Türkmenistanyň Ýaşulularynyň Maslahatyny çagyrmak hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Ýaşulularynyň Maslahatyny çagyrmak hakynda

010.190.150

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2011-nji ýyl, № 8, 1471-nji madda)

Ýaşululara uly sarpa goýmak, olaryň abraý-mertebesini belende götermek ýaly ata-babalarymyzdan miras galan mukaddes däp-dessurlarymyza eýerip, türkmen halkynyň şöhratly taryhynda, milli mirasynda we şu günki bagtyýar durmuşymyzda ösüp gelýän ýaş nesillerimizi asyllylyk, halallyk, watansöýüjilik, zähmetsöýerlik we ahlaklylyk ruhunda terbiýelemekde ýaşuly nesliň aýratyn mynasyp ornuna buýsanmak bilen, ýurdumyzyň syýasy-jemgyýetçilik durmuşynda taryhy ähmiýetli sene bolan Türkmenistanyň mukaddes Garaşsyzlygynyň 20 ýyllyk şanly baýramynyň giňden bellenip geçilýän döwründe, şeýle hem geljekki döwre meýilleşdirilýän beýik hem-de tutumly işlere ýaşululary işjeň çekmek, halkymyzyň agzybirligini pugtalandyrmakda, il-ýurt bahbitli meseleleri pähim-parasatly ýaşulular bilen maslahatlaşyp çözmekde olaryň örän baý tejribesini, asylly ýörelgelerini netijeli peýdalanmak maksady bilen, karar edýärin:

1. Türkmenistanyň Ýaşulularynyň Maslahatyny 2011-nji ýylyň 25-nji oktýabrynda Aşgabat şäherinde çagyrmaly.

2. Türkmenistanyň Ýaşulularynyň Maslahatynyň gün tertibine döwlet durmuşynyň ilkinji nobatdaky meselelerini ara alyp maslahatlaşmak üçin hödürlemeli.

3. Türkmenistanyň Ýaşulularynyň Maslahatyny guramaçylykly geçirmek we gelýän teklipleri, ýüztutmalary kabul etmek, toplamak hem-de seljermek boýunça Döwlet toparyny döretmeli we onuň düzümini tassyklamaly (goşulýar).

4. Şu Permanyň ýerine ýetirilişine Türkmenistanyň Mejlisiniň Başlygy, Türkmenistanyň Ministrler Kabinetiniň Başlygynyň Orunbasarlary, Türkmenistanyň Prezidentiniň Diwanynyň Iş Dolandyryjysy, Türkmenistanyň Ýaşulularynyň Maslahatynyň Başlygynyň orunbasary hem-de welaýatlaryň we Aşgabat şäheriniň häkimleri gözegçilik etmeli.

Türkmenistanyň Prezidenti

Gurbanguly Berdimuhamedow

Aşgabat ş.,

2011 ý. awgust aýynyň 26-y.

№ PP-5844

Türkmenistanyň Prezidentiniň

2011-nji ýylyň 26-njy awgustynda

çykaran PP-5844-nji Permany bilen

tassyklandy

Türkmenistanyň Ýaşulularynyň Maslahatyny guramaçylykly geçirmek

we gelýän teklipleri, yüztutmalary kabul etmek, toplamak hem-de seljermek boýunça Döwlet toparynyň

DÜZÜMI

Toparyň Başlygy

Türkmenistanyň Prezidenti Gurbanguly Berdimuhamedow

Toparyň Başlygynyň orunbasary

Türkmenistanyň Ýaşulularynyň Maslahatynyň Başlygynyň orunbasary - M.Garryýew

Toparyň agzalary

Türkmenistanyň Mejlisiniň Başlygy

Türkmenistanyň Ministrler Kabinetiniň Başlygynyň Orunbasarlary, Türkmenistanyň Prezidentiniň Diwanynyň Iş Dolandyryjysy, Türkmenistanyň Prezidentiniň komekçisi

Türkmenistanyň Milli howpsuzlyk ministri

Türkmenistanyň Adalat ministri

Türkmenistanyň Ýokary kazyýetiniň başlygy

Türkmenistanyň Baş prokurory

Türkmenistanyň Içeri işler ministri

Türkmenistanyň Goranmak ministri

Türkmenistanyň Prezidentiniň ýanyndaky Döwlet we hukuk institutynyň direktory

Türkmenistanyň Prezidentiniň ýanyndaky Demokratiýa we adam hukuklary baradaky Türkmen milli institutynyň direktory

Türkmenistanyň Demokratik partiýasynyň Syýasy Geňeşiniň birinji sekretary

Türkmenistanyň Kärdeşler arkalaşyklarynyň Milli merkeziniň başlygy

Türkmenistanyň Zenanlar birleşiginiň Merkezi Geňeşiniň başlygy

Türkmenistanyň Uruş weteranlary guramasynyň Merkezi Geňeşiniň başlygy

Türkmenistanyň Magtymguly adyndaky Ýaşlar guramasynyň Merkezi Geňeşiniň başlygy

Welaýatlaryň we Aşgabat şäheriniň häkimleri