Türkmenistanyň Prezidentiniň 2001-nji ýylyň Oguz aýynyň 4-inde çykaran № 3407 Permanyna üýtgetme girizmek we Türkmenistanyň Prezidentiniň 2001-nji ýylyň Bitaraplyk aýynyň 23-inde çykaran № 3531 Permanyny güýjüni ýitiren diýip hasap etmek hakynda

Türkmenistanyň Prezidentiniň 28.04.2003 ý. çykaran № PP-3854 Permany Türkmenistanyň Prezidentiniň 06.08.2013 ý. çykaran № PP-6389 Permany esasynda güýjüni ýitiren diýip ykrar edilen.

TÜRKMENISTANYŇ PREZIDENTINIŇ

P E R M A N Y

Türkmenistanyň Prezidentiniň 2001-nji ýylyň Oguz aýynyň 4-inde çykaran № 3407 Permanyna üýtgetme girizmek we Türkmenistanyň Prezidentiniň 2001-nji ýylyň Bitaraplyk aýynyň 23-inde çykaran № 3531 Permanyny güýjüni ýitiren diýip hasap etmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2003 ý., № 4, 156-njy madda)

1. «Türkmenistanyň raýatlarynyň daşary ýurt raýatlary we raýatlygy ýok adamlar bilen nika baglaşmagyna degişli meseleler boýunça Türkmenistanyň kanunlaryny kämilleşdirmek hakynda» Türkmenistanyň Prezidentiniň 2001-nji ýylyň Oguz aýynyň 4-inde çykaran № 3407 Permanynyň 4-nji bölüminiň «b» kiçi bölüminde «Türkmenistanyň Içeri işler ministrligi» diýen sözleri «Türkmenistanyň Daşary ýurt raýatlaryny hasaba alyş döwlet gullugy» diýen sözler bilen çalşyrmaly.

2. «Raýatlaryň Türkmenistandan gitmeginiň tertibini kämilleşdirmek hakynda» Türkmenistanyň Prezidentiniň 2001-nji ýylyň Bitaraplyk aýynyň 23-inde çykaran № 3531 Permanyny (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2001-nji ýyl, № 12, 571-nji madda) güýjüni ýitiren diýip hasap etmeli.

Türkmenistanyň Prezidenti Saparmyrat Türkmenbaşy

Aşgabat şäheri.

2003-nji ýylyň 28-nji apreli

№ PP-3854