Türkmenistanyň çäklerinde aýdym-sazly medeni çärelerde, telewizion ýaýlymlarda berilýän gepleşiklerde fonogrammany - ses ýazgysyny ulanmagy gadagan etmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanyň çäklerinde aýdym-sazly medeni çärelerde, telewizion ýaýlymlarda berilýän gepleşiklerde

fonogrammany - ses ýazgysyny ulanmagy gadagan etmek hakynda

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2005 ý., № 8, 378-nji madda)

Mukaddes Garaşsyzlyk ýyllary içinde baky Bitarap Türkmenistan döwleti tanalmaz derejede ösüp, özgerip, belent sepgitlere ýetdi. Türkmenistanda Garaşsyzlyk ýyllary içinde asyrlara barabar işler bitirilip, ägirt uly ösüşlerimizdir üstünliklerimiz tutuş dünýäde ykrar edildi.Garaşsyz Türkmenistanda durmuşyň ähli ugurlarynda ýetilen belent sepgitleri wasp edýän, halkymyzy täze edermenliklere ruhlandyrýan ajaýyp aýdym-saz eserleriniň ýüzlerçesi döredildi. Ussatlyk bilen ýerine ýetirilýän şol aýdym-saz eserleri Mukaddes Ruhnamadan ylham alýan agzybir halkymyzyň ruhuny belende göterip, täze ýeňişlere hem-de galkynyşlara ruhlandyrýar.

Bäş müň ýyllyk şöhratly taryhy bolan türkmen halkynyň asyrlaryň synagyndan geçen milli medeniyetini hormatlap, medeniýetiň we sungatyň has-da gülläp ösmegini, merdana pederlerimiziň aýdym-saz älemindäki nusgalyk ýolunyň Altyn asyrda dowam etdirilmegini gazanmak, Mukaddes Ruhnamada milli aýdym-saz sungatymyz barada beýan edilen çuňňur pikirleri ýaş nesilleriň ruhuna ornaşdyrmak, şeýle hem Garaşsyz zamanamyzyň aýdym-saz sungatynyň ösüşine oňaýsyz täsirini ýetirýän fonogrammanyň - ses ýazgysynyň ulanylmagynyň öňüni almak maksady bilen karar edýärin:

1. Türkmenistanyň çäklerinde döwlet derejesinde bellenilýän baýramlar we şanly seneler mynasybetli geçirilýän aýdym-saz çykyşlarynda, ähli görnüşdäki medeni çärelerde, Türkmen telewideniýesiniň baş rnüdirliginiň telewizion ýaýlymlarynda berilýän gepleşiklerde, döwlet we jemgyýetçilik edaralarynda, raýatlatyň köpçülikleýin barýan ýerlerinde guralýan ähli medeni çärelerde, raýatlatyň tutýan toý-dabaralarynda fonogrammany - ses ýazgysyny ulanmagy gadagan etmeli.

2. Şu Permanyyň ýerine ýetirilişine Türkmenistanyň Medeniýet we teleradioýaýlymlar ministrligi, welaýatlaryň we Aşgabat şäheriniň häkimlikleri gözegçilik etmeli.

Türkmenistanyň Prezidenti Saparmyrat Türkmenbaşy

Aşgabat ş.

2005-nji ýylyň 22-nji awgusty

№ PP-4335