Ministrlikleriň, pudaklaýyn dolandyryş edaralarynyň, Türkmenistanyň Ylymlar akademiýasynyň we ýokary okuw mekdepleriniň garamagyndaky ylmy-barlag, bilim institutlarynyň direktorlaryny wezipä bellemegiň tertibini kämilleşdirmek hakynda

TÜRKMENISTANYŇ PREZIDENTINIŇ

P E R M A N Y

020.010.030

130.020.020

010.140.010

190.020.020

Ministrlikleriň, pudaklaýyn dolandyryş edaralarynyň,

Türkmenistanyň Ylymlar akademiýasynyň we ýokary okuw

mekdepleriniň garamagyndaky ylmy-barlag, bilim institutlarynyň direktorlaryny wezipä bellemegiň tertibini kämilleşdirmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2019-njy ýyl, № 1, 963-nji madda)

Berkarar döwletimiziň bagtyýarlyk döwründe ýurdumyzda ministrlikleriň, pudaklaýyn dolandyryş edaralarynyň, Türkmenistanyň Ylymlar akademiýasynyň we ýokary okuw mekdepleriniň garamagyndaky ylmy-barlag, bilim institutlarynyň direktorlaryny seçip almak hem-de wezipä bellemek işini kämilleşdirmek maksady bilen, karar edýärin:

1. Ministrlikleriň, pudaklaýyn dolandyryş edaralarynyň, Türkmenistanyň Ylymlar akademiýasynyň we ýokary okuw mekdepleriniň garamagyndaky ylmy-barlag, bilim institutlarynyň direktorlaryny (kanunçylyga laýyklykda Türkmenistanyň Prezidentiniň namalary bilen wezipä bellenmäge degişlileri muňa girmeýär) bellenen tertipde Türkmenistanyň Ministrler Kabineti bilen ylalaşyp, wezipä bellemeli.

2. Şu Perman Türkmenistanyň harby we hukuk goraýjy edaralaryna degişli däldir. Bu edaralarda gullukçylary we işgärleri seçip almagyň hem-de wezipä bellemegiň tertibi Türkmenistanyň degişli kadalaşdyryjy hukuk namalary bilen kesgitlenýär.

3. Degişli ministrlikler, pudaklaýyn dolandyryş edararaly, Türkmenistanyň Ylymlar akademiýasy Türkmenistanyň Adalat ministrligi bilen bilelikde şu Permandan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamaly we Türkmenistanyň Ministrler Kabinetine bermeli.

4. Şu Permanyň ýerine ýetirilişine Türkmenistanyň Ministrler Kabinetiniň Başlygynyň Orunbasarlary, Türkmenistanyň Zähmet we ilaty durmuş taýdan goramak ministri, beýleki degişli ministrlikleriň we pudaklaýyn dolandyryş edaralarynyň ýolbaşçylary hem-de Türkmenistanyň Ylylmlar akademiýasynyň prezidenti gözegçilik etmeli.

Türkmenistanyň Prezidenti

Gurbanguly Berdimuhamedow

Aşgabat şäheri.

2019-njy ýylyň 28-nji ýanwary

№ PP-474