Türkmenistanyň käbir kanunçylyk namalaryna üýtgetmeler girizmek hakynda

TÜRKMENISTANYŇ

K A N U N Y

010.180.010

Türkmenistanyň käbir kanunçylyk namalaryna

üýtgetmeler girizmek hakynda

(Türkmenistanyň Mejlisiniň Maglumatlary, 2018 ý., № 2, 58-nji madda)

I. Türkmenistanyň şu kanunçylyk namalaryna üýtgetmeleri girizmeli:

1. 2001-nji ýylyň 7-nji iýulynda kabul edilen «Gyzyl Ýarymaýyň we Gyzyl Hajyň nyşanlaryny peýdalanmak we goramak hakynda» Türkmenistanyň Kanunynyň (2015-nji ýylyň 18-nji awgustynda kabul edilen Türkmenistanyň Kanunynyň görnüşinde) (Türkmenistanyň Mejlisiniň Maglumatlary, 2015 ý., № 3, 102-nji madda) 14-nji maddasynda:

birinji bölekde «we dolandyryşynyň» diýen sözleri aýyrmaly;

ikinji we üçünji böleklerde «häkimiýeti we dolandyryş» diýen sözleri «häkimiýet» diýen söze çalşyrmaly.

2. 2009-njy ýylyň 21-nji noýabrynda kabul edilen «Migrasiýa gullugy hakynda» Türkmenistanyň Kanunynda (Türkmenistanyň Mejlisiniň Maglumatlary 2009 ý., № 4, 79-njy madda; 2013 ý., № 2, 46-njy madda; 2016 ý., № 3, 121-nji madda):

1) 1-nji maddanyň mazmunynda «döwlet dolandyryş gullugy» diýen sözleri «ýerine ýetiriji häkimiýetiň edarasy» diýen sözlere çalşyrmaly;

2) 12-nji maddanyň birinji böleginde:

7-nji bentde «we dolandyryş» diýen sözleri aýyrmaly;

17-nji bentde «dolandyryş» diýen sözi «administratiw» diýen söze çalşyrmaly;

3) 13-nji maddada:

birinji tesimde «1.» diýen san belgini aýyrmaly,

1-nji bentde «we dolandyryş» diýen sözleri aýyrmaly;

4) 16-njy maddanyň mazmunynda «dolandyryş hukuk tertibiniň bozulmalarynyň» we «dolandyryş hukuk tertibini bozan» diýen sözleri degişlilikde «administratiw hukuk bozulmalarynyň» we «administratiw hukuk bozulmalary eden» diýen sözlere çalşyrmaly;

5) 21-nji maddanyň ikinji böleginde we 24-nji maddanyň ikinji we ýedinji böleklerinde «Harby gullukçylaryň hem-de olaryň maşgala agzalarynyň statusy we sosial taýdan goralyşy hakynda» we «Harby gullukçylaryň we olaryň maşgala agzalarynyň statusy we sosial taýdan goralyşy hakynda» diýen sözleri «Harby gullukçylaryň hukuk ýagdaýy hakynda» diýen sözlere çalşyrmaly;

6) 28-nji maddanyň ikinji böleginde «Ýerine ýetiriji ýerli häkimiýet edaralary, ministrlikler we beýleki» diýen sözleri «Ýerine ýetiriji häkimiýetiň ýerli edaralary, ministrlikler we pudaklaýyn» diýen sözlere çalşyrmaly.

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti

Gurbanguly Berdimuhamedow

Aşgabat şäheri.

2018-nji ýylyň 9-njy iýuny.

№ 56-VI.