Türkmenistanyň Prezidentiniň käbir namalaryna üýtgetmeler girizmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Prezidentiniň käbir namalaryna üýtgetmeler

girizmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy 2000 ý., № 8, 406-njy madda)

Türkmenistanyň Prezidentiniň şu namalaryna üýtgetmeler girizmeli:

1. «Türkmenistanyň döwlet salgyt gullugyny döretmek hakynda» Türkmenistanyň Prezidentiniň 1992- ýylyň 6- ýanwarynda çykaran № 250 Permany bilen tassyklanylan, Türkmenistanyň Döwlet salgyt gullugy hakyndaky Düzgünnamanyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 1992- ý., № 1, 4-madda) 5-bölüminde:

a) «g» kiçi bölüminde:

ikinji bendi aýyrmaly;

üçünji bendinde «iki esse möçberini» diýen sözleri aýyrmaly;

bäşinji bendi şu görnüşde beýan etmeli:

«salgyt salynýan binýatlaryň azaldylanlygy ýa-da hasaba alynmandygy (yaşyrylandygy) üçin býujete salgytlaryň we beýleki hökmany tölegleriň möçberleri, ýa bolmasa umuman hasaba alynmadyk ýa-da olaryň ýalňyş hasaplanylmagy sebäpli azaldylan şu tölegleriň möçberleri»;

altynjy, ýedinji we dokuzynjy bentlerinde «we býujetden daşary gaznalara» diýen sözleri aýyrmaly;

b) «h» kiçi bölüminde:

«ýa-da býujetden daşary gaznalara» diýen sözleri aýyrmaly;

«0,3 prosenti» diýen sözleri «müňden 1 bölegi möçberde» diýen sözler bilen çalşyrmaly.

Bellik: (Türkmenistanyň Döwlet salgyt gullugy hakyndaky düzgünnama Türkmenistanyň Prezidentiniň 29.03.2005 ý. № PP-4243 Permany esasynda güýjüni ýitirendigi sebäpli, 1-nji bölüm F.G.Ý.).

2. «Býujete salgytlary tölemekden boýun gaçyrylmagynyň öňüni almak hakynda» Türkmenistanyň Prezidentiniň 1997- ýylyň 1- dekabrynda çykaran № 3415 kararynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 1997 ý., № 11-12, 6055-madda) 3 bölüminde «0,5 proseni möçberinde" diýen sözleri «müňden 3 bölegi möçberinde» diýen sözler bilen çalşyrmaly.

Türkmenistanyň Prezidenti Saparmyrat Türkmenbaşy

Aşgabat ş.

2000-nji ýylyň 31-nji awgusty

№ PP-3171