Türkmenistanyň Oba we suw hojalyk ministrligini döretmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Oba we suw hojalyk ministrligini

döretmek hakynda

010.150.010

090.120.010

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2016-njy ýyl, №1, 3873-nji madda)

Berkarar döwletimiziň bagtyýarlyk döwründe ýurdumyzyň oba hojalygyny düýpli özgertmek we oba hojalygyny toplumlaýyn dolandyrmak arkaly onuň işiniň netijeliligini has-da ýokarlandyrmak maksady bilen, karar edýärin:

1. Türkmenistanyň Oba hojalyk ministrligini, Türkmenistanyň Suw hojalyk ministrligini, «Türkmengallaönümleri» döwlet birleşigini, «Türkmenobahyzmat» döwlet birleşigini, Döwlet maldarçylyk birleşigini hem-de «Türkmenpagta» döwlet konsernini we onuň garamagyndaky «Ak altyn» pagta söwda kärhanasyny goşup, olaryň binýadynda Türkmenistanyň Oba we suw hojalyk ministrligini döretmeli.

2. Türkmenistanyň Oba we suw hojalyk ministrligini Türkmenistanyň Oba hojalyk ministrliginiň, Türkmenistanyň Suw hojalyk ministrliginiň, «Türkmengallaönümleri» döwlet birleşiginiň, «Türkmenobahyzmat» döwlet birleşiginiň, Döwlet maldarçylyk birleşiginiň hem-de «Türkmenpagta» döwlet konserniniň we onuň garamagyndaky «Ak altyn» pagta söwda kärhanasynyň hukuk oruntutary diýip kesgitlemeli.

3. Şu Permanyň ýerine ýetirilişine Türkmenistanyň Ministrler Kabinetiniň Başlygynyň Orunbasarlary E.Orazgeldiýew, B.Hojamämmedow, Türkmenistanyň Oba we suw hojalyk ministri hem-de Türkmenistanyň Ýokary gözegçilik edarasynyň başlygy gözegçilik etmeli.

Türkmenistanyň Prezidenti

Gurbanguly Berdimuhamedow

Aşgabat şäheri

2016-njy ýylyň 8-nji ýanwary

№ PP-6877