Türkmenistanyň territoriýasynda alternatiw (zähmet) gullugyny ýatyrmak hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň territoriýasynda alternatiw (zähmet) gullugyny

ýatyrmak hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy 1994 ý, № 12, 2298-nji madda)

Türkmenistanyň Ýaragly Güýçlerine çagyryş boýunça harby gullugy geçmegiň tertibini kämilleşdirmek maksady bilen, karar edýärin:

1. Alternatiw (zähmet) gullugyna graždanlaryň çagyrylyşyny 1995-nji ýylyň 1-nji ýanwaryndan başlap ýatyrmaly. Öň alternatiw (zähmet) gullugyna çagyrylan graždanlar bellenilen möhlet tamamlanýança bu gullugy geçýärler diýip bellemeli.

2. Türkmenistanyň Ýaragly Güýçlerinde goşunlaryň inžener-tehniki üpjünçiligi podrazdeleniýelerini bellenilen sanyň çäklerinde döretmeli.

3. Türkmenistanyň Goranmak ministrligi:

1995-nji ýylyň ýanwarynda Türkmenistanyň Ýaragly Güýçleriniň goşunlaryň inžener-tehniki üpjünçiligi podrazdeleniýederiniň strukturasyny we bu podrazdeleniýeler hakyndaky düzgünnamanyň proýektini tassyklamak üçin Türkmenistanyň Ministrler Kabinetine bermelidir;

gyzyklanýan ministrlikler we wedomstwolar bilen bilelikde şu Permandan gelip çykýan üýtgetmeleri Türkmenistanyň kanunlaryna girizmek hakyndaky teklipleri taýýarlamalydyr hem-de Türkmenistanyň Ministrler Kabinetine bermelidir.

4. «Türkmenistanyň territoriýasynda alternatiw (zähmet) gullugyny girizmek hakynda» Türkmenistanyň Prezidentiniň 1992-nji ýylyň 14-nji iýulynda çykaran № 494 Permanynyň 1-5 punktlaryny güýjüni ýitiren diýip hasap etmeli.

Türkmenistanyň Prezidenti Saparmyrat Türkmenbaşy

Aşgabat ş.

1994-nji ýylyň 26-njy dekabry

№ PP-1434