Тürkmenistanyň Prezidentiniň käbir Permanlaryna goşmaça we üýtgetme girizmek hem-de olaryň käbirini güýjüni ýitiren diýip ykrar etmek hakynda

TÜRKMENISTANYŇ PREZIDENTINIŇ

P E R M A N Y

Тürkmenistanyň Prezidentiniň käbir Permanlaryna goşmaça we üýtgetme girizmek hem-de olaryň käbirini güýjüni ýitiren diýip ykrar etmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2024 ý., № 8-9, 793-nji madda)

«Hukuk namalary hakynda» Türkmenistanyn Kanunynyň 30-31-nji maddalaryna laýyklykda, karar edýärin:

I. Türkmenistanyň Prezidentiniň şu Permanlaryna goşmaça we üýtgetme girizmeli:

1. «Türkmenistanda dynç alyş günleri berilmezden, bellenilýän baýramçylyk we hatyra günleri hakynda» Türkmenistanyň Prezidentiniň 2017-nji ýylyň 10-njy oktýabrynda çykaran 204-nji Permanynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň 2017-nji ýyldaky 10-njy ýygyndysynyň 392-nji maddasy) birinji böleginiň 252-nji bendinden soň şu mazmunly bendi goşmaly:

«253) Gurluşyk we senagat toplumynyň işgärleriniň güni - 3-nji noýabr;».

2. «Gurluşyk we senagat toplumynyň işgärleriniň gününi döretmek hakynda» Türkmenistanyň Prezidentiniň 2021-nji ýylyň 24-nji dekabrynda çykaran 918-nji Permanynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň 2021-nji ýyldaky 11-12-nji ýygyndysynyň 2098-nji maddasy) birinji böleginde «6-njy awgustynda» diýen sözleri «3-nji noýabrynda» diýen sözler bilen çalşyrmaly.

II. Şulary güýjüni ýitiren diýip ykrar etmeli:

1. «Türkmenistanda dynç alyş günleri berilmezden, bellenilýän baýramçylyk we hatyra günleri hakynda» Türkmenistanyň Prezidentiniň 2017-nji ýylyň 10-njy oktýabrynda çykaran 204-nji Permanynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň 2017-nji ýyldaky 10-njy ýygyndysynyň 392-nji maddasy) birinji böleginiň 181-nji bendini.

2. «Gurluşyk we senagat toplumynyň işgärleriniň gününi döretmek hakynda» Türkmenistanyň Prezidentiniň 2021-nji ýylyň 24-nji dekabrynda çykaran 918-nji Permanynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň 2021-nji ýyldaky 11-12-nji ýygyndysynyň 2098-nji maddasy) ikinji bölegini.

Türkmenistanyň

Prezidenti,

Türkmenistanyň

Ýaragly Güýçleriniň Serdar

Belent Serkerdebaşysy Berdimuhamedow

Aşgabat şäheri.

2024-nji ýylyň 6-njy sentýabry.

№ PP-431