Onuň Alyhezreti Hytaý Halk Respublikasynyň Başlygy Hu Szintaony Türkmenistanyň ýokary ordeni bolan «Türkmenistanyň ilkinji Prezidenti Beýik Saparmyrat Türkmenbaşy» ordeni bilen sylaglamak hakynda

TÜRKMENISTANYŇ PREZIDENTINIŇ

P E R M A N Y

Onuň Alyhezreti Hytaý Halk Respublikasynyň Başlygy Hu Szintaony Türkmenistanyň ýokary ordeni bolan «Türkmenistanyň ilkinji Prezidenti Beýik Saparmyrat Türkmenbaşy» ordeni bilen sylaglamak hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2008 ý., № 8, 481-nji madda)

Türkmenistan bilen Hytaý Halk Respublikasynyň arasynda syýasy, ykdysady we medeni gatnaşyklary ösdürmekde bitiren aýratyn hyzmatlary, türkmen döwletiniň halkara abraýyny ýokarlandyrmaga goşan saldamly goşandy üçin, şeýle hem Türkmenistanyň we Hytaý Halk Respublikasynyň halklarynyň arasynda hoşniýetli gatnaşyklary ösdürmekdäki, özara ylalaşygy, jebisligi we agzybirligi saklamakdaky, parahatçylygy, dostlugy we hyzmatdaşlygy berkitmekdäki uly goşandyny nazara alyp, Onuň Alyhezreti Hytaý Halk Respublikasynyň Başlygy Hu Szintaony Türkmenistanyň ýokary ordeni bolan "Türkmenistanyň ilkinji Prezidenti Beýik Saparmyrat Türkmenbaşy" ordeni bilen sylaglamaly.

Türkmenistanyň Prezidenti

Gurbanguly Berdimuhamedow

Aşgabat ş.,

2008 ý. awgust aýynyň 29-y.

№ PP-5162