Türkmenistanyň Garaşsyzlygynyň 21 ýyllyk baýramy mynasybetli hormatly atlary dakmak hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Garaşsyzlygynyň 21 ýyllyk baýramy mynasybetli

hormatly atlary dakmak hakynda

010.200.050

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2012 ý., № 10, 2186-njy madda)

Berkarar döwletimiziň bagtyýarlyk döwründe dünýä derejesindäki ösüşlere beslenen eziz Watanymyzda il-ýurt bähbitli tutumly işler amala aşyrylýar. Halkymyzyň ýaşaýyş-durmuş derejesini has-da ýokarlandyrmakda, ykdysadyýetimiziň ähli pudaklaryny sazlaşykly ösdürmekde belent sepgitlere ýetilýär. Milli medeniýetimizi, sungatymyzy, edebiýatymyzy has-da kämilleşdirmekde, döwrebap eserler bilen baýlaşdyrmakda täze döredijilik üstünlikleri gazanylýar. Eziz Diýarymyzda ýetilen belent sepgitler, durmuşa geçirilýän ägirt uly özgertmeler agzybir halkymyzy beýik işlere ruhlandyrýar.

Garaşsyz, hemişelik Bitarap döwletimiziň dünýä bileleşigindäki abraý-mertebesiniň, häzirki buýsançly döwürde merdana halkymyzyň baý medeni, ruhy gymmatlyklarynyň, gadymy ýol-ýörelgeleriniň, milli medeniýetiniň, sungatynyň, edebiýatynyň ajaýyp öwüşginleriniň many-mazmunyny il içinde wagyz etmekde döredijilik işgärleri uly işleri amala aşyrýarlar.

Ýurdumyzyň teatr, aýdym-saz, kino hem-de şekillendiriş sungatynyň, türkmen edebiýatynyň, medeniýetiniň, teleradioýaýlymlaryň, žurnalistikanyň, neşirýat işiniň we beýleki sungat hem-de medeni aň-bilim ulgamlarynyň has-da kämilleşdirilmegine, ýaş nesli döredijilik we watançylyk ruhunda terbiýeläp, döwrebap eserleri döretmäge goşan uly goşantlary üçin we ýokary ýerine ýetirijilik hem-de çeperçilik ussatlygy bilen döwletimiziň, halkymyzyň öňünde bitiren aýratyn hyzmatlaryny, joşgunly zehinini, uzak ýyllaryň dowamynda çeken halal, döredijilikli zähmetini nazara alyp, şeýle hem hemişelik Bitarap Türkmenistanyň mukaddes Garaşsyzlygynyň 21 ýyllyk baýramy mynasybetli, karar edýärin:

Ýurdumyzyň şu raýatlaryna Türkmenistanyň hormatly atlaryny dakmaly:

«Türkmenistanyň halk artisti» diýen hormatly ady:

Türkmenistanyň Beýik Saparmyrat Türkmenbaşy adyndaky baş drama teatrynyň sahna ussady Dursun Ahmedowa,

Türkmenistanyň Magtymguly adyndaky milli sazly drama teatrynyň aýdymçy-artisti Mährigül Annageldiýewa,

Türkmenistanyň Magtymguly adyndaky milli sazly drama teatrynyň aýdymçy-artisti Halbeýke Dowyýewa,

Türkmen milli konserwatoriýasynyň ýanyndaky ýörite sazçylyk mekdep-internatynyň ýokary derejeli dutar mugallymy Amanöwez Saparowa,

Türkmen milli konserwatoriýasynyň ýanyndaky ýörite sazçylyk mekdep-internatynyň direktory Berdinyýaz Atabaýewiç Babanyýazowa,

Beýik Saparmyrat Türkmenbaşynyň Milli medeniýet merkeziniň Mukamlar köşgüniň «Owaz» orkestriniň ýokary derejeli sazandasy Kerim Gurbannazarowiç Ylýasowa,

Aşgabat şäheriniň häkimliginiň «Aşgabat» döredijilik toparynyň ýokary derejeli artisti Parahat Artykowiç Amandurdyýewe,

«Türkmennebit» döwlet konserniniň «Ýöritenebitgurnamagurluşyk» trestiniň Saparmyrat Türkmenbaşy adyndaky nebitçiler medeniýet köşgüniň wokal müdiri Altyngül Ataýewna Goşaýewa,

Türkmenbaşydaky nebiti gaýtadan işleýän zawodlar toplumynyň medeniýet bölüminiň müdiri, «Dagdan» halk döredijilik toparynyň ýolbaşçysy Amanbibi Amangeldiýewna Mämmedowa;

«Türkmenistanyň at gazanan medeniýet işgäri» diýen hormatly ady:

Türkmenistanyň Beýik Saparmyrat Türkmenbaşy adyndaky baş drama teatrynyň tikinçilik bölüminiň başlygy Gurbangül Çegeliýewna Ataýewa,

Türkmen döwlet ulag we aragatnaşyk institutynyň Elektrik aragatnaşygy kafedrasynyň uly laboranty, institutyň çeper höwesjeňleriniň ýolbaşçysy Ýuriý Awanesowiç Balýana,

Türkmen döwlet medeniýet institutynyň Medeni miras fakultetiniň Halk döredijiligi kafedrasynyň uly mugallymy Orazgeldi Garabatyrowiç Gabyşýewe,

Türkmen döwlet medeniýet institutynyň Teatr sungaty fakultetiniň Kino we teleradio sungatlary kafedrasynyň uly mugallymy Muhammednepes Karakişä,

Türkmenistanyň Alp Arslan adyndaky milli ýaşlar teatrynyň Grim bölüminiň başlygy Fatima Mihaýlowna Gizatulina,

Ahal welaýatynyň Ruhabat etrabyndaky A.Gowşudow adyndaky 1-nji orta mekdebiň türkmen dili we edebiýaty mugallymy Baýmyrat Soltanowa,

Balkan welaýat medeniýet müdirliginiň baş hünärmeni Tahyrmämmet Garaýewe,

Daşoguz welaýatynyň Saparmyrat Türkmenbaşy etrabynyň Bugdaýly geňeşligindäki oba medeniýet öýüniň medeni çäreleriň guramaçysy Bahargül Tuwakowna Galpakowa,

Lebap welaýatynyň Türkmenabat şäher medeniýet merkeziniň tans goýujysy Hasan Muhamedowiç Mamedowa,

Mary welaýatynyň Tagtabazar etrap medeniýet bölüminiň müdiri Gurbangul Babaýewa,

Mary welaýatynyň Ýolöten etrabyndaky çagalar sungat mekdebiniň direktory Allamyrat Allakowiç Bäşimowa;

«Türkmenistanyň at gazanan artisti» diýen hormatly ady:

Türkmenistanyň Magtymguly adyndaky milli sazly drama teatrynyň ýokary derejeli drama artisti Ýagmyr Gurbannazarowa,

Türkmenistanyň Beýik Saparmyrat Türkmenbaşy adyndaky baş drama teatrynyň artisti Aşyrmammet Ýemşikowa,

Türkmenistanyň Nebitgaz toplumynyň Medeni-işewürlik merkeziniň «Galkynyş» folklor toparynyň ýokary derejeli sazandasy Rüstem Baýramowa,

Beýik Saparmyrat Türkmenbaşynyň Milli medeniýet merkeziniň Mukamlar köşgüniň 1-nji derejeli artisti-wokalisti Şatlyk Halmuhammedowiç Nuryýewe,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Türkmen owazy» teleradioýaýlymynyň Sazly edebi-drama bölüminiň müdiri Gurban Agaýewiç Muhammetgulyýewe,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Türkmen owazy» teleradioýaýlymynyň Halk aýdym-sazly toparynyň ýokary derejeli artisti, ansamblyň ýolbaşçysy Altymyrat Pürmämmedowa,

Balkan welaýat medeniýet merkeziniň aýdymçysy Amangül Aşyrowna Gurbanowa,

Daşoguzyň Nurmuhammet Andalyp adyndaky döwlet sazly drama teatrynyň 1-nji derejeli drama artisti Dursynjemal Aşyrbaýewna Gazakowa,

Daşoguzyň Nurmuhammet Andalyp adyndaky döwlet sazly drama teatrynyň 1-nji derejeli drama artisti Annageldi Babajanowiç Orazgeldiýewe,

Mary welaýatynyň Kemine adyndaky döwlet drama teatrynyň ýokary derejeli artisti Nurbike Bäşimowna Mollaýewa;

«Türkmenistanyň at gazanan bagşysy» diýen hormatly ady:

Türkmen milli konserwatoriýasynyň Bagşyçylyk sungaty kafedrasynyň mugallymy Kerwen Gurbannazarowiç Ýowbasarowa;

«Türkmenistanyň sungatda at gazanan işgäri» diýen hormatly ady:

Türkmenistanyň Magtymguly adyndaky milli sazly drama teatrynyň režissýory Aýnazar Žumabaýewiç Batyrowa,

Türkmen milli konserwatoriýasynyň ýanyndaky ýörite sazçylyk mekdep-internatynyň Üflenip we kakylyp çalynýan saz gurallary bölüminiň ýokary derejeli mugallymy Kakageldi Abdyýewe,

Türkmen milli konserwatoriýasynyň ýanyndaky ýörite sazçylyk mekdep-internatynyň Fortepiano bölüminiň mugallymy Abbas Iskanderowiç Nadžafowa,

Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebiniň mugallymy Azat Hudaýberdiýewiç Annaýewe,

Türkmenistanyň Döwlet çeperçilik akademiýasynyň ýanyndaky Türkmen döwlet ýörite çeperçilik mekdebiniň mugallymy Kakageldi Gurbangeldiýewe,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymynyň Režissýorlar, hudožnikler toparynyň hudožnik dizaýneri Atajan Amanowiç Aşyrowa,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymynyň Terjime (kinofilm) bölüminiň terjimeçisi Akmyrat Baýlyýewe,

Türkmenistanyň Suratkeşler birleşiginiň agzasy, erkin dörediji, zergär Öwezmuhamet Esenowiç Söýünowa,

«Guneş» žurnalynyň bölüm müdiri Döwletgeldi Jumagylyjowiç Akyýewe,

Daşoguzyň Magtymguly Garlyýew adyndaky ýörite sungat mekdebiniň mugallymy, heýkeltaraş Murad Gurdowiç Muradowa;

«Türkmenistanyň at gazanan žurnalisti» diýen hormatly ady:

«Garagum» žurnalynyň bölüm redaktory Orazguly Annaýewe,

Balkan welaýatynyň «Balkan» gazetiniň bölüm redaktory Amanmyrat Maýewe.

Türkmenistanyň Prezidenti

Gurbanguly Berdimuhamedow

Aşgabat şäheri.

2012-nji ýylyň 9-njy oktýabry.

№ PP-6187