Türkmenistanda bilim ulgamyny kämilleşdirmek hakynda

TÜRKMENISTANYŇ PREZIDENTINIŇ

P E R M A N Y

Türkmenistanda bilim ulgamyny kämilleşdirmek hakynda

130.010.010

130.010.070

130.010.100

(Türkmenistanyň Prezidentiniň namalarynyň we Türkmenistanyň Hökümetiniň çözgütleriniň ýygyndysy, 2007 ý., № 2, 28-nji madda)

Türkmenistanda bilim ulgamyny kämilleşdirmek we bu işi dünýäniň ösen ýurtlarynyň derejesine ýetirmek maksady bilen, karar edýärin:

1. 2007-2008-nji okuw ýylynyň 1-nji sentýabryndan okatmak möhleti:

orta mekdeplerde - on ýyl;

ýokary mekdeplerde - bäş ýyl, lukmançylygyň we sungatyň aýratyn hünär ugurlary boýunça - alty ýyl bolmaly.

2. Şu Permanyň 1-nji bölüminde bellenilen wezipeleri durmuşa geçirmek üçin Türkmenistanyň Bilim ministrligi dahylly ministrlikleriň we pudak edaralarynyň wekilleriniň gatnaşmagynda iş toparyny döretmeli we zerur guramaçylyk-usuly resmi namalary üç aý möhletde taýýarlamaly hem-de tassyklamak üçin Türkmenistanyň Ministrler Kabinetine hödürlemeli.

3. Türkmenistanyň Ykdysadyýet we maliýe ministrligi Türkmenistanyň 2007-nji ýyl üçin Döwlet býujetine şu Permandan gelip çykýan üýtgetmeleri girizmeli.

4. Şu Permanyň ýerine ýetirlişine Türkmenistanyň Ministrler Kabinetiniň Başlygynyň Orunbasarlary gözegçilik etmeli.

Türkmenistanyň Prezidenti

Gurbanguly Berdimuhammedow

Aşgabat ş.

2007-nji ýylyň 15-nji fewraly

№ PP-4610