Türkmenistanyň Ýaragly Güýçlerinde, beýleki goşunlarynda çagyryş boýunça gullugy geçýän harby gullukçylary gullukdan boşatmak we Türkmenistanyň raýatlarynyň harby gulluga nobatdaky çagyrylyşy hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň Ýaragly Güýçlerinde, beýleki goşunlarynda çagyryş boýunça gullugy geçýän harby gullukçylary gullukdan boşatmak we Türkmenistanyň raýatlarynyň harby gulluga nobatdaky çagyrylyşy hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2001 ý., № 3, 170-nji madda)

Türkmenistanyň Konstitusiýasyna hem-de «Harby borçlulyk we harby gulluk hakyndaky» Türkmenistanyň Kanunyna laýyklykda, karar edýärin:

1. Türkmenistanyň Ýaragly Güýçlerinde, beýleki goşunlarynda çagyryş boýunça harby gullugy geçýän, bellenilen möhletleri gulluk eden harby gullukçylary 2001-nji ýylyň maýynda-iýunynda gullukdan boşatmaly.

2. Çagyryş gününe çenli 18 ýaşy dolan, çagyryşdan gaýra goýmaga hukugy bolmadyk Türkmenistanyň erkek raýatlaryny, şeýle hem harby gulluga çagyryşdan gaýra goýmaga hukugyny ýitiren uly ýaşly raýatlary 2001-nji ýylyň aprelinde-iýunynda harby gulluga çagyrmaly.

3. Şu Perman çap edilen pursatyndan başlap güýje girýär.

Türkmenistanyň Prezidenti Saparmyrat Türkmenbaşy

Aşgabat ş.

2001-nji ýylyň 16-njy marty

№ PP-3357