Medeniýet we sungat işgärleriniň güni mynasybetli Türkmenistanyň hormatly atlaryny dakmak hakynda

TÜRKMENISTANYŇ PREZIDENTINIŇ

P E R M A N Y

Medeniýet we sungat işgärleriniň güni mynasybetli Türkmenistanyň hormatly atlaryny dakmak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2013-nji ýyl, № 6, 2618-nji madda)

Berkarar döwletimiziň bagtyýarlyk döwründe medeniýet we sungat işgärleri ýurdumyzda gazanylýan ägirt uly üstünlikleri medeniýetiň we sungatyň üsti bilen ýokary derejede çeper wasp etmäge, amala aşyrylýan özgertmeleriň many-mazmunyny giňden açyp görkezmäge, Garaşsyz, hemişelik Bitarap Türkmenistanyň gülläp ösmegine özleriniň yhlasly we tutanýerli zähmeti bilen uly goşant goşýarlar. Medeniýet we sungat işgärleriniň ak ýürekden çekýän döredijilikli zähmetinden dörän ajaýyp eserler beýik Garaşsyzlygymyzy, Berkarar döwletimiziň bagtyýarlyk döwrüni has-da dabaralandyrýar. Bu eserler eziz Watanymyzyň ýeten belent sepgitlerini, halkymyzyň gazanýan ajaýyp üstünliklerini dünýä ýaýýar.

Ýurdumyzyň teatr, aýdym-saz, kino hem-de şekillendiriş sungatyny, türkmen milli medeniýetini, žurnalistikasyny ösdürmäge, teleradioýaýlymlaryň, medeni aň-bilim edaralarynyň we neşirýat işini kämilleşdirmäge, döredijilik işgärlerini taýýarlamaga we terbiýelemäge goşan uly goşantlary üçin hem-de ýokary ýerine ýetirijilik we çeperçilik ussatlygy bilen döwletimiziň we halkymyzyň öňünde bitiren aýratyn hyzmatlaryny, joşgunly zehinini, ýokary hünär derejesini, uzak ýyllaryň dowamynda çeken halal, döredijilikli zähmetini nazara alyp, şeýle hem Medeniýet we sungat işgärleriniň güni mynasybetli, karar edýärin:

Ýurdumyzyň şu raýatlaryna Türkmenistanyň hormatly atlaryny dakmaly:

«Türkmenistanyň halk artisti» diýen hormatly ady:

Türkmenistanyň Beýik Saparmyrat Türkmenbaşy adyndaky baş drama teatrynyň artisti Akça Jumadurdyýewa,

Balkan welaýatynyň Serdar şäheriniň medeniýet bölüminiň medeniýet merkeziniň Estrada toparynyň artisti Toýguly Jepbarowa,

Lebap welaýat ýörite sungat mekdebiniň direktory Bäşim Ganjiýewiç Berdiýewe;

«Türkmenistanyň at gazanan medeniýet işgäri» diýen hormatly ady:

Türkmen döwlet neşirýat gullugynyň Metbugat merkeziniň başlygy Amangeldi Amanowa,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymynyň Tolkuna goýberiş bölüminiň gepleşikleri ýaýlyma goýberijisi Dürli Annagulyýewna Geldiýewa,

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymynyň Tolkuna goýberiş bölüminiň gepleşikleri ýaýlyma goýberijisi Aýsoltan Hojalyýewna Begenjowa;

«Türkmenistanyň at gazanan artisti» diýen hormatly ady:

Türkmenistanyň Döwlet medeniýet merkeziniň Mukamlar köşgüniň Konsert bölüminiň konsert alyp baryjy artisti Döwlet Kakamyradowiç Annageldiýewe,

Türkmenistanyň Döwlet medeniýet merkeziniň Mukamlar köşgüniň «Altyn asyr» estrada orkestriniň baş dirižýory Rahman Abdyllaýewiç Juraýewe,

«Türkmen atlary» döwlet birleşiginiň Türkmenistanyň Prezidentiniň Ahalteke atçylyk toplumynyň «Galkynyş» milli at üstündäki oýunlar toparynyň seýis-tälimçisi Allaýar Täçmyradowiç Useýnowa,

Daşogzuň Nurmuhammet Andalyp adyndaky döwlet sazly drama teatrynyň drama artisti Amandurdy Mämiýewe;

«Türkmenistanyň sungatda at gazanan işgäri» diýen hormatly ady:

Türkmenistanyň Döwlet medeniýet merkeziniň Döwlet muzeýiniň uly ylmy işgäri Täzegül Emirowa,

Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýiniň Çeperçilik-dikeldiş işleri bölüminiň müdiri Kakaly Ataýewiç Çeşmeliýewe,

Lebap welaýatynyň Türkmenabat şäherindäki 1-nji çagalar sungat mekdebiniň direktory Jorakuly Hemrakulowiç Kerimkulowa,

Mary welaýat taryhy we ülkäni öwreniş muzeýiniň uly ylmy işgäri Wiktor Gennadýewiç Turige;

«Türkmenistanyň at gazanan žurnalisti» diýen hormatly ady:

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Altyn asyr: Türkmenistan» teleradioýaýlymynyň Bagtyýarlyk ýoly bölüminiň müdiri Amangeldi Kakabaýewiç Aksakowa.

Türkmenistanyň Prezidenti

Gurbanguly Berdimuhamedow

Aşgabat ş.

2013-nji ýylyň 21-nji iýuny

№ PP-6348