Magtymguly adyndaky Halkara baýraklary baradaky komitetiň düzümini tassyklamak hakynda

TÜRKMENISTANYŇ PREZIDENTINIŇ

P E R M A N Y

Magtymguly adyndaky Halkara baýraklary baradaky komitetiň düzümini tassyklamak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2025 ý., № 1-2, 895-nji madda)

«Magtymguly adyndaky Halkara baýragy hakynda» Türkmenistanyň Prezidentiniň 2013-nji ýylyň 4-nji oktýabrynda çykaran 6434-nji Permany bilen tassyklanan Magtymguly adyndaky Halkara baýraklary baradaky komitet hakynda Düzgünnamanyň üçünji bölegine laýyklykda, karar edýärin:

1. Magtymguly adyndaky Halkara baýraklary baradaky komitetiň düzümini tassyklamaly (goşulýar).

2. Şu Perman 2025-nji ýylyň 1-nji martyndan herekete girýär.

3. Şu Permanyň ýerine ýetirilişine Türkmenistanyň Ministrler Kabinetiniň Başlygynyň medeniýet meseleleri boýunça Orunbasary hem-de Türkmenistanyň Medeniýet ministri gözegçilik etmeli.

Türkmenistanyň Prezidenti

Serdar Berdimuhamedow

Aşgabat şäheri.

2025-nji ýylyň 10-njy ýanwary

№ PP-509

Türkmenistanyň Prezidentiniň

2025-nji ýylyň 10-njy ýanwarynda

çykaran РР-509-njy Permany bilen

tassyklandy

Magtymguly adyndaky Halkara baýraklary baradaky komitetiň

DÜZÜMI

Türkmenistanyň Döwlet medeniýet merkeziniň baş direktorynyň orunbasary, şol Merkeziň Döwlet muzeýiniň direktory (Komitetiň başlygy)

Maýa Kulyýewa adyndaky Türkmen milli konserwatoriýasynyň rektory

Türkmenistanyň Döwlet çeperçilik akademiýasynyň rektory

«Türkmenistan» gazetiniň baş redaktory

«Edebiýat we sungat» gazetiniň baş redaktory

Türkmenistanyň Medeniýet ministrliginiň Döredijilik işgärleri bölüminiň başlygy

Türkmenistanyň Ylymlar akademiýasynyň Halkara gatnaşyklary bölüminiň başlygy

Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň direktory

Türkmenistanyň Ylymlar akademiýasynyň Taryh we arheologiýa institutynyň direktory

Magtymguly adyndaky Türkmen döwlet uniwersitetiniň Türkmen edebiýaty kafedrasynyň müdiri

Bellik: Komitetiň düzümine girýän beýleki medeniýet, sungat we döredijilik işgärleriniň sanawy Türkmenistanyň Medeniýet ministrligi tarapyndan hödürlenýär.