüli iki sany ilijege ildirilýän altynsow reňkli örme ýüpli, gara reňkli gaşly, gara reňkli, dabara üçin - gündelik ýüň papagy. Papagyň ýokarky gurşawynda altynsow reňkli bäş kelleli bürgüdiň şekili ýerleşýär (tikilýär). Bäş kelleli bürgüdiň ýokarky gyrasyndan papagyň ýokarky jähegine çenli aralyk - 5 mm. Papagyň ýokarky gurşawynda bäş kelleli bürgüdiň şekiliniň beýikligi - 50 mm, ini - 45 mm. Papagyň gaşynda altynsow reňkli zeýtun şahalary görnüşinde nagyş ýerleşýär.

Uly we kiçi serkerdeleriň gara reňkli etekli, altynsow reňkli nyşan bilen gurşalan alynlykly, sary reňkli örülen ýüpli, ak reňkli, dabara üçin-gündelik tomusky papagy. Gämi düzüminiň uly serkerdeleriniň papagynyň gaşynda altynsow reňkli zeýtun şahalary görnüşde nagyş ýerleşýär.

Uly we kiçi serkerdeleriň ak reňkli jähekli, gara reňkli etekli, altynsow reňkli nyşan bilen gurşalan alynlykly, altynsow reňkli ýakoryň şekili bolan bir ülňüli iki sany ilijege ildirilýän altynsow reňkli örülen ýüpli, gara reňkli gaşly, gara reňkli, dabara üçin ýüň papagy. Gämi düzüminde uly serkerdeleriň papagynyň gaşynda altynsow reňkli zeýtun şahalarynyň görnüşinde nagyş ýerleşýär.

Uly we kiçi serkerdeleriň ak reňkli jähekli, gara reňkli etekli, altynsow reňkli alynlykly, altynsow reňkli ýakoryň şekili bolan bir ülňüli iki sany ilijege ildirilýän altynsow reňkli örülen ýüpli, gara reňkli gaşly, gara reňkli, gündelik ýüň papagy. Gämi düzüminde uly serkerdeleriň papagynyň gaşynda altynsow reňkli zeýtun şahalarynyň görnüşinde nagyş ýerleşýär.

Uly we kiçi serkerdeleriň ak reňkli jähekli, altynsow reňkli alynlykly, gara reňkli, gündelik ýüň pilotkasy.

Altynsow reňkli alynlykly, sary reňkli örülen ýüpli ýeňil ýüň matadan ak reňkli, tomusky ýasy papak.

Ýokary derejeli serkerdeleriň gara reňkli gaşly, altynsow reňkli nyşan bilen gurşalan alynlykly, gara reňkli garaköli baganadan telpegi. Telpegiň ýokarsyna gara reňkli gön tutulýar.

Uly we kiçi serkerdeleriň altynsow reňkli alynlykly, gara reňkli sütükli goýun derisinden gulakjyny. Gulakjynyň ýokarsyna gara reňkli gön tutulýar.

Iki hatar ilikli, altynsow reňkli ýakoryň şekili bolan bir ülňüli 3 ilige ildirilýän, gara reňkli, gyşky ýüň palto.

Gara reňkli, möwsümleýin gök kurtka.

Görünmeýän iliklere ildirilýän gara reňkli möwsümleýin ýüň kurtka. Kurtkanyň guşagy gara reňkli toka ildirilýär.

Bir hatar ilikli, gara reňkli ýakoryň şekili bolan bir ülňüli 4 sany ilige ildirilýän, gara reňkli, möwsümleýin ýüň plaş. Plaşyň guşagy gara reňkli toka ildirilýär.

Ýokary derejeli serkerdeleriň iki hatar ilikli, altynsow reňkli ýakoryň şekili bolan bir ülňüli 4 ilige ildirilýän, döşüniň çep tarapy bir içki jübili, gapaklar bilen ýapylýan iki sany gapdal jübüli, ak reňkli, tomusky ýüň tužurkasy.

Ýokary derejeli serkerdeleriň ýakasynda altynsow reňkli zeýtun şahalary we altynsow reňkli ýakor görnüşde şekil tikilen, iki hatar ilikli, altynsow reňkli ýakoryň şekili bolan bir ülňüli 4 ilige ildirilýän, döşüniň çep tarapy bir içki jübüli, gapaklar bilen ýapylýan iki sany gapdal jübüli, gara reňkli, dabara üçin ýüň tužurkasy.

Ýokary derejeli serkerdeleriň iki hatar ilikli, altynsow reňkli ýakoryň şekili bolan bir ülňüli 4 ilige ildirilýän, döşüniň çep tarapy bir içki jübüli, gapaklar bilen ýapylýan iki sany gapdal jübüli, gara reňkli, gündelik ýüň tužurkasy.

Uly we kiçi serkerdeleriň iki hatar ilikli, altynsow reňkli ýakoryň şekili bolan bir ülňüli 3 ilige ildirilýän, döşüniň çep tarapy bir içki jübüli, gapaklar bilen ýapylýan iki sany gapdal jübüli, ak reňkli tomusky ýüň tužurkasy.

Uly we kiçi serkerdeleriň ýakasynda altynsow reňkli nagyş we ýakor bolan, iki hatar ilikli, altynsow reňkli ýakoryň şekili bolan bir ülňüli 3 ilige ildirilýän, döşüniň çep tarapy bir içki jübüli, gapaklar bilen ýapylýan iki sany gapdal jübüli, gara reňkli, dabara üçin ýüň tužurkasy. Nagyş ýakanyň gyrasyndan 3 mm aralykda ýerleşýär. Ýakor nagşyň içki burçundan 10 mm aralykda ýerleşýär.

Uly we kiçi serkerdeleriň iki hatar ilikli, altynsow reňkli ýakoryň şekili bolan bir ülňüli 3 ilige ildirilýän, döşüniň çep tarapy bir içki jübüli, gapaklar bilen ýapylýan iki sany gapdal jübüli, gara reňkli, gündelik ýüň tužurkasy.

Döşünde gapak bilen ýapylýan iki sany oturtma jübüli, altynsow reňkli ýakoryň şekili bolan bir ülňüli ilijeklere ildirilýän, syrmaly iki sany gapdal jübüli, syrmaly gara reňkli gündelik ýüň kurtka.

Jäheksiz, ak reňkli, dabara üçin ýüň jalbar.

Jäheksiz, gara reňkli, dabara üçin - gündelik ýüň jalbar.

Jäheksiz, ýeňil ýüň matadan açyk sary reňkli tomusky ýüň jalbar.

Serpme (ýazdyrylýan) ýakaly, gysga ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk sary reňkli köýneklik matadan tomusky köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, ak reňkli köýneklik matadan dabara üçin köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk sary reňkli köýneklik matadan gündelik köýnek.

Uzyn ýeňli köýnege gara reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli bir ülňüli gysgyç bilen berkidilýär.

Altynsow reňkli alynlykly, gök reňkli nah ýasy papak.

Gök reňkli nah kurtka we jalbar.

Gara reňkli sütükli ýakaly, gara reňkli ýyly nah kurtka.

Atynmak üçin gön kemerli, gara reňkli öl geçirmeýän matadan plaş-ýapynja.

Ak we gara reňkli kaşne.

Gara (nyzam bilen dabara üçin geýim geýlen mahaly - ak) reňkli ellik.

Içki geýimiň tolumynyň düzüminde deňizçiniň zolak-zolak köýnekçesi.

Gara reňkli gön bil kemeri.

Gara reňkli aýakgap geýlende - gara reňkli; ak reňkli aýakgap geýlende -ak reňkli jorap.

Gara reňkli hromly ýarym gonçly köwüş.

Ak reňkli hromly tomusky ýarym gonçly köwüş.

Gara reňkli hromli (ýyly) gonçly köwüş.

VII. Harby-deňiz okuw mekdepleriniň talyplarynyň, HDG-niň

borçnama boýunça harby gullugy geçýän starşinalarynyň

we deňizçileriniň bir ülňüli harby geýiminiň teswiri

Gara reňkli etekli, altynsow reňkli nyşan bilen gurşalan alynlykly, altynsow reňkli ýakoryň şekili bolan bir ülňüli iki sany ilijege ildirilýän laklanan gara reňkli kemerjikli, gara reňkli gaşly, ak reňkli, tomusky ýüň papak.

Ak reňkli jähekli, gara reňkli etekli, altynsow reňkli nyşan bilen gurşalan alynlykly, altynsow reňkli ýakoryň şekili bolan bir ülňüli iki sany ilijege ildirilýän laklanan gara reňkli kemerjikli, gara reňkli gaşly, gara reňkli dabara üçin ýüň papak.

Ak reňkli jähekli, gara reňkli etekli, altynsow reňkli nyşan bilen gurşalan alynlykly, altynsow reňkli ýakoryň şekili bolan bir ülňüli iki sany ilijege ildirilýän laklanan gara reňkli kemerjikli, gara reňkli gaşly, gara reňkli gündelik ýüň papak.

Ak reňkli jähekli, altynsow reňkli alynlykly, gara reňkli, gündelik ýüň pilotka.

Altynsow reňkli alynlykly, gara reňkli sütükli goýun derisinden gulakjyn. Gulakjynyň ýokarsyna gara reňkli gön tutulýar.

Iki hatar ilikli, altynsow reňkli ýakoryň şekili bolan bir ülňüli 3 ilige ildirilýän gara reňkli gyşky ýüň palto.

Ýakasy altynsow reňkli ýakorly, iki hatar ilikli, altynsow reňkli ýakoryň şekili bolan bir ülňüli 3 ilige ildirilýän, döşüniň çep tarapynda bir içki jübüli, gapaklar bilen ýapylýan iki sany gapdal jübüli, dabara üçin gara reňkli ýüň tužurka. Ýakor ýakanyň gyrasyndan 10 mm aralykda ýerleşýär.

Bir ülňüli ýakaly, ak reňkli, dabara üçin bir ülňüli nah lybas.

Döşünde gapak bilen ýapylýan, altynsow reňkli ýakoryň şekili bolan bir ülňüli ilijeklere ildirilýän iki sany oturtma jübüli, syrmaly iki sany gapdal jübüli, syrmaly, gara reňkli, gündelik ýüň kurtka.

Gara reňkli, dabara üçin - gündelik ýüň jalbar.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk sary ýa-da ak reňkli köýneklik matadan dabara üçin köýnek.

Uzyn ýeňli köýnege gara reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli bir ülňüli gysgyç bilen berkidilýär.

Altynsow reňkli alynlykly, gök reňkli nah ýasy papak.

Gök reňkli nah kurtka we jalbar.

Gara reňkli sütükli ýakaly, gara reňkli, ýyly nah kurtka.

Atynmak üçin gön kemerli, gara reňkli, öl geçirmeýän matadan plaş-ýapynja.

Gara reňkli kaşne.

Gara reňkli ellik.

Içki geýimiň tolumynyň düzüminde zolak-zolak köýnekçe.

Gara reňkli gön bil kemeri.

Gara reňkli jorap.

Gara reňkli hromly, ýarym gonçly köwüş.

Gara reňkli hromly, gonçly köwüş.

VIII. HDG-niň zenan harby gullukçylarynyň bir ülňüli

harby geýiminiň teswiri

Altynsow reňkli alynlykly, ak reňkli, tomusky ýüň pilotka.

Ak reňkli jähekli, altynsow reňkli (dabara üçin - nyşan bilen gurşalan) alynlykly, gara reňkli ýüň pilotka.

Altynsow reňkli (dabara üçin - nyşan bilen gurşalan) alynlykly, gara reňkli, dabara üçin we gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow reňkli alynlykly, gara reňkli sütükli goýun derisinden gulakjyn. Gulakjynyň ýokarsyna gara reňkli gön tutulýar.

Iki hatar ilikli, altynsow reňkli bir ülňüli 3 sany ilige ildirilýän, gara reňkli, gyşky ýüň palto.

Bir hatar ilikli, gara reňkli, çep tarapyna bir ülňüli 4 sany ilige ildirilýän, gara reňkli möwsümleýin ýüň plaş. Plaşyň guşagy gara reňkli toka ildirilýär.

Iki hatar ilikli, her hatarynda 3 sany ilikli bir ülňüli ilikleriň iki hatary bolan, çep tarapyna üç ilige ildirilýän, gapdal jübini aňladýan gapakly, ak reňkli tomusky ýüň žaket.

Iki hatar ilikli, her hatarynda 3 sany ilikli bir ülňüli ilikleriň iki hatary bolan, çep tarapyna üç ilige ildirilýän, gapdal jübini aňladýan gapakly, gara reňkli ýüň žaket.

Gara reňkli ýüň köýnek.

Syrmaly iki sany gapdal jübüli, syrmaly, gara reňkli, gündelik ýüň kurtka.

Ak reňkli tomusky ýüň ýubka.

Gara reňkli ýüň ýubka.

Ak reňkli köýneklik matadan dabara üçin bluzka, çep tarapyna ildirilýär.

Açyk sary reňkli köýneklik matadan gündelik bluzka, çep tarapyna ildirilýär.

Uzyn ýeňli bluzka gara reňkli galstuk. Galstuk bluzka ýokardan üçünji we dördünji ilijekleriň arasynda altynsow reňkli bir ülňüli gysgyç bilen berkidilýär.

Ak we gara reňkli kaşne.

Gara reňkli ellik.

Altynsow reňkli alynlykly gök reňkli nah ýasy papak.

Gök reňkli, tomusky nah kurtka we jalbar (ýubka).

Gara reňkli sütükli ýakaly, gara reňkli ýyly nah kurtka.

Dakynmak üçin gön kemerli, gara reňkli öl geçirmeýän matadan plaş-ýapynja.

Içki geýimiň toplumynyň düzüminde deňizçiniň zolak-zolak köýnekçesi.

Gara reňkli gön bil kemeri.

Sarymtyl reňkli uzyn gonçly jorap ýa-da jorap.

Gara reňkli hromly köwüş.

Gara reňkli hromly ädijek.

IX. HDG-niň çagyryş boýunça harby gullugy geçýän harby

gullukçylarynyň bir ülňüli harby geýiminiň teswiri

«Türkmenistanyň harby deňiz güýçleri» diýen flot ýazgyly lentaly, ak reňkli, tomusky gaşsyz ýüň papak.

«Türkmenistanyň harby deňiz güýçleri» diýen flot ýazgyly lentaly, ak reňkli jähekli, gara reňkli gaşsyz ýüň papak.

Altynsow reňkli alynlykly, gara reňkli sütükli goýun derisinden gulakjyn. Gulakjynyň ýokarsyna gara reňkli gön tutulýar.

Altynsow reňkli ýakoryň şekili bolan bir ülňüli 3 sany ilige ildirilýän, gara reňkli, gyşky ýüň palto (şinel).

Gara reňkli sütükli ýakaly ýyly kurtka.

Altynsow reňkli ýakoryň şekili bolan bir ülňüli 4 ilige ildirilýän, iki hatar ilikli, gara reňkli buşlat (gämilerde).

Bir ülňüli ýakaly, goýy gök reňkli ýüň flanelewka.

Gara reňkli ýüň jalbar.

Bir ülňüli ýakaly, ak reňkli bir ülňüli nah lybas.

Ak reňkli, tomusky köwüş bilen geýilýän nah jalbar.

Altynsow reňkli alynlykly, goýy gök reňkli nah ýasy papak.

Goýy gök reňkli nah kurtka we jalbar.

Içki geýimiň tolumynyň düzüminde deňizçiniň zolak-zolak köýnekçesi.

Esbabyň toplumynyň düzüminde gara reňkli gön bil kemeri, altynsow reňkli zeýtun şahalary görnüşdäki nyşan bilen daşy gurşalan ýakoryň şekilindäki toka ildirilýär.

Gara reňkli ellik.

Gara reňkli jorap.

Gara reňkli hromly gonçly köwüş.

Gara reňkli teletin gonçly köwüş.

X. Deňiz pyýada goşunlarynyň serkerdeleriniň bir ülňüli

harby geýiminiň teswiri

Açyk ýaşyl reňkli jähekli we etekli, altynsow reňkli nyşan bilen gurşalan alynlykly, altynsow reňkli bir ülňüli iki sany ilijege ildirilýän sary reňkli örülen ýüpli, gara reňkli gaşly, dabara üçin gara reňkli ýüň papak.

Açyk ýaşyl reňkli jähekli we etekli, altynsow reňkli nyşan bilen gurşalan alynlykly, altynsow reňkli bir ülňüli iki sany ilijege ildirilýän sary reňkli örülen ýüpli, gara reňkli gaşly, gündelik gara reňkli ýüň papak.

Altynsow reňkli alynlykly, gara reňkli, gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow reňkli alynlykly, altynsow reňkli bir ülňüli iki sany ilijege ildirilýän sary reňkli örülen ýüpli, ýeňil matadan açyk sary reňkli, tomusky ýasy papak.

Altynsow reňkli alynlykly, gara reňkli sütükli goýun derisinden gulakjyn. Gulakjynyň ýokarsyna gara reňkli gön tutulýar.

Iki hatar ilikli, gara reňkli, altynsow reňkli bir ülňüli 4 sany ilige ildirilýän ýüň buşlat.

Görünmeýin iliklere ildirilýän, möwsümleýin gara reňkli ýüň kurtka. Kurtkanyň guşagy gara reňkli toka ildirilýär.

Bir hatar ilikli, gara reňkli bir ülňüli 4 sany ilige ildirilýän, gara reňkli, möwsümleýin ýüň plaş. Plaşyň guşagy gara reňkli toka ildirilýär.

Bir hatar ilikli, bir ülňüli 4 ilige ildirilýän, döşünde gapak bilen ýapylýan, bir ülňüli ilijeklere ildirilýän iki sany oturtma jübüli, gapak bilen ýapylýan iki sany gapdal jübüli, gara reňkli dabara üçin we gündelik kitel.

Döşünde gapak bilen ýapylýan, bir ülňüli ilijeklere ildirilýän iki sany oturtma jübüli, gapak bilen ýapylýan iki sany gapdal jübüli, gara reňkli, syrmaly, gündelik ýüň kurtka.

Açyk ýaşyl reňkli jähekli, köwüş bilen geýilýän dabara üçin we gündelik gara reňkli ýüň jalbar.

Açyk ýaşyl reňkli jähekli, gara reňkli, göni biçüwli (gonçly köwüş we ädik bilen geýmäge utgaşdyrylan) gündelik ýüň jalbar.

Açyk ýaşyl reňkli jähekli, açyk sary reňkli ýeňil ýüň matadan, köwüş bilen geýilýän tomusky jalbar.

Serpme (ýazdyrylýan) ýakaly, gysga ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk sary reňkli köýneklik matadan tomusky köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, ak reňkli köýneklik matadan dabara üçin köýnek.

Uzyn ýeňli, döşünde gapak bilen ýapylýan, plastmassa ilijekler bilen ildirilýän iki sany oturtma jübüli, açyk sary reňkli köýneklik matadan gündelik köýnek.

Uzyn ýeňli köýnege gara reňkli galstuk. Galstuk köýnege ýokardan üçünji we dördünji ilijekleriň arasynda altynsow reňkli bir ülňüli gysgyç bilen berkidilýär.

Içki geýimiň toplumynyň düzüminde solak-zolak köýnekçe. Ak we gara reňkli kaşne.

Gara (nyzam bilen dabara üçin geýim geýlen mahaly - ak) reňkli ellik.

Altynsow (uruş döwründe we parahatçylykly döwürde serkerdeleriň görkezmesi boýunça meýdan lybasy geýlen mahaly - goýy ýaşyl) reňkli alynlykly, kamuflýaž öwüşgünli nah ýasy papak ýa-da panama.

Kamuflýaž öwüşginli, göni biçüwli nah kurtka we jalbar.

Kamuflýaž öwüşginli, gara reňkli sütükli ýakaly kurtka we göni biçüwli ýyly nah jalbar.

Dakynmak üçin gön kemerli, kamuflýaž öwüşgünli ýa-da gara reňkli, öl geçirmeýän matadan plaş-ýapynja.

Esbabyň toplumynyň düzüminde gara reňkli gön bil kemeri.

Gara reňkli jorap.

Gara reňkli hromly ýarym gonçly köwüş.

Gara reňkli hromli (ýyly) gonçly köwüş.

Belent bersli gara reňkli teletin gonçly köwüş ýa-da gysga gonçly teletin ädik.

XI. Deňiz pyýada goşunlarynyň borçnama boýunça harby gullugy geçýän harby gullukçylarynyň bir ülňüli harby geýiminiň teswiri

Altynsow reňkli (dabara üçin - nyşan bilen gurşalan) alynlykly, gara reňkli, dabara üçin we gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow (uruş döwründe we parahatçylykly döwürde serkerdeleriň görkezmesi boýunça meýdan lybasy geýlen mahaly - goýy ýaşyl) reňkli alynlykly, kamuflýaž öwüşginli nah ýasy papak ýa-da panama.

Altynsow reňkli alynlykly, gara reňkli sütükli goýun derisinden gulakjyn. Gulakjynyň ýokarsyna gara reňkli gön tutulýar.

Iki hatar ilikli, altynsow reňkli bir ülňüli 5 sany ilige ildirilýän gara reňkli ýüň buşlat.

Bir hatar ilikli, altynsow reňkli bir ülňüli 4 ilige ildirilýän, döşünde gapak bilen ýapylýan, bir ülňüli ilijeklere ildirilýän iki sany oturtma jübüli, gapak bilen ýapylýan iki sany gapdal jübüli, gara reňkli, dabara üçin ýüň kitel.

Döşünde gapak bilen ýapylýan, altynsow reňkli bir ülňüli ilijeklere ildirilýän iki sany oturtma jübüli, gapak bilen ýapylýan iki sany gapdal jübüli, syrmaly, gara reňkli, gündelik ýüň kurtka.

Açyk ýaşyl reňkli jähekli, göni biçüwli (gonçly köwüş we ädik bilen geýmäge utgaşdyrylan), gara reňkli, dabara üçin we gündelik ýüň jalbar.

Kamuflýaž öwüşginli, göni biçüwli nah kurtka we jalbar.

Kamuflýaž öwüşginli, gara reňkli sütükli ýakaly kurtka we göni biçüwli ýyly nah jalbar.

Dakynmak üçin gön kemerli, kamuflýaž öwüşginli ýa-da gara reňkli, öl geçirmeýän matadan plaş-ýapynja (nah plaş-çadyr).

Gara reňkli kaşne.

Gara reňkli ellik.

Içki geýimiň toplumynyň düzüminde zolak-zolak köýnekçe.

Esbabyň toplumynyň düzüminde gara reňkli bil kemeri.

Gara reňkli jorap.

Gara reňkli hromly ýarym gonçly köwüş.

Gara reňkli hromly gonçly köwüş.

Gara reňkli, belent bersli, teletin gonçly köwüş ýa-da gysgaldylan gonçly ädik.

XII. Deňiz pyýada goşunlarynyň harby gullugy geçýän harby gullukçylarynyň bir ülňüli harby geýiminiň teswiri

Altynsow reňkli (dabara üçin - nyşan bilen gurşalan) alynlykly, gara reňkli, dabara üçin - gündelik ýüň beret. Beretiň çep tarapynda Türkmenistanyň Döwlet baýdagynyň şekili bolan baýdajyk bar.

Altynsow (uruş döwründe we parahatçylykly döwürde serkerdeleriň görkezmesi boýunça meýdan lybasy geýlen mahaly - goýy ýaşyl) reňkli alynlykly, kamuflýaž öwüşginli nah ýasy papak ýa-da panama.

Altynsow reňkli alynlykly, gara reňkli emeli sütükli gulakjyn. Gulakjynyň ýokarsyna gara reňkli ýüň mata tutulýar.

Iki hatar ilikli, gara reňkli, altynsow reňkli bir ülňüli 5 sany ilige ildirilýän ýüň buşlat.

Bir hatar ilikli, bir ülňüli 4 ilige ildirilýän, döşünde gapak bilen ýapylýan, bir ülňüli ilijeklere ildirilýän iki sany oturtma jübüli, gapak bilen ýapylýan iki sany gapdal jübüli, gara reňkli, dabara üçin ýüň kitel.

Jäheksiz, göni biçüwli (gonçly köwüş we ädik bilen geýmäge utgaşdyrylan), gara reňkli, dabara üçin ýüň jalbar.

Kamuflýaž öwüşginli, göni biçüwli nah kurtka we jalbar.

Kamuflýaž öwüşginli, iş üçin göni biçüwli nah kurtka we jalbar.

Kamuflýaž öwüşginli, gara reňkli sütükli ýakaly ýyly nah kurtka.

Kamuflýaž öwüşginli ýyly nah jalbar.

Gara reňkli ellik.

Geýimiň toplumynyň düzüminde zolak-zolak köýnekçe.

Esbabyň toplumynyň düzüminde gara reňkli bil kemeri, Türkmenistanyň Döwlet baýdagynyň parçalarynyň - zeýtun şahalary görnüşinde nyşan bilen gurşalan bäş ýyldyzly ýarymaýyň şekili bolan toka ildirilýär.

Gara reňkli jorap.

Gara reňkli, belent bersli, teletin gonçly köwüş ýa-da gysgaldylan gonçly ädik.

Türkmenistanyň Prezidentiniň

2004-nji ýylyň 19-njy aprelinde

çykaran № PP-4046 Permany bilen

tassyklanyldy

Türkmenistanyň Ýaragly Güýçleriniň harby gullukçylarynyň harby atlar boýunça tapawutlandyryş belgileriniň

TESWIRI

Gerdenlikler, HDG-de bolsa mundan başga-da, ýeňe dakylýan belgiler we gerdenlijikler Türkmenistanyň Ýaragly Güýçleriniň harby atlar boýunça tapawutlandyryş belgileri bolup durýar.

Gerdenlikleriň ýüzünde Türkmenistanyň Döwlet tugrasynyň şekili, bäş burç ýyldyzlar (zeýtun şahalarynyň görnüşinde nyşan bilen gurşalan) we ýyldyzjyklar, zolaklar, galunlar, ilijekler we nyşanlar ýerleşdirilýär.

Türkmenistanyň Döwlet tugrasynyň şekiliniň, ýyldyzlaryň we ýyldyzjyklaryň möçberleri teswirlenilen tegelegiň diametri bilen kesgitlenilýär. Gerdenlikleriň möçberi: uzynlygy - 140-180 mm, ini - 50 mm.

Çagyryş boýunça, HDG-de we Türkmenistanyň Döwlet serhet gullugynyň deňiz bölümlerinde harby gullugy geçýän harby gullukçylar, şeýle hem harby-deňiz okuw mekdepleriniň talyplary flanelewkede, bir ülňüli geýimde we tomusky kurtkada gerdenlijikleri dakynýarlar. Gerdenlijikleriň möçberi: uzynlygy - 60 mm, ini - 50 mm.

I. Ýokary derejeli serkerdeleriň gerdenlikleri (HDG-den beýlekiler)

Ýokarky bölegi ilijekli, ýokarky gyrasy trapesiýa görnüşli, altynsow reňkli ýa-da geýimiň matasynyň reňkindäki ýörite örülen galundan düşegi bolan, açyk ýaşyl (HHG-de - açyk gök) reňkli jähekli ýa-da jäheksiz gönüburçly gerdenlikler.

Türkmenistanyň Marşalynyň gerdenliklerine zeýtun şahalary görnüşindäki nyşanlar bilen gurşalan ýaşyl reňkli jähekli, altynsow reňkli ýyldyz tikilýär, ýyldyzyň ýokarsynda bolsa Türkmenistanyň Döwlet tugrasynyň 47 mm diametrli, reňkli şekili bar.

Goşun generalynyň gerdenliklerine ýaşyl reňkli jähekli, altynsow reňkli ýyldyz tikilýär, ýyldyzyň ýokarsynda bolsa Türkmenistanyň Döwlet tugrasynyň 47 mm diametrli, reňkli şekili bar.

General-polkownigiň, general-leýtenantyň we general-maýoryň gerdenliklerine altynsow reňkli ýyldyz tikilýär ýa-da goýy ýaşyl reňkli metal ýyldyzlar ýerleşdirilýär. Ýyldyzlar gerdenlikleriň ugurdaş ok ugrunda: general-polkownik üçin üç ýyldyz, general-leýtenant üçin iki ýyldyz, general-maýor üçin bir ýyldyz ýerleşýär.

Altynsow reňkli gerdenliklerde açyk ýaşyl (HHG-de - açyk gök) reňkli jäheklenen ýyldyzlar ýerleşýär.

Gerdenliklerdäki ýyldyzlaryň diametri: Türkmenistanyň Marşalynyň altynsow reňkli tikilen ýyldyzy 40 mm, goşun generalyňky 35 mm, beýleki ýokary derejeli serkerdeleriňki 22 mm; general-polkownigiň, general-leýtenantyň, general-maýoryň goýy ýaşyl reňkli metal ýyldyzlarynyňky 20 mm.

Gerdenligiň aşaky gyrasyndan Türkmenistanyň Marşalynyň we goşun generalynyň birinji ýyldyzynyň merkezine çenli aralyk 30 mm, general-polkownigiňki we general-leýtenantyňky 25 mm, general-maýoryňky 50 mm. General-polkownigiň we general-leýtenantyň gerdenliginiň ugrunda ýyldyzlaryň merkeziniň arasyndaky aralyk 25 mm.

II. Uly we kiçi serkerdeleriň gerdenlikleri (HDG-den beýlekiler)

Gönüburçly, ýokarky bölegi ilijekli gerdenlikleriň iki görnüşi bar:

ýokarky gyrasy trapesiýa görnüşli, altynsow reňkli ýa-da lybasyň matasynyň reňkinde ýörite örülen galundan düşekli gerdenlikler. Uly serkerdeleriň gerdenlikleri jäheksiz iki zolakly, kiçi serkerdeleriňkide bir zolakly. Gerdenliklerdäki zolaklar açyk ýaşyl (HHG-de we howa-desant harby bölümlerinde*(*Howa-desant harby bölümleri mundan beýlak HDH diýlip atlandyrylýar) - açyk gök) reňkli.

ýokarky gyrasy üçburç, geýime degişli zatlaryň matasyndan, zolaksyz we jäheksiz gerdenlikler.

Galundan düşekli gerdenliklerde altynsow reňkli, geýime degişli zatlaryň matasyndan ýasalan gerdenliklerde bolsa altynsow we goýy ýaşyl reňkli ýyldyzlar (ýyldyzjyklar) ýerleşýär. Ýyldyzlar we ýyldyzjyklar gerdenliklerde şeýle ýerleşýär:

polkownikde, kapitanda we uly leýtenantda - iki aşaky ýyldyzlar (ýyldyzjyklar) gerdenligiň ugurdaş ok ugrunyň iki tarapynda we üçünjisi (kapitanyň gerdenliklerinde üçünjisi we dördünjisi) gerdenligiň ugurdaş ok ugrunda ilkinji ikisinden ýokarda;

podpolkownikde we leýtenantda - iki ýyldyz (ýyldyzjyk) gerdenligiň ugurdaş ok ugrunyň iki tarapynda;

maýorda we kiçi leýtenantda - bir ýyldyz (ýyldyzjyk) gerdenligiň ugurdaş ok ugrunda.

Uly serkerdeleriň gerdenliklerinde ýyldyzyň diametri 20 mm, kiçi serkerdeleriň gerdenliklerinde ýyldyzjyklaryňky 13 mm.

Gerdenligiň aşaky gyrasyndan birinji ýyldyzyň (ýyldyzjygyň) merkezine çenli aralyk:

polkownigiňki, podpolkownigiňki, kapitanyňky, uly leýtenantyňky we leýtenantyňky 25 mm;

maýoryňky we kiçi leýtenantyňky 50 mm.

Polkownigiň, kapitanyň, uly leýtenantyň gerdenliginiň ugruna ýyldyzlaryň (ýyldyzjyklaryň) merkeziniň arasyndaky aralyk 25 mm.

III. Starşinalaryň, seržantlaryň we esgerleriň gerdenlikleri (HDG-den beýlekiler)

Gönüburçly, ýokarky bölegi ilijekli gerdenlikler iki görnüşde bolýar:

ýokarky gyrasy trapesiýa görnüşli, zeýtun (HHG-de - goýy gök, HDH-de - açyk gök) reňkli ýörite örmeli, jäheksiz gerdenlikler;

ýokarky gyrasy üçburç, geýime degişli zatlaryň matasyndan, jäheksiz gerdenlikler.

Çagyryş boýunça harby gullugy geçýän harby gullukçylaryň gerdenliklerinde sary reňkli «TG» harplary bar, harplaryň beýikligi 20 mm, gerdenlikleriň aşaky gyrasyndan harplara çenli aralyk 15 mm.

Starşinalaryň we seržantlaryň galundan düşekli gerdenliklerinde harby atlar boýunça sary reňkli galunlar, geýimiň zatlaryna degişli matadan ýasalan gerdenliklerde bolsa - sary we goýy ýaşyl reňkli galunlar ýerleşýär. Harby atlar boýunça galunlar gerdenlikleriň ugurdaş ok ugrunda ýerleşýär.

Starşinalaryň we uly seržantlaryň gerdenliklerinde galunlaryň ini 30 mm, seržantlaryňkyda we kiçi seržantlaryňkyda 10 mm.

Starşinalaryň gerdenliklerinde gerdenlikleriň ugruna bir inli; uly seržantlaryňkyda - gerdenikleriň keseligine bir inli; seržantlaryňkyda -üç sany insiz, kiçi seržantlaryňkyda- iki sany insiz galun bar.

Gerdenligiň aşaky gyrasyndan birinji galuna çenli aralyk 40 mm.

IV. Harby okuw mekdepleriniň talyplarynyň gerdenlikleri (HDG-den beýlekiler)

Gönüburçly, ýokarky bölegi ilijekli, ýokarky gyrasy trapesiýa görnüşli, zeýtun (HHG-de - goýy gök) reňkli ýörite örmeli, jäheksiz, sary reňkli gapdal zolakly gerdenlikler. Gerdenliklerde gapdal zolagyň ini 10 mm.

Gerdenliklerde sary reňkli «NT» harplar bar, harplaryň beýikligi 20 mm, gerdenlikleriň aşaky gyrasyndan harplara çenli aralyk 15 mm.

Starşinalaryň we seržantlaryň galundan düşekli gerdenliklerinde harby atlar boýunça sary reňkli galunlar ýerleşýär. Harby atlar boýunça galunlar gerdenlikleriň ugurdaş ok ugrunda ýerleşýär.

Gerdenligiň aşaky gyrasyndan birinji galuna çenli aralyk 40 mm.

V. HDG-niň ýokary derejedäki serkerdeleriniň gerdenlikleri

Gönüburçly, ýokarky bölegi ilijekli, ýokarky gyrasy trapesiýa görnüşli, altynsow reňkli ýa-da geýimiň matasynyň reňkindäki ýörite örülen galundan düşekli, açyk ýaşyl reňkli jähekli ýa-da jäheksiz gerdenlikler.

Flotuň admiralynyň gerdenliklerinde ýaşyl reňkli jähekli, ýyldyzyň ortasynda altynsow reňkli ýakorly altynsow reňkli ýyldyz tikilýär, ýyldyzdan ýokarda bolsa Türkmenistanyň Döwlet tugrasynyň 47 mm diametri bolan reňkli şekili bar.

Admiralyň, wise-admiralyň we kontr-admiralyň gerdenliklerine altynsow reňkli ýyldyz tikilýär.

Ýyldyzlar gerdenlikleriň ugurdaş ok ugrunda ýerleşýär: admiralyňky - üç ýyldyz, wise-admiralyňky - iki ýyldyz, kontr-admiralyňky - bir ýyldyz.

Gerdenliklerde ýyldyzlaryň diametri: flotuň admiralynyňky 35 mm; admiralyňky, wise-admiralyňky we kontr-admiralyňky 22 mm.

Gerdenligiň aşaky gyrasyndan flotuň admiralynyň birinji ýyldyzynyň merkezine çenli aralyk 30 mm, admiralyňky we wise-admiralyňky 25 mm, kontr-admiralyňky 50 mm. Admiralyň we wise-admiralyň gerdenliginiň ugrunda ýyldyzlaryň merkeziniň arasyndaky aralyk 25 mm.

VI. HDG-niň uly we kiçi serkerdeleriniň gerdenlikleri

Gönüburçly, ýokarky bölegi ilijekli gerdenlikleriň iki görnüşi bar:

ýokarky gyrasy trapesiýa görnüşli, altynsow reňkli ýa-da lybasyň matasynyň reňkindäki ýörite örülen galundan düşekli gerdenlikler. Uly serkerdeleriň gerdenliklerinde iki zolak, kiçi serkerdeleriňkide bir zolak bar. Gämi düzüminiň serkerdeleriniň gerdenliklerinde zolaklar - sary ýa-da gara reňkli, galan serkerdeleriňki - ýaşyl reňkli. Gämi düzüminiň serkerdeleriniň gerdenliklerindäki jähekler gara reňkli, galan serkerdeleriňki - jäheksiz;

ýokarky gyrasy üçburç, geýime degişli zatlaryň matasyndan ýasalan, zolaksyz we jäheksiz gerdenlikler.

Gerdenliklerde altynsow reňkli ýyldyzlar (ýyldyzjyklar) ýerleşýär. Ýyldyzlar (ýyldyzjyklar) gerdenliklerde şeýle ýerleşýär:

1-nji derejeli kapitanda, kapitan-leýtenantda, uly leýtenantda - iki aşaky ýyldyzlar (ýyldyzjyklar) gerdenligiň ugurdaş ok ugrunyň iki tarapynda we üçünjisi (kapitan-leýtenantyň gerdenliklerinde üçünjisi we dördünjisi) gerdenligiň ugurdaş ok ugrunda ilkinji ikisinden ýokarda;

2-nji derejeli kapitanda, leýtenantda - iki ýyldyz (ýyldyzjyk) gerdenligiň ugurdaş ok ugrunyň iki tarapynda;

3-nji derejeli kapitanda we kiçi leýtenantda - bir ýyldyz (ýyldyzjyk) gerdenligiň ugurdaş ok ugrunda.

Uly serkerdeleriň gerdenliklerinde ýyldyzyň diametri 20 mm, serkerdeleriň gerdenliklerinde ýyldyzjyklaryňky 13 mm.

Gerdenligiň aşaky gyrasyndan birinji ýyldyzyň (ýyldyzjygyň) merkezine çenli aralyk: 1-nji derejeli kapitanyňky, 2-nji derejeli kapitanyňky, kapitan-leýtenantyňky, uly leýtenantyňky we leýtenantyňky 25 mm; 3-nji dereli kapitanyňky we kiçi leýtenantyňky 50 mm.

1-nji derejeli kapitanyň, kapitan-leýtenantyň, uly leýtenantyň gerdenliginiň ugruna ýyldyzlaryň (ýyldyzjyklaryň) merkeziniň arasyndaky aralyk 25 mm.

VII. HDG-niň starşinalarynyň we deňizçileriniň gerdenlikleri

Gönüburçly, ýokarky bölegi ilijekli gerdenlikler iki görnüşde bolýar:

ýokarky gyrasy trapesiýa görnüşli, geýimiň matasynyň reňkindäki ýörite örülen galundan düşekli jäheksiz gerdenlikler;

ýokarky gyrasy üçburç, geýime degişli zatlaryň matasyndan, jäheksiz gerdenlikler.

Çagyryş boýunça harby gullugy geçýän harby gullukçylaryň gerdenliklerinde sary reňkli «DG» harplary bar, harplaryň beýikligi 20 mm, gerdenlikleriň aşaky gyrasyndan harplara çenli aralyk 15 mm.

Gönüburçly, geýimiň zatlaryna degişli matadan ýasalan, jäheksiz gerdenlijikler. Starşinalaryň harby atlar boýunça sary reňkli galunlary gerdenligiň we gerdenlijigiň ugurdaş ok ugrunda ýerleşýär.

Baş gämi starşinasynyň we baş starşinanyň gerdenliklerinde galunlaryň ini 30 mm, 1-nji derejeli starşinanyňky we 2-nji derejeli starşinanyňky 10 mm.

Baş gämi starşinasynyň gerdenliklerinde - gerdenlikleriň ugruna bir inli; baş starşinanyňkyda - gerdenikleriň keseligine bir inli; 1-nji derejeli starşinanyňkyda - üç sany insiz, 2-nji derejeli starşinanyňkyda- iki sany insiz galun bar.

Gerdenligiň aşaky gyrasyndan birinji galuna çenli aralyk 40 mm, gerdenlijigiň aşaky gyrasyndan birinji galuna çenli aralyk 13 mm.

VIII. Harby-deňiz okuw mekdepleriniň talyplarynyň gerdenlikleri we gerdenlijikleri

Gönüburçly, ýokarky bölegi ilijekli, geýimiň matasynyň reňkinde ýörite örülen galunly, jäheksiz gerdenlikler.

Altynsow reňkli ýakorly gerdenlikler. Starşinalaryň gerdenliklerinde harby atlar boýunça sary reňkli galunlar ýerleşýär.

Gönüburçly, geýimiň zatlaryna degişli matadan ýasalan, jäheksiz gerdenlijikler. Altynsow reňkli ýakorly gerdenlijikler. Starşinalaryň gerdenlijiklerinde harby atlar boýunça sary reňkli galunlar ýerleşýär.

Harby atlar boýunça galunlar gerdenlikleriň we gerdenlijikleriň gapdal ok ugrunda ýerleşýär.

Ýakoryň beýikligi 34 mm, gerdenligiň (gerdenlijigiň) aşaky gyrasyndan ýakora çenli aralyk 10 mm.

IX. Harby gullukçylaryň Türkmenistanyň Ýaragly Güýçlerine

degişliligi boýunça ýeňe dakylýan belgisi

Harby gullukçylaryň Türkmenistanyň Ýaragly Güýçlerine degişliligi boýunça ýeňe dakylýan belgisi açyk ýaşyl reňkli düşekde sary reňkli galkanyň sudury görnüşindedir, onda Türkmenistanyň Döwlet baýdagynyň, Türkmenistanyň Döwlet tugrasynyň şekili ýokarky böleginde «TÜRKMENISTAN», aşaky böleginde «ÝARAGLY GÜÝÇLERI» diýen ak reňkli ýazgylar bar. Ýeňe dakylýan belgi çep ýeňiň daş tarapynda ýeňiň ýokarky nokadyndan belgä çenli 100 mm aralykda, ýeňi jübüli tomusky nah we ýyly kurtkalarda bolsa çep ýeňindäki jübiniň ortasynda ýerleşýär.

X. Harby gullukçylaryň Türkmenistanyň Ýaragly Güýçleriniň görnüşlerine degişliligi boýunça ýeňe dakylýan belgileri

Harby gullukçylaryň Türkmenistanyň Ýaragly Güýçleriniň görnüşlerine (Guryýer goşunlaryna, Harby-howa Güýçlerine, Howa hüjüminden goranyş goşunlaryna, Harby-deňiz Güýçlerine, Raýat goranyşyna, Döwlet ýol gözegçiligi gullugyna, ýangyna garşy göreş gullugyna, gorag gullugyna we harby wekilçiliklere) ýa-da anyk harby birikmelere (harby okuw mekdeplerine, birleşmelere we harby bölümlere) degişliligi boýunça ýeňe dakylýan belgiler sag ýeňiň daş tarapynda ýeňiň ýokarky nokadyndan belgä çenli 100 mm aralykda, ýeňi jübüli tomusky nah we ýyly kurtkalarda bolsa sag ýeňindäki jübiniň ortasynda ýerleşýär.

XI. Gämi düzümindäki serkerdeleriň ýeňe dakylýan belgileri

Ýeňe dakylýan belgiler altynsow reňkli (giň, orta giňlikde we insiz) gapdal galunlar görnüşindedir. Galunlar şeýle ýerleşýär: flotuň admiraly üçin - bir giň we ondan ýokarda dört sany orta giňlikdäki; admiral üçin-bir giň we ondan ýokarda üç sany orta giňlikdäki; wise-admiral üçin - bir giň we ondan ýokarda iki sany orta giňlikdäki; kontr-admiral üçin - bir giň we ondan ýokarda bir orta giňlikdäki; 1-nji derejeli kapitan üçin - bir giň; 2-nji derejeli kapitan üçin- dört sany orta giňlikdäki; 3-nji derejeli kapitan üçin - üç sany orta giňlikdäki; kapitan-leýtenant üçin - iki sany orta giňlikdäki we ondan ýokarda bir insiz; uly leýtenant üçin - iki sany orta giňlikdäki; leýtenant üçin - bir orta giňlikdäki we ondan ýokarda bir insiz; kiçi leýtenant üçin - bir orta giňlikdäki.

Galunlaryň ýokarsynda ortada tikilen altynsow reňkli ýyldyz ýerleşýär. Ýokary derejedäki serkerdeleriň ýeňlerindäki ýyldyzlaryň diametri 50 mm, uly we kiçi serkerdeleriňki 30 mm. Galunyň ýokarky gyrasyndan ýyldyzyň merkezine çenli aralyk 30 mm.

Galunlaryň uzynlygy 100 mm, ini: insiziniňki 6 mm, orta giňlikdäkisiniňki 13 mm we giňiniňki 30 mm. Galunlaryň aralygy 5 mm.

Tužurkanyň ýeňine dakylýan belgiler iki ýeňiň daş tarapynda olaryň aşaky gyralaryna ugurdaş ýeňiň aşagyndan galunyň aşaky gyrasyna çenli 100 mm aralykda tikilýär. Ýeňe dakylýan belgilerden aşakda altynsow reňkli iki sany ilijek ýerleşýär.

Türkmenistanyň Prezidentiniň

2004-nji ýylyň 19-njy aprelinde

çykaran № PP-4046 Permany bilen

tassyklanyldy

Harby gullugy Türkmenistanyň Ýaragly Güýçlerinde geçmeýän harby gullukçylaryň bir ülňüli harby geýiminiň we harby atlar boýunça

tapawutlandyryş belgileriniň

TESWIRI

I. Türkmenistanyň Milli howpsuzlyk ministrliginiň edaralarynyň

we goşunlarynyň harby gullukçylarynyň bir ülňüli harby geýimi we harby atlar boýunça tapawutlandyryş belgileri

Türkmenistanyň Milli howpsuzlyk ministrliginiň edaralarynyň we goşunlarynyň harby gullukçylary Türkmenistanyň Ýaragly Güýçleriniň harby gullukçylary üçin bellenilen bir ülňüli harby geýimi geýýärler we harby atlar boýunça tapawutlandyryş belgilerini dakynýarlar. Türkmenistanyň Milli howpsuzlyk ministrliginiň edaralarynyň we goşunlarynyň nyşany bilen ýeňe dakylýan belgi daşky bir ülňüli geýimiň çep ýeňinde ýerleşýär.

II. Türkmenistanyň Döwlet serhet gullugynyň harby gullukçylarynyň bir ülňüli harby geýimi we harby atlar boýunça tapawutlandyryş belgileri

Ýokary derejeli serkerdeler Türkmenistanyň Ýaragly Güýçleriniň ýokary derejeli serkerdeleri üçin bellenilen bir ülňüli harby geýimi geýýärler we harby atlar boýunça tapawutlandyryş belgilerini dakynýarlar.

Borçnama boýunça we çagyryş boýunça harby gullugy geçýän uly we kiçi serkerdeler, starşinalar, seržantlar we esgerler (awiasion we deňiz bölümlerinden başga), harby okuw mekdepleriniň talyplary gyzyl reňkli jähekli, goýy gök reňkli etegi bolan açyk ýaşyl reňkli ýüň papagy geýýärler.

Awiasion bölümleriň borçnama boýunça harby gullugy geçýän uly we kiçi serkerdeleri, starşinalary, seržantlary we esgerleri gyzyl reňkli jähekli, goýy gök reňkli etegi bolan, açyk ýaşyl reňkli ýüň papagy geýýärler, papagyň ýokarky gurşawynda altynsow reňkli uçuş nyşany ýerleşýär.

Awiasion bölümiň çagyryş boýunça harby gullugy geçýän harby gullukçylary gyzyl reňkli jähekli, goýy gök reňkli etegi bolan, açyk ýaşyl reňkli ýüň papagy geýýärler.

Deňiz bölümleriniň borçnama boýunça harby gullugy geçýän uly we kiçi serkerdeleri, starşinalary we deňizçileri açyk ýaşyl reňkli jähekli, gara reňkli etegi bolan, tomusky ak reňkli papagy we gara reňkli ýüň papagy geýýärler.

Deňiz bölümleriniň çagyryş boýunça harby gullugy geçýän harby gullukçylary açyk ýaşyl reňkli jähekli, «Türkmenistanyň Döwlet serhet gullugy» diýen ýazgy bolan flot lentaly, ak reňkli tomusky gaşsyz papagy we gara reňkli ýüň gaşsyz papagy geýýärler.

Ýokary derejeli serkerdeleriň daşky geýimine degişli zatlarda Türkmenistanyň Ýaragly Güýçleriniň ýokary derejeli serkerdeleri üçin bellenilen gerdenlikler, tikilýän belgiler we petlisalar ýerleşýär.

Deňiz bölümlerinden başga, uly we kiçi serkerdeleriň gerdenlikleri galundan düşekli, açyk ýaşyl reňkli jähekli ýasalýar.

Deňiz bölümleriniň uly we kiçi serkerdeleriniň gerdenlikleri galundan düşekli, açyk ýaşyl reňkli jähekli ýasalýar.

Starşinalaryň, seržantlaryň, esgerleriň we deňizçileriň gerdenlikleri galundan düşekli, açyk ýaşyl reňkli jähekli ýasalýar.

Harby-deňiz okuw mekdeplerinden başga harby okuw mekdepleriniň talyplarynyň gerdenlikleri açyk ýaşyl reňkli galundan düşekli, sary reňkli gapdal zolakly ýasalýar.

Harby-deňiz okuw mekdepleriniň talyplarynyň gerdenlikleri we gerdenlijikleri geýimiň matasynyň reňkindäki galundan düşekli, altynsow reňkli ýakorly, açyk ýaşyl reňkli jähekli ýasalýar.

Türkmenistanyň Döwlet serhet gullugynyň nyşany bolan ýeňe berkidilýän belgi bir ülňüli daşky geýimiň çep ýeňinde ýeňiň ýokarky nokadyndan belgä çenli 100 mm aralykda, ýeňlerine jübüler tikilen tomusky nah we ýyly kurtkalarda bolsa - çep ýeňiň jübüsiniň ortasynda ýerleşýär.