Çagyryş boýunça harby gullugy geçýän harby gullukçylary we alternatiw (zähmet) gulluga çagyrylan graždanlary Türkmenistanyň Ýaragly Güýçlerinden, Serhet we Içerki goşunlaryndan zapasa boşatmak hem-de Türkmenistanyň graždanlarynyň harby gulluga nobatdaky çagyrylyşy hakynda

TÜRKMЕNISTANYŇ PRЕZIDЕNTINIŇ

P Е R M A N Y

Çagyryş boýunça harby gullugy geçýän harby gullukçylary we alternatiw (zähmet) gulluga çagyrylan graždanlary Türkmenistanyň Ýaragly Güýçlerinden, Serhet we Içerki goşunlaryndan zapasa boşatmak hem-de Türkmenistanyň graždanlarynyň harby gulluga nobatdaky çagyrylyşy hakynda

(Türkmenistanyň Prezidentiniň aktlarynyň we Türkmenistanyň Hökümetiniň kararlarynyň ýygyndysy, 1995 ý. № 9, 2788-nji madda)

Türkmenistanyň Konstitusiýasyna we «Harby borçlulyk we harby gulluk hakynda» Türkmenistanyň Kanunyna laýyklykda, karar edýärin:

1. Bellenilen möhletleri gulluk eden, çagyryş boýunça harby gullugy geçýän harby gullukçylary we alternatiw (zähmet) gulluga çagyrylan graždanlary 1995 ýylyň noýabyrynda- dekabrynda Türkmenistanyň Ýaragly Güýçlerinden, Serhet hem-de Içerki goşunlaryndan zapasa boşatmaly.

2. Türkmenistanyň erkek jynsyndan bolan, çagyryş gününe çenli 18 ýaşy dolan, çagyryşdan gaýra goýmaga hukugy bolmadyk graždanlary, şeýle hem çagyryşdan gaýra goýmaga hukugyny ýitiren uly ýaşly graždanlary 1995 ýylyň oktýarynda- dekabrynda harby gulluga çagyrmaly.

3. Şu Perman çap edilen pursatyndan başlap güýje girýär.

Türkmenistanyň Prezidenti Saparmyrat Türkmenbaşy

Aşgabat şäheri

1995-nji ýylyň 15-nji sentýabry

№ PP-1645