Türkmenistanyň Statistika baradaky döwlet komitetiniň başlygynyň
2026-njy ýylyň 17-nji iýulynda çykaran 51-Ö belgili
B U Ý R U G Y
«Türkmenistanyň Statistika baradaky döwlet komitetiniň başlygynyň 2025-nji ýylyň 30-njy ýanwarynda çykaran 6-Ö belgili buýrugy bilen tassyklanan, Harytlaryň sarp edijileriniň bahalaryna döwlet statistik gözegçilikleri we degişli statistik habary döretmek boýunça statistik Usulyýetine üýtgetmeleri girizmek hem-de onuň käbir kadalaryny güýjüni ýitiren diýip ykrar etmek hakynda»
2017-nji ýylyň 26-njy awgustynda kabul edilen «Hukuk namalary hakynda» Türkmenistanyň Kanunynyň 30-31-nji maddalaryna we «Statistika hakynda» Türkmenistanyň Kanunynyň 20-nji maddasynyň üçünji bölegine laýyklykda, şeýle hem, harytlaryň sarp edijileriniň bahalaryna döwlet statistik gözegçiligi kämilleşdirmek maksady bilen buýurýaryn:
1. Türkmenistanyň Adalat ministrliginde 2025-nji ýylyň 20-nji martynda 1869 bellige alyş belgisi bilen döwlet belligine alnan, «Harytlaryň sarp edijileriniň bahalaryna döwlet statistik gözegçilikleri we degişli statistik habary döretmek boýunça statistik usulyýeti tassyklamak hakynda» Türkmenistanyň Statistika baradaky döwlet komitetiniň başlygynyň 2025-nji ýylyň 30-njy ýanwarynda çykaran 6-Ö belgili buýrugy bilen tassyklanan, Harytlaryň sarp edijileriniň bahalaryna döwlet statistik gözegçilikleri we degişli statistik habary döretmek boýunça statistik Usulyýetinde:
1) altmyş üçünji bölegini şu görnüşde beýan etmeli:
«63. Sarp ediş baha görkezijilerine (indekslerine) uýgunlaşdyrylan aýratyn sarp ediş Klassifikatoryna (COICOP) laýyklykda harydyň ýöriteleşdirmesi (spesifikasiýasy) görkezilendir, olar boýunça nyrhlara gözegçilikler amala aşyrylmaly haryt (hyzmat)-wekilleriniň sarp ediş toplumy «COICOP halkara klassifikatory boýunça sarp ediş nyrhlarynyň indeksini hasaplamak üçin harytlaryň-wekilleriň düzümi» atly şu Usulyýete 2-nji goşundyda (mundan beýläk - 2-nji goşundy) görkezilen görnüşde Komitet tarapyndan tassyklanylýar.»;
2) bir ýüz ýigrimi üçünji bölegini güýjüni ýitiren diýip ykrar etmeli;
3) 1-nji goşundyny güýjüni ýitiren diýip ykrar etmeli;
4) 2-nji goşundyny şu görnüşde beýan etmeli:
«Harytlaryň sarp edijileriniň bahalaryna döwlet
statistik gözegçilikleri we degişli statistik habary
döretmek boýunça statistik usulyýetine
2-nji goşundy
COICOP halkara klassifikatory boýunça sarp ediş nyrhlarynyň indeksini hasaplamak üçin harytlaryň – wekilleriň düzümi
Klassifikasiýa kody |
Harytlaryň we hyzmatlaryň ady |
Ölçeg birligi |
Harytlaryň we hyzmatlaryň häsiýetnamalary |
1 |
2 |
3 |
4 |
|
|
|
|
|
|
|
|
2. Şu buýrugyň ýerine ýetirilişine Türkmenistanyň Statistika baradaky döwlet komitetiniň başlygy, Nyrhlaryň statistikasy we seljerişi müdirliginiň başlygy hem-de Türkmenistanyň Statistika baradaky döwlet komitetiniň sebitleýin statistika müdürlikleriniň başlyklary gözegçilik etmeli.
Başlyk D.Amanmuhammedow
Türkmenistanyň Adalat ministrligi tarapyndan
2026-njy ýylyň 14-nji awgustynda 1964 bellige
alyş belgisi bilen döwlet belligine alnan.