Käbir kanunçylyk aktlaryny güýjüni ýitiren diýip hasap etmek hakynda

TÜRKMENISTANYŇ PREZIDENTINIŇ

P E R M A N Y

Käbir kanunçylyk aktlaryny güýjüni ýitiren diýip hasap etmek hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1996 ý., № 12, 5322-nji madda)

Türkmenistanda bazar gatnaşyklaryny çuňlaşdyrmak maksady bilen we «Eýeçilik hakynda» Türkmenistanyň Kanunynyň 9 maddasyna laýyklykda, karar edýärin:

1. Şulary güýjüni ýitiren diýip hasap etmeli:

«Hususylaşdyrylan ýaşaýyş jaýlaryny we kwartiralary satmagy, peşgeş bermegi hem-de çalyşmagy wagtlaýyn gadagan etmek hakynda» Türkmenistanyň Prezidentiniň 1992 ýylyň 12 maýynda çykaran № 400 Permanyny (Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1992 ý., № 5, 307 madda);

«Türkmenistanda harby gullugy geçýän harby gullukçylaryň ýaşaýyş jaý meýdanlary hakynda» Türkmenistanyň Prezidentiniň 1993 ýylyň 3 sentýabrynda çykaran № 996 Permanynyň 3 maddasyny (Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1993 ýyl, № 9, 1521 madda).

2. Şu Perman çap edilen pursatyndan başlap güýje girýär.

Türkmenistanyň Prezidenti Saparmyrat Türkmenbaşy

Aşgabat şäheri

1996-njy ýylyň 6-njy dekabry

№ PP-2070